ສສຊ ສະ​ເໜີ​ລັດ​ກວດຄືນ​ການ​ຄິດ​ໄລ່​ຕົວ​ເລກຄາດໝາຍ​ເສດຖະກິດ

ສສຊ ສະ​ເໜີ​ລັດ​ກວດຄືນ​ການ​ຄິດ​ໄລ່​ຕົວ​ເລກຄາດໝາຍ​ເສດຖະກິດ - advert banner 728 90 728x90 - ສສຊ ສະ​ເໜີ​ລັດ​ກວດຄືນ​ການ​ຄິດ​ໄລ່​ຕົວ​ເລກຄາດໝາຍ​ເສດຖະກິດ

ສະມາຊິກ​ສະພາ​ແຫ່ງ​ຊາດ (ສສຊ) ​ຫລາຍ​ເຂດ​ ​ໄດ້​ສະ​ເໜີ​ລັດຖະບານ​​ເອົາ​ໃຈ​ໃສ່​ການ​ຄິດ​ໄລ່​ລວມຍອດ​ຜະລິດ​ຕະພັນ​ພາຍ​ໃນ​ໃຫ້​ຊັດ​ເຈນ, ພ້ອມ​ທັງ​ກວດຄືນ​ຄາດໝາຍ​ທາງ​ດ້ານ​ເສດຖະກິດ​ມະຫາ​ພາກ ​ເພື່ອ​ຮັບປະກັນ​ການ​ຂະຫຍາຍຕົວ​ຂອງ​ແຕ່ລະ​ຂະ​ແໜງ​ການ​ໃນ​ໂຄງ​ປະກອບ​ເສດຖະກິດ​ທີ່​ຈະ​ໃຫ້​ມີ​ການ​ເຕີບ​ໂຕ​ໃນ​ລະດັບ 6,7% ​ໃນ​ປີ 2019, ພ້ອມ​ທັງ​ສະ​ເໜີ​ລັດຖະບານ​ເອົາ​ໃຈ​ໃສ່​ລະດົມ​ແຫ​ລ່ງທຶນ​ຈາກ​ພາກ​ເອກະ​ຊົນ​ພາຍ​ໃນ ​ແລະ ຕ່າງປະ​ເທດ​ລົງທຶນ​ໃນ​ຮູບ​ແບບ BOT ​ໃນ​ການ​ກໍ່ສ້າງ​ພື້ນຖານ​ໂຄງ​ລ່າງ ​ເປັນຕົ້ນ​ເສັ້ນທາງ, ການ​ຜະລິດ​ກະສິກຳ​ເປັນ​ສິນຄ້າ ​ແລະ ການ​ບໍລິການ​ອື່ນໆ, ​ເອົາ​ໃຈ​ໃສ່​ນຳ​ໃຊ້​ແຫ​ລ່ງ​ເງິນ​ກູ້​ຢືມ​ດັ່ງກ່າວ​ໃຫ້​ຖືກຕ້ອງ​ຕາມ​ເປົ້າໝາຍ, ມີ​ປະສິດທິ​ຜົນ ​ແລະ ​ໂປ່​ງ​ໃສ, ຈັດຕັ້ງຜັນ​ຂະຫຍາຍ​ການ​ປະຕິບັດ​ກົດໝາຍ ​ແລະ ນິຕິ​ກຳ​ທີ່​ກ່ຽວ​ພັນ​ກັບ​ພັນທະ​ອາກອນ​ຕໍ່​ລັດ, ກວດຄືນ ​ແລະ ​ແກ້​ໄຂ​ສັນຍາ​ການ​ລົງທຶນ ​ແລະ ການ​ກູ້​ຢືມ​ກັບ​ຕ່າງປະ​ເທດ​ທີ່​ພົວພັນ​ກັບ​ການ​ຍົກ​ເວັ້ນພາສີ​ອາກອນ​ຕ່າງໆ​ທີ່​ບໍ່​ສອດຄ່ອງ​ລະບຽບ​ກົດໝາຍ, ພ້ອມ​ທັງ​ຮີບ​ຮ້ອນ​ສັງ​ລວມໜີ້​ສາທາລະນະ​ມາ​ຮອດ​ປັດຈຸບັນ ​ໂດຍ​ແຍກ​ໃຫ້​ຈະ​ແຈ້ງ​ລະຫວ່າງ​ບ້ວງ​ເງິນ​ກູ້​ຢືມ​ພາຍ​ໃນ ​ແລະ ຕ່າງປະ​ເທດ, ພ້ອມ​ທັງ​ສ້າງ​ແຜນ​ຊຳລະ​ໃນ​ໄລຍະ​ສັ້ນ, ​ໄລຍະ​ກາງ ​ແລະ ​ໄລຍະ​ຍາວ ​ແລ້ວ​ລາຍ​ງານ​ຄະນະ​ປະ​ຈຳ​ສະພາ​ແຫ່ງ​ຊາດ​ກ່ອນ​ເດືອນ​ພຶດສະພາ 2019. ນອກ​ນີ້ ສະ​ເໜີ​ໃຫ້​ລັດຖະບານ​ມີ​ນະ​ໂຍບາຍ ​ແລະ ມາດ​ຕະການ​ທີ່​ຊັດ​ເຈນ ​ເພື່ອ​ຮັບປະກັນ​ປະຕິບັດ​ຄາດໝາຍ​ຂອງ​ແຜນ​ເງິນຕາ​ເຊັ່ນ: ຮັກສາ​ສະຖຽນ​ລະ​ພາບ​ເງິນຕາ​​ແຫ່ງ​ຊາດ​ໃຫ້​ໝັ້ນທ່ຽງ, ຄວບ​ຄຸມ​ອັດຕາ​ເງິນ​ເຟີ້​ໃຫ້​ຢູ່​ໃນ​ລະດັບ 5% ຕໍ່​ປີ, ຄຸ້ມ​ຄອງ​ປະລິມານ​ເງິນຕາ​ຕ່າງປະ​ເທດ (M2) ​ໃຫ້​ເພີ່ມ​ຂຶ້ນ​ໃນ​ລະດັບ​ບໍ່​ເກີນ 20% ທຽບ​ໃສ່​ປີຜ່ານມາ, ສ່ວນ​ວຽກ​ງານ​ການກວດ​ສອບ-ກວດກາ​ລັດ, ສສຊ ສະ​ເໜີ​ໃຫ້​ລັດຖະບານ ກໍ​ຄື​ອົງການ​ກ່ຽວຂ້ອງ​ຍົກ​ສູງ​ຄຸນ​ນະພາ​ບການກວດ​ສອບ​ໃຫ້​ມີ​ການ​ວິ​ເຄາະ​-ວິ​ໄຈ ​ແລະ ຮູ້​ໄດ້​ສາ​ເຫດການ​ລະ​ເມີດ​ລະບຽບ​ກົດໝາຍ​ຂອງ​ຫົວໜ່ວຍ​ງົບປະມານ ​ເພື່ອ​ໃຫ້​ສາມາດ​ແກ້​ໄຂ​ໄດ້​ຖືກ​ຈຸດ ​ແລະ ສະ​ເໜີ​ໃຫ້​ມີ​ມາດ​ຕະການ​ເພີ່ມ​ຄື: ຊີ້​ນຳ​ໃຫ້​ຫົວໜ່ວຍ​ງົບປະມານ​ທີ່​ຖືກ​ກວດ​ສອບ​ມອບ​ເງິນ​ລາຍ​ຮັບ​ທີ່​ກວດ​ເຫັນ​ເພີ່ມ​ທີ່​ເຫລືອ​ຈາກ​ການ​ໃຊ້​ຈ່າຍ​ຜ່ານ​ມາ​ມອບ​ເຂົ້າ​ເປັນ​ລາຍ​ຮັບ​ງົບປະມານ​ໃນ​ປີ 2019, ​ເອົາ​ໃຈ​ໃສ່​ປະຕິບັດ​ມາດ​ຕະການ​ແນະນຳ​ແກ້​ໄຂ​ຜົນ​ກວດ​ສອບ​ຕາມ​ບົດ​ບັນທຶກ​ຜົນ​ການກວດ​ສອບ, ​ເອົາ​ໃຈ​ໃສ່​ກວດກາ​ຄວາມ​ຮັບຜິດຊອບ​ການ​ເມືອງ​ຂອງ​ພະນັກງານ​ການ​ນຳ​ທຸກຂັ້ນຂອງ​ຫົວໜ່ວຍ​ງົບປະມານ ​ເພື່ອ​ຮັບປະກັນ​ຄວາມ​ໂປ່​ງ​ໃສ ແລະ ຄວາມ​ຮັບຜິດຊອບຕໍ່ວຽກງານຂອງຕົນໃຫ້ດີຂຶ້ນກວ່າເກົ່າ.

ສສຊ ສະ​ເໜີ​ລັດ​ກວດຄືນ​ການ​ຄິດ​ໄລ່​ຕົວ​ເລກຄາດໝາຍ​ເສດຖະກິດ - lattana 1 - ສສຊ ສະ​ເໜີ​ລັດ​ກວດຄືນ​ການ​ຄິດ​ໄລ່​ຕົວ​ເລກຄາດໝາຍ​ເສດຖະກິດ
ສສຊ ສະ​ເໜີ​ລັດ​ກວດຄືນ​ການ​ຄິດ​ໄລ່​ຕົວ​ເລກຄາດໝາຍ​ເສດຖະກິດ - 1 1 - ສສຊ ສະ​ເໜີ​ລັດ​ກວດຄືນ​ການ​ຄິດ​ໄລ່​ຕົວ​ເລກຄາດໝາຍ​ເສດຖະກິດ
error: Content is protected !!