ຂ່າວສານຫວຽດນາມຊ່ວຍຍົກລະດັບເຕັກນິກທັນສະໄໝໃຫ້ສໍານັກຂ່າວສານປະເທດລາວ

ຂ່າວສານຫວຽດນາມຊ່ວຍຍົກລະດັບເຕັກນິກທັນສະໄໝໃຫ້ສໍານັກຂ່າວສານປະເທດລາວ - advert banner 728 90 728x90 - ຂ່າວສານຫວຽດນາມຊ່ວຍຍົກລະດັບເຕັກນິກທັນສະໄໝໃຫ້ສໍານັກຂ່າວສານປະເທດລາວ

ພິທີມອບ-ຮັບຫ້ອງສະຕູດີໂອ, ພ້ອມຕິດຕັ້ງລະບົບເຕັກນິກທັນສະໄໝຄົບຊຸດ ລວມມີມູນຄ່າ 5,6 ຕື້ດົງ (ສະກຸນເງິນຫວຽດນາມ) ໂດຍການຊ່ວຍເຫລືອຈາກສໍານັກຂ່າວສານຫວຽດນາມໃຫ້ແກ່ສຳນັກຂ່າວສານປະເທດລາວ ໄດ້ຈັດຂຶ້ນໃນທ້າຍອາທິດຜ່ານມານີ້, ກ່າວມອບໂດຍທ່ານ ດິງ ດັງກວາງ ຮອງຜູ້ອຳນວຍການໃຫຍ່ສຳນັກຂ່າວສານຫວຽດນາມ ແລະ ກ່າວຮັບໂດຍທ່ານ ສູນທອນ ຄັນທະວົງ ຜູ້ອຳນວຍການໃຫຍ່ສຳນັກຂ່າວສານປະເທດລາວ, ໂດຍມີທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ພ້ອມດ້ວຍຜູ້ຕາງໜ້າທູດຫວຽດນາມປະຈໍາລາວ ແລະ ພາກສ່ວນກ່ຽວຂ້ອງເຂົ້າຮ່ວມ.

ຂ່າວສານຫວຽດນາມຊ່ວຍຍົກລະດັບເຕັກນິກທັນສະໄໝໃຫ້ສໍານັກຂ່າວສານປະເທດລາວ - new3 - ຂ່າວສານຫວຽດນາມຊ່ວຍຍົກລະດັບເຕັກນິກທັນສະໄໝໃຫ້ສໍານັກຂ່າວສານປະເທດລາວ

ທ່ານ ດິງ ດັງກວາງ ກ່າວວ່າ:​ ໂຄງການນີ້, ເປັນການຍົກລະດັບດ້ານພື້ນຖານໂຄງລ່າງເຕັກນິກໃຫ້ທັນສະໄໝ ເພື່ອຍົກສູງຄຸນນະພາບດ້ານວຽກງານຂ່າວສານຂອງສຳນັກຂ່າວສານປະເທດລາວໃຫ້ມີປະສິທິຜົນດີຂຶ້ນ. ທັງເປັນການເພີ່ມພູນຄູນສ້າງສາຍພົວພັນຮ່ວມມືລະຫວ່າງສຳນັກຂ່າວສານປະເທດລາວ ແລະ ຫວຽດນາມ ໃຫ້ແໜ້ນແຟ້ນຍິ່ງຂຶ້ນ ແລະ ເຊື້ອໝັ້ນວ່າການຊ່ວຍເຫລືອນີ້ຈະຊ່ວຍໃຫ້ສຳນັກຂ່າວສານປະເທດລາວສາມາດຜະລິດຂ່າວໄດ້ຫລາກຫລາຍ ແລະ ມີປະສິດທິພາບຜົນ.

ທ່ານ ສູນທອນ ຄັນທະວົງ ກ່າວວ່າ: ແຕ່ໃດມາ, ສຳນັກຂ່າວສານຫວຽດນາມໄດ້ໃຫ້ການຊ່ວຍເຫລືອຫລາຍດ້ານແກ່ສຳນັກຂ່າວສານປະ ເທດລາວ, ນັບແຕ່ດ້ານກໍ່ສ້າງບຸກຄະລາກອນ, ພື້ນຖານວັດຖຸ-ເຕັກນິກ, ໂດຍສະເພາະຮູບພາບການເຄື່ອນໄຫວປະຫວັດສາດນັບແຕ່ຊຸມປີ 1945 ເປັນຕົ້ນມາ ແລະ ໄດ້ມອບໃຫ້ສຳນັກຂ່າວສານປະເທດລາວເປັນຜູ້ນຳໃຊ້ຕະຫລອດມາ. ເພື່ອປະກອບສ່ວນເຂົ້າໃນການເພີ່ມພູນຄູນສ້າງມູນເຊື້ອຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມໃຫ້ງອກງາມຍິ່ງໆຂຶ້ນ, ພ້ອມທັງໃຫ້ຄໍາໝັ້ນສັນຍາວ່າຈະນຳໃຊ້ອຸປະກອນເຕັກນິກນີ້ເຂົ້າໃນວຽກງານໃຫ້ມີປະສິດທິພາບ ແລະ ເກີດປະໂຫຍດສູງສຸດ.

ຂ່າວສານຫວຽດນາມຊ່ວຍຍົກລະດັບເຕັກນິກທັນສະໄໝໃຫ້ສໍານັກຂ່າວສານປະເທດລາວ - lattana 1 - ຂ່າວສານຫວຽດນາມຊ່ວຍຍົກລະດັບເຕັກນິກທັນສະໄໝໃຫ້ສໍານັກຂ່າວສານປະເທດລາວ
error: Content is protected !!