ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ

ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ - kuadsorb - ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ
ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ - Untitled design - ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ

ປະທານອົງການກວດສອບແຫ່ງລັດ ທ່ານນາງ ວຽງທອງ ສີພັນດອນ ໄດ້ລາຍງານຕໍ່ກອງປະຊຸມສະພາແຫ່ງຊາດທີ່ພວມດໍາເນີນໃນປັດຈຸບັນນີ້ວ່າ: ປີນີ້, ອົງການຕົນໄດ້ດໍາເນີນການກວດສອບຂະແໜງການຂອງລັດທັງໝົດ 99 ເປົ້າໝາຍ. ໃນນີ້ກວດສອບສໍາເລັດ 95 ເປົ້າໝາຍ ແລະ ອີກ 4 ເປົ້າໝາຍພວມດໍາເນີນການກວດສອບ, ໂດຍສຸມໃສ່ກວດກາບົດສະຫລຸບຂາດຕົວການຈັດຕັ້ງປະຕິບັດແຜນງົບປະມານ, ການກູ້ຢືມເງິນ, ທຶນການຊ່ວຍເຫລືອລ້າ ແລະ ກວດສອບຕາມມະຕິຂອງສະພາແຫ່ງຊາດ, ເຊິ່ງພາຍຫລັງອົງການກວດສອບໄດ້ຮັບອະນຸມັດຈາກລັດຖະບານໃຫ້ສ້າງຕັ້ງກົມຮັບປະກັນຄຸນນະພາບຜົນການກວດສອບຂຶ້ນເມື່ອບໍ່ດົນມານີ້, ປາກົດວ່າຄຸນນະພາບຂອງວຽກງານກວດສອບມີປະສິດທິຜົນດີກວ່າຂຶ້ນ, ຜົນການກວດສອບໄດ້ປະກອບສ່ວນໃຫ້ແກ່ການຄຸ້ມຄອງເສດຖະກິດ, ການເງິນພາກລັດ ຫັນເຂົ້າສູ່ລະບຽບກົດໝາຍເຂັ້ມງວດຫລາຍຂຶ້ນ. ຄຽງຄູ່ກັນນັ້ນ ໄດ້ພົບຂໍ້ຄົງຄ້າງຈໍານວນໜຶ່ງ ເປັນຕົ້ນແມ່ນການປະສານງານສົມທົບລະຫວ່າງຄະນະກວດສອບກັບຫົວໜ່ວຍງົບປະມານທີ່ຖືກກວດສອບບໍ່ທັນໂລ່ງລຽນ, ໂດຍສະເພາະສົ່ງເອກະສານລາຍງານການເງິນບໍ່ຄົບຖ້ວນ ແລະ ຊັກຊ້າ, ການຊີ້ແຈງບັນຫາບໍ່ຖືກຕາມຫລັກການກວດສອບ, ການເຊັນບົດບັນທຶກຜົນການກວດສອບໃຊ້ເວລາດົນ, ບາງວໜ່ວຍງົບປະມານທີ່ຖືກກວດສອບບໍ່ເອົາໃຈໃສ່ຕໍ່ການປັບປຸງແກ້ໄຂຕາມຄໍາແນະນໍາຜົນການກວດສອບໃນຜ່ານມາ.

ປະທານອົງການກວດສອບ ໃຫ້ຮູ້ວ່າ: ໃນປີ 2017 ຜ່ານມາ, ໄດ້ສໍາເລັດການກວດສອບ 99 ເປົ້າໝາຍ, ສາມາດກວດເຫັນລາຍຮັບທີ່ບໍ່ມອບເຂົ້າງົບປະມານແຫ່ງລັດຈໍານວນ 239 ຕື້ກວ່າກີບ. ໃນນັ້ນຂັ້ນສູນກາງມີຈໍານວນ 112 ຕື້ກວ່າກີບ ແລະ ທ້ອງຖິ່ນ 127 ຕື້ກວ່າກີບ. ສ່ວນໃຫຍ່ແມ່ນລາຍຮັບຂະແໜງສ່ວຍສາອາກອນ, ຄຸ້ມຄອງຊັບສີນຂອງລັດ ແລະ ອື່ນໆ.

ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ - Wave100S AD to Website 2020 0 - ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ
ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ - WhatsApp Image 2020 05 27 at 5 - ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ
ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ - WhatsApp Image 2020 05 27 at 5 - ປີນີ້ມີຂະແໜງການລັດ 99 ເປົ້າໝາຍຖືກກວດສອບຄວາມໂປ່ງໃສ
error: Alert: ເນື້ອຫາຂ່າວມີລິຂະສິດ !!