ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ

ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ - news201811221219891 - ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ
ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ - AGL banner - ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ

ດີດີເຢ້ ດ໊ອກບ້າ (Didier Drogba) ອະດີດກອງໜ້າສະໂມສອນເຊລຊີ ແລະ ທີມຊາດໄອໂວຣີໂຄດ ປະກາດອຳລາອາຊີບຢ່າງເປັນທາງການໃນວັນທີ 21 ພະຈິກຜ່ານ​ມາ ໃນໄວ 40 ປີ.

ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ - 46525871 366830030554794 2081690981022826496 n - ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ

ດ໊ອກບ້າ ກ່າວວ່າ: “ຕະຫລອດ 20 ປີ ໃນການຍຶດອາຊີບນີ້ ສຸດມະຫັດສະຈັນ ມັນເປັນເວລາທີ່ເໝາະສົມ ແລະ ດີທີ່ສຸດເພື່ອອຳລາອາຊິບ, ຂ້ອຍໄດ້ບົດຮຽນຢ່າງຫລວງຫລາຍ ເພື່ອຈະນຳໄປພັດທະນານັກເຕະຮຸ່ນຕໍ່ໄປ”.

ດ໊ອກບ້າ ເລີ່ມກ້າວສູ່ອາຊີບນັກເຕະກັບສະໂມສອນ ເລີມ໋ອງ ໃນລີກຝຣັ່ງ ປີ 1998 ຈາກນັ້ນຍ້າຍໄປຢູ່ກັບ ແກັງກ໋ອງ ແລະ ໂອແລມປິກມາກເຊີຍ ທີມລະສອງປີ ກ່ອນຍ້າຍມາຮ່ວມທັບເຊລຊີ ໃນປີ 2004-2012 ດ້ວຍຄ່າໂຕ 24 ລ້ານປອນ, ລົງຫລິ້ນໃຫ້ ເຊລຊີ 381 ນັດ ຍິງໄດ້ 164 ປະຕູ ໄດ້ແຊ້ມພຣີເມຍລີກກັບເຊລຊີ 4 ສະໄຫມ, ເອຟເອຄັບ 4 ສະໄຫມ, ລີກຄັບ 3 ສະໄຫມ, ເອຟເອ ຄອມມູນີຕີ້ຊິວ 2 ສະໄຫມ ແລະ ຢູຟາ ແຊມປ້ຽນລີກ 1 ສະໄຫມ.

ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ - Wave100S AD to Website 2020 0 - ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ

ຈາກນັ້ນບັ້ນທ້າຍອາຊີບລາ ເຊລຊີ ໄປຫາຄວາມທ້າທາຍໃຫມ່ກັບສະໂມສອນ ຊຽງໄຮ້ ເສິນຫົວ ໃນລີກສູງສຸດປະເທດຈີນ ໃນປີ 2012-13 ແລະ ໄປຢູ່ກັບ ກາລາຕາຊາຣາຍ ໃນຕວກກີ ປີ 2013-14 ນຳທີມໄດ້ແຊ້ມລີກສູງສຸດ, Turkish Cup ແລະ Turkish Super Cup ຢ່າງລະ 1 ສະໄຫມ ແລະ ກັບມາ ເຊລຊີ ອີກຄັ້ງເປັນໄລຍະສັ້ນ ປີ 2014-15 ກ່ອນລາທີມຄັ້ງທີສອງໄປຢູ່ກັບສະໂມສອນ ມ໋ອນເທຣໂອ ອິມແພັກ ທີມໃນລີກສູງສຸດຂອງສະຫະລັດອາເມລິກາ ໃນປີ 2015-16 ແລະ ປິດທ້າຍອາຊີບກັບສະໂມສອນ ຟີນິກ ໄຣຊິ້ງ ທີມໃນລີກອັນດັບ 2 ຂອງສະຫະລັດອາເມລິກາ ທີ່ ດ໊ອກບ້າ ມີຫຸ້ນສ່ວນເປັນເຈົ້າຂອງທີມ.

ລວມແລ້ວ ດ໊ອກບ້າ ລົງຫລິ້ນທັງໝົດ 679 ນັດ ກັບ 8 ສະໂມສອນ ຍິງໄດ້ 297 ປະຕູ. ລາງວັນສ່ວນຕົວທີ່ໜ້າສົນໃຈຂອງ ດ໊ອກບ້າ ໄດ້ລາງວັນນັກເຕະດີເດັ່ນແຫ່ງປີຂອງລີກອ໋ອງຝຣັ່ງ ພ້ອມກັບຕິດທີມດີເດັ່ນ ແລະ ປະຕູດີເດັ່ນ ໃນລະດູການ 2003-04, ໄດ້ລາງວັນນັກເຕະດີເດັ່ນຂອງປະເທດ 3 ສະໄຫມ, ລາງວັນນັກເຕະທະວີບອາຟຣິກາ 2 ສະໄຫມ, ດາວຍິງສູງສຸດພຣີເມຍລີກ 2 ສະໄຫມ, ເປັນດາວຍິງສູງສຸດທີມຊາດໄອໂວຣີໂຄດ 65 ປະຕູ ແລະ ລາງວັນອື່ນໆ.

ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ - lattana 1 - ດີດີເຢ້ ດ໊ອກບ້າ ອະດີດກອງໜ້າເຊລຊີ ປະກາດລາອາຊີບເປັນທາງການໃນໄວ 40 ປີ
error: Alert: Content is protected !!