ເອົາກົດໝາຍ ເປັນພູມຕ້ານທານ

ເອົາກົດໝາຍ ເປັນພູມຕ້ານທານ - advert banner 728 90 728x90 - ເອົາກົດໝາຍ ເປັນພູມຕ້ານທານ

ໂດຍ: ວິເສດ ສະແຫວງສຶກສາ

ເຊັ່ນດຽວກັບຄັ້ງຜ່ານໆ ມາ, ກອງປະຊຸມເທື່ອທີ 6 ຂອງສະພາແຫ່ງຊາດ ເຊິ່ງ ພວມດຳເນີນຢູ່ໃນຂະນະນີ້ ນັ້ນ ກໍຈະໄດ້ຮັບຟັງ ແລະ ຄົ້ນ ຄວ້າພິຈາລະນາ ເພື່ອຮັບ ຮອງເອົາບົດລາຍງານການ ເຄື່ອນໄຫວຂອງວຽກງານ ສານ ແລະ ໄອຍະການ. ດັ່ງ ນັ້ນ ເພື່ອໃຫ້ເຂົ້າກັບບັນຍາ ກາດ, ຜູ້ຂຽນຈຶ່ງໄດ້ສັງລວມ ເອົາບາງຄະດີສຳຄັນຢູ່ຕ່າງ ປະເທດມາເລົ່າສູ່ຟັງວ່າ ຢູ່ ບ້ານເພິ່ນເມືອງທ່ານນັ້ນເຂົາ ມີມາດຕະການຈັດຕັ້ງປະຕິ ບັດກົດໝາຍແນວໃດ ເພື່ອ ໃຫ້ກົດໝາຍເປັນກົດໝາຍ ແທ້, ບໍ່ໃຫ້ເປັນກົດໝາຍໝູ່.

 

ສານສູງສຸດ ສະເປນ ສັ່ງຈຳຄຸກ ເມສເຊີ 21 ເດືອນກໍລະນີໜີພາສີ2017/

ສານນະຄອນຫລວງຕັດສີນລົງໂທດປະທານບໍລິສັດ ພີເອັສ ແລະ ຜູ້ຮ່ວມຂະບວນການໃນຄວາມຜິດຫລາຍຂໍ້ຫາ2018

ຂ່າວໃຫຍ່ໄຟແຮງຫວ່າງ ບໍ່ເຫິງມານີ້ ກໍຄົງບໍ່ມົ້ມຄະ ດີຕັດສິນຈຳຄຸກທ່ານ ນາງ ປາກ ກິນ ແຮ ອະດີດປະທາ ນາທິບໍດີ ສ.ເກົາຫລີ ໃຫ້ຈຳ ຄຸກ ກວ່າ 20 ປີ, ຕໍ່ມາຫວ່າງ ເດືອນຕຸລາປີນີ້, ສານຂອງ ເກົາຫລີ ກໍຕັດສິນຈຳຄຸກອະ ດີດປະທານາທິບໍດີອີກ ທ່ານ ໜຶ່ງ (ຜູ້ຂຽນຈຳຊື່ບໍ່ໄດ້) ທີ່ ຄອງອຳນາດກ່ອນສະໄໝ ທ່ານ ນາງ ປັກ ກິນ ແຮ.

ເອົາກົດໝາຍ ເປັນພູມຕ້ານທານ - 1 1 - ເອົາກົດໝາຍ ເປັນພູມຕ້ານທານ
ເອົາກົດໝາຍ ເປັນພູມຕ້ານທານ - lattana 1 - ເອົາກົດໝາຍ ເປັນພູມຕ້ານທານ

ຄະດີທີ່ທັງສອງທ່ານ ນັກໂທດລະດັບ “ຊຸບເປີ” ນີ້ ລ້ວນແຕ່ພົວພັນກັບການສໍ້ ລາດບັງຫລວງ, ການໃຊ້ ອຳນາດໃນທາງຜິດ. ໃນ ເວລານີ້ຂ່າວດັງເລື່ອງອະ ດີດຜູ້ນຳທີ່ຕ້ອງໄດ້ທຽວຂຶ້ນ ສານ ພ້ອມທັງເມຍ ກໍຄົງ ບໍ່ມົ້ມເລື່ອງອະດີດນາຍົກ ລັດຖະມົນຕີມາເລເຊຍ ແລະ ພັນລະຍາ ທີ່ຕິດຂໍ້ຫາສໍ້ລາດ ບັງຫລງ ໂດຍສວຍໃຊ້ໂຄງ ການພັດທະນາຕ່າງໆ ເພື່ອ ເປັນຄັນຕາລະບັດບັງໜ້າ. ຄະດີນີ້ຈະລົງເອີ່ຍກັນແນວ ໃດນັ້ນ ຂໍໃຫ້ຕິດຕາມເບິ່ງ ເພື່ອຈະໄດ້ເອົາມາເປັນອຸ ທາຫອນສອນໃຈວ່າ ຄົນທີ່ “ເຫັນເງິນໜ້າດຳເຫັນ ຄຳ ໜ້າເສົ້າ” ນັ້ນໄປບໍ່ລອດມື ກົດໝາຍດອກ ເຖິງຈະຢູ່ສູງ ພຽງຟ້າກໍຢ່າ.

ສ່ວນຢູ່ປະເທດບັງກະ ລາເທດນັ້ນ, ຂ່າວ ເດິເນເຊິນ (The Nation) ສະບັບ ວັນທີ 30 ເດືອນຕຸລາປີນີ້ກໍ ບອກວ່າ ສານສູງໄດ້ຕັດສິນ ຈຳຄຸກ ທ່ານ ນາງ ຄາເລດາ ເຊຍ (Khallda Zia) ອະ ດີດນາຍົກລັດຖະມົນຕີບັງ ກະລາເທດ ໃຫ້ຈຳຄຸກ ຕື່ມ ອີກ 7 ປີ ບວກໃສ່ໂທດ ຈຳຄຸກ 5 ປີ ທີ່ສານໄດ້ຕັດສິນໄປ ແລ້ວເມື່ອເດືອນກຸມພາປີນີ້ ເອງ. ໂທດກຳທີ່ໄດ້ຮັບກໍ ອັນດຽວກັນຫັ້ນລະຄືການ ສໍ້ໂກງຊັບສິນຂອງລັດ. ຟັງ ກ່ຽວກັບຄະດີບັນດາ ທ່ານ ຜູ້ນຳເຫລົ່ານີ້ແລ້ວ, ຜູ້ຂຽນ ກໍງຶດຈົນຫົວຊິແຕກຕາຍ ເພາະເຄີຍໄດ້ອ່ານຂ່າວຕອນ ຜູ້ນຳເຫລົ່ານີ້ລົງໂຄສະນາ ຫາສຽງເພື່ອໃຫ້ຖືກເລືອກ ຕັ້ງເປັນຜູ້ນຳປະເທດວ່າ ພວກ ຕົນຈະຕໍ່ສູ້ຈົນຫົວຂາດ ເພື່ອ ຕ້ານການສໍ້ລາດບັງຫລວງ, ຈະສົ່ງເສີມຄວາມປອດໃສ ໃນການບໍລິຫານ ປະເທດ ຊາດບ້ານ ເມືອງ ແຕ່ແລ້ວ ເວົ້ານຳລາຍຍັງບໍ່ທັນແຫ້ງ ເລື່ອງກໍໄປທາງອີ່ເຕືອກ ເສືອກອອກທາງ.

ເລື່ອງຜູ້ນຳສາມ ທ່ານ ທີ່ຖືກບ້ວງແຮ້ວກົດໝາຍ ຮັດຄໍນີ້ ເຕືອນໃຫ້ພວກເຮົາ ຮູ້ວ່າ ຢ່າຟ້າວເຊື່ອໃຈທາງ ວາງໃຈຄົນ ເພາະສຸພາສິດບູ ຮານເຄີຍສອນໄວ້ວ່າ “ລາຍ ຄົນລາຍໃນ, ສ່ວນເສືອນັ້ນ ລາຍນອກ”.

“ສິ່ງທີ່ພວກເຮົາຄວນ ເຮັດກໍຄືເຄັ່ງລະບຽບກົດ ໝາຍໃຫ້ເປັນທີ່ເພິ່ງຢ່າງ ໜັກແໜ້ນຂອງສັງຄົມ. ຖ້າ ກົດໝາຍສັກສິດເດັດຂາດ ສັງຄົມກໍຈະມີພູມຕ້ານທານ ສິ່ງຊົ່ວຮ້າຍໄວ້ລ່ວງໜ້າ ແຕ່ ໃນກໍລະນີສິ່ງຊົ່ວ ຮ້າຍຫາກ ເກີດຂຶ້ນ, ສັງຄົມກໍຈະສາມາດ ຈັດການກັບຫົວໂປ່ໂຕການ ທີ່ກໍ່ບັນຫາບໍ່ໃຫ້ລອຍນວນ, ຍູ່ທາງສະເຫວີຍສຸກຈາກ ຊັບສິນຂອງລັດຂອງປະ ຊາຊົນທີ່ກອບໂກຍມາຄືຢູ່ ບາງປະເທດ ຫລື ບາງຄົນ ທີ່ ເຫັນຕຳຕາ.

ເອົາກົດໝາຍ ເປັນພູມຕ້ານທານ - 39674 - ເອົາກົດໝາຍ ເປັນພູມຕ້ານທານ
(ພາບປະກອບ)
error: Content is protected !!