ລາວເສຍ 1 ໂກຕ້າ AFC Cup 2019

ລາວເສຍ 1 ໂກຕ້າ afc cup 2019 - 46517276 354812345287564 8641233157397413888 n - ລາວເສຍ 1 ໂກຕ້າ AFC Cup 2019
ລາວເສຍ 1 ໂກຕ້າ afc cup 2019 - Untitled design - ລາວເສຍ 1 ໂກຕ້າ AFC Cup 2019

ການແຂ່ງຂັນບານ​ເຕະຊີງແຊ້ມສະໂມສອນອາຊີ AFC Cup 2019 ໄດ້ສຳເລັດການຈັບສະຫລາກແບ່ງສາຍໃນວັນ​ທີ 22 ພະຈິກ​ຜ່ານ​ມາ ທີ່ນະຄອນຫລວງກົວລາລຳເປີ ປະເທດມາເລເຊຍ ໂດຍມີ 43 ສະໂມສອນຈາກ 26 ສະຫະພັນບານເຕະທີ່ເປັນສະມາຊິກຂອງອາຊີເຂົ້າຮ່ວມຊີງໄຊ.

ລາວເຮົາຕາມການປະເມີນຕົວຈິງໄດ້ 2 ໂກຕ້າ, ແຕ່ເສຍໄປ 1 ໂກຕ້າ ເນື່ອງຈາກສະໂມສອນທີ່ຕິດ 1-4 ຂອງລາວ ພຣີເມຍລີກ 2018 ຜ່ານເງື່ອນໄຂ ແລະ ມາດຖານການເປັນສະໂມສອນບານເຕະ ຫລື AFC Club License ຂອງສະຫະພັນບານເຕະອາຊີ ພຽງທີມດຽວຄື: ລາວໂຕໂຢຕ້າ ແຊ້ມລາວ ພຣີເມຍລີກ 2018 ເຮັດໃຫ້ສະໂມສອນ ປກສ ເອັຟຊີ, ຫລວງພະບາງ ຢູໄນເຕັດ ແລະ ມາສເຕີ 7 ທີມອັນດັບ 2-4 ຂອງລາວ ພຣີເມຍລີກ 2018 ອົດໄປຫລິ້ນທັນທີ.

ສ່ວນສະໂມສອນ ຊ້າງນ້ອຍ ເອັຟຊີ ທີ່ເປັນ 1 ໃນ 2 ທີມຈາກລາວທີ່ຜ່ານ AFC Club License ພັດບໍ່ຕິດ 1 ໃນ 4 ອັນດັບລີກຂອງລາວ ໝົດສິດເຂົ້າຮ່ວມແຂ່ງຂັນໄດ້ຕາມລະບຽບຂອງຝ່າຍຈັດການແຂ່ງຂັນ. ກາຍເປັນວຽກບ້ານໃຫ້ສະໂມສອນບານເຕະຈາກລາວຕ້ອງໄດ້ບືນພັດທະນາຕົນເອງໃຫ້ໄດ້ມາດຖານເປັນສະໂມສອນບານເຕະຂອງສະຫະພັນບານເຕະອາຊີ ຫລື AFC Club License ຖ້າຢາກກ້າວໄປສູ່ລະດັບສາກົນ, ແຕ່ກໍບໍ່ສະເພາະແຕ່ລາວທີ່ພົບບັນຫາດ້ານນີ້ ຍັງມີອີກຫລາຍສະໂມສອນໃນຫລາຍປະເທດທົ່ວອາຊີເສຍໂກຕ້າໄປຕາມໆກັນ.

ສຳລັບການຈັບສະຫລາກແບ່ງກຸ່ມປະຈຳປີ 2019 ສະໂມສອນ ລາວໂຕໂຢຕ້າ 1 ດຽວຈາກລາວ ເຂົ້າຮ່ວມເປັນປີທີ 4 ຕິດຕໍ່ກັນ ຈັດຢູ່ເຂດອາຊຽນທີ່ມີ 3 ກຸ່ມ ໂດຍຢູ່ກຸ່ມ H ຮ່ວມກັບສະໂມສອນ Home United ຮອງແຊ້ມລີກສູງສຸດຂອງສິງກະໂປ, Kaya–Iloilo ຮອງແຊ້ມລີກສູງສຸດຂອງຟິລິບປິນ ແລະ ທີມອັນດັບ 2 ຂອງລີກອິນໂດເນເຊຍ ປັດຈຸບັນຍັງເຫລືອການແຂ່ງຂັນອີກ 2-3 ນັດ. ການແຂ່ງຂັນຮອບແບ່ງກຸ່ມຈະເລີ່ມໃນວັນທີ 25 ກຸມພາ 2019 ແລະ ຈະສຳເລັດຮອບແບ່ງກຸ່ມໃນກາງເດືອນພຶດສະພາ 2019.

ລາວເສຍ 1 ໂກຕ້າ afc cup 2019 - Wave100S AD to Website 2020 0 - ລາວເສຍ 1 ໂກຕ້າ AFC Cup 2019

ຮູບແບບການແຂ່ງຂັນພົບກັນໝົດໃນກຸ່ມແບບໄປ-ກັບ ທີມໜຶ່ງຕ້ອງແຂ່ງ 6 ນັດ ແລ້ວຄັດເອົາທີ 1 ຂອງກຸ່ມເຂົ້າຮອບ 4 ທີມ ບວກກັບທີມອັນດັບ 2 ດີທີ່ສຸດ 1 ທີມຈາກ 3 ກຸ່ມເຂົ້າຮອບ 4 ທີມສຸດທ້າຍຕໍ່ໄປ.

ລາວເສຍ 1 ໂກຕ້າ afc cup 2019 - WhatsApp Image 2020 05 27 at 5 - ລາວເສຍ 1 ໂກຕ້າ AFC Cup 2019
ລາວເສຍ 1 ໂກຕ້າ afc cup 2019 - WhatsApp Image 2020 05 27 at 5 - ລາວເສຍ 1 ໂກຕ້າ AFC Cup 2019
error: Alert: ເນື້ອຫາຂ່າວມີລິຂະສິດ !!