ຕຳແລ້ວໜີມີໂທດແນວໃດ ?

- Untitled design - ຕຳແລ້ວໜີມີໂທດແນວໃດ ?

- 18493136 806556312836513 461861591 o - ຕຳແລ້ວໜີມີໂທດແນວໃດ ?          ເວລາປະມານ 2 ໂມງຂອງຄືນວັນທີ 15 ພຶດສະພານີ້, ໄດ້ເກີດເຫດລົດ ໃຫຍ່ຕຳກັບລົດຈັກຢ່າງແຮງ, ໂດຍລົດໃຫຍ່ໝາຍເລກທະບຽນ ກລ 5978 ກຳແພງນະຄອນ, ແລ່ນມາແຕ່ຕະຫລາດເຊົ້າມຸ້ງໜ້າໄປທາງໄຟແດງໂຮງໝໍມະ ໂຫສົດ, ສ່ວນລົດຈັກ ໝາຍເລກທະບຽນ ດສ 1159 ກໍາແພງນະຄອນ ແລ່ນມາແຕ່ສີເມືອງມຸ້ງໝ້າໄປໄຟແດງໄຟຟ້ານະຄອນຫລວງ ດ້ວຍຄວາມໄວ, ຈຶ່ງເຮັດໃຫ້ປະທະກັນຢູ່ກາງ 4 ແຍກມະຫາວິທະຍາໄລແພດສາດ ສົ່ງຜົນໃຫ້ຜູ້ຂັບຂີ່ລົດຈັກເຈັບສາຫັດ (ອາການໂຄມາ), ສ່ວນຜູ້ຊ້ອນທ້າຍເປັນຍິງ 2 ຄົນມີອາກາດຂາຫັກ, ປັດຈຸບັນນອນປິ່ນປົວຢູ່ໂຮງໝໍມະໂຫສົດ, ສ່ວນຄົນຂັບລົດໃຫຍ່ແມ່ນໄດ້ລົບໜີ ແລະ ບໍ່ໄດ້ຮັບຜິດຊອບຕໍ່ເຫດການດັ່ງກ່າວເທື່ອ. ແນວໃດກໍຕາມ ເຈົ້າໜ້າທີ່ຈະລາຈອນ ພວມເລັ່ງຕິດຕາມຄົນຂັບລົດໃຫຍ່ມາຮັບຜິດຊອບຕໍ່ເຫດ ການດັ່ງກ່າວ. ຜູ້ເຫັນເຫດການໃຫ້ຮູ້ຕື່ມວ່າ: ກ່ອນຄົນຂັບລົດໃຫຍ່ຈະລົບໜີ ຜູ້ກ່ຽວໄດ້ນຳ ສົ່ງຄົນເຈັບທັງ 3 ຄົນໄປໂຮງໝໍມະໂຫສົດ, ຫລັງຈາກນັ້ນກໍບໍ່ ເຫັນຕົວເລີຍ.

ຂ່າວໃຫ້ຮູ້ອີກວ່າ: 7 ວັນຜ່ານມາ, ຢູ່ນະຄອນຫລວງວຽງຈັນ ມີອຸປະຕິ ເຫດເກີດຂຶ້ນ 34 ກໍລະນີ, ສົ່ງຜົນໃຫ້ມີຜູ້ເສຍຊີວິດ 9 ຄົນ, ສາເຫດສ່ວນ ໃຫຍ່ແມ່ນເກີດຈາກການ ດື່ມສິ່ງມືນເມົາແລ້ວຂັບຂີ່, ຂັບຂີ່ເກີນກຳນົດ ແລະ ອື່ນໆ. ໄລຍະຜ່ານມາ, ເຈົ້າໜ້າທີ່ຕຳຫລວດຈະລາຈອນ, ກໍໄດ້ສຸມໃສ່ຕັ້ງຈຸດ ກວດຄວບຄຸມທາດເຫລົ້າ, ການຂັບຂີ່ລົດດ້ວຍຄວາມໄວ, ຈັດສັນການ​ສັນ ຈອນຕາມທ້ອງຖະໜົນໃຫ້ມີຄວາມເປັນລະບຽບ ເພື່ອຫລີກລ້ຽງການ​ຕິດ​ຄັດ ຂອງພາຫະນະ, ພ້ອມນີ້ຍັງໄດ້ເອົາໃຈໃສ່ເຕືອນໃຫ້ນັກຂັບຂີ່ທຸກຄົນ ຈົ່ງມີສະຕິ ແລະ ເຄົາລົບການປະຕິບັດລະບຽບຈະລາຈອນໃຫ້ເຂັ້ມງວດ.

- Wave100S AD to Website 2020 0 - ຕຳແລ້ວໜີມີໂທດແນວໃດ ?
- WhatsApp Image 2020 05 27 at 5 - ຕຳແລ້ວໜີມີໂທດແນວໃດ ?
- WhatsApp Image 2020 05 27 at 5 - ຕຳແລ້ວໜີມີໂທດແນວໃດ ?
error: Alert: ເນື້ອຫາຂ່າວມີລິຂະສິດ !!