ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ

- Untitled design - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ
- 96057526 8607594b 5166 4e3b 933b 96c744c3de4f - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ
ຮວຊອງ-12 ມີໄລຍະການຍິງໄກທີ່ສຸດເທົ່າທີ່ ສປປ ເກົາຫລີ ເຄີຍທົດລອງມາ

 

ສປປ ​ເກົາຫລີ ປະກາດ​ວ່າ​ປະສົບ​ຜົນສຳ​ເລັດ​ໃນ​ການ​ຍິງ​ທົດ​ລອງ​ລູກ​ສອນ​ໄຟ​ລຸ້ນຫລ້າ​ສຸດ “ຮວາ​ຊອງ-12” ​ໃນ​ວັນ​ທີ 14 ພຶດສະພາ​ນີ້ ສ້າງ​ຄວາມ​ກັງວົນ​​ໃຫ້​ຫລາຍ​ປະ​ເທດ​ຢ່າງ​ໜັກ. ທ່ານ ​ເມ​ລິ​ສຊາ ຮັນ​ແຮມ ຜູ້​ຊ່ຽວຊານ​ດ້ານ​ປ້ອງ​ກັນ​ປະ​ເທດ ​ແລະ ນັກວິ​ໄຈ​ອາວຸ​ໂສ​ຈາກ​ສູນ​ເຈ​ມສ໌ ມາຣ໌ຕິນ ​ເພື່ອ​ສຶກສາ​ການ​ບໍ່​ແຜ່​ຂະຫຍາຍ​ອາວຸດ​ນິວ​ເຄຼຍຢູ່​ອາ​ເມ​ລິ​ກາ ຊີ້​ໃຫ້​ເຫັນ​ວ່າ: ລູກ​ສອນ​ໄຟ​ລຸ້ນຫລ້າ​ສຸດ​ຖື​ເປັນ​ຄວາ​ມກ້າວໜ້າ​ຄັ້ງສຳຄັນ​ໃນ​ໂຄງການ​ພັດທະນາ​ອາວຸດ​ຂອງ ສປປ ​ເກົາຫລີ ​​ເພາະ​ສາມາດ​ບັນທຸກ​ຫົວ​ຮົບ​ນິວ​ເຄຼຍ ​ແລະ ມີ​ໄລຍະ​ການ​ຍິງ​ໄກ​ທີ່​ສຸດ​ເທົ່າ​ທີ່ ສປປ ​ເກົາຫລີ ​ເຄີຍ​ທົດ​ລອງ​ມາ.

 

ຮູບ​ຖ່າຍ​ທີ່​​ເຜີຍ​ແຜ່​ອອກ​ມາສະ​ແດງ​ໃຫ້​ເຫັນ​ວ່າ: “ຮວຊອງ-12” ຄື​ລູກ​ສອນ​ໄຟ​ລຸ້ນດຽວ​ກັບທີ່ ສປປ ​ເກົາຫລີ ​ເຄີຍ​​ເອົາ​ອອກ​ມາສະ​ແດງ​​ໃນ​ພິທີ​ສະຫລອງ​ຄົບຮອບ​ວັນ​ເກີດ​ຂອງ​ທ່ານ ກິມ ອິນ ຊຸງ ຜູ້​ສ້າງຕັ້ງ ສປປ ​ເກົາຫລີ ​ໃນ​ເດືອນ​ກ່ອນ.

 

+ ສປປ ເກົາຫລີ ອ້າງທົດລອງລູກສອນໄຟລຸ້ນໃໝ່

+ ທຣຳ ເຜີຍກົນລະຍຸດເພີ່ມເພື່ອຂວ້ຳບາດ ສປປ ເກົາຫລີ

+ ສປປ ເກົາຫລີ ຊ້ອມຍິງປືນໃຫຍ່ສະຫລອງວັນສ້າງຕັ້ງກອງທັບ

- 96057528 d6004cb2 63e7 4a55 a81b aa08402d54a5 - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ
ຄາດວ່າ ຮວາຊອງ-12 ຄືລູກສອນໄຟລຸ້ນດຽວກັບ ສປປ ເກົາຫລີ ເຄີຍເອົາມາສະແດງໃນເດືອນກ່ອນ

 

ຮູບ​ທີ່​ສຳນັກ​ຂ່າວ KCNA ​ແລະ ໜັງສືພິມ​ໂຣດອງ​ຊິນ​ມຸນ ຂອງ​ທາງ​ການ ສປປ ​ເກົາຫລີ ​ເຜີຍ​ແຜ່​ອອກ​ມາ​ຍັງ​ສະ​ແດງ​ໃຫ້​ເຫັນ​ທ່ານ ກິມ ຈອງ ອິນ ຜູ້ນຳ​ສູງ​ສຸດ​ຄົນ​ປັດຈຸບັນ​​​ເຂົ້າຮ່ວມ​ຊົມ​ການ​ທົດ​ລອງ​ນຳ.

 

​ເຖິງ​ຢ່າງ​ໃດ​ກໍ​ຕາມ, ຂໍ້​ມູນ​ດ້ານ​ສະຖິຕິ​ທີ່ ສປປ ​ເກົາຫລີ ​ເຜີ​ຍ​ແຜ່​ອອກ​ມາ​ໄດ້​ສ້າງ​ຄວາມ​ສົງ​ໄສ​ໃຫ້​ແກ່​ບັນດາ​ຜູ້​ສັງ​ເກດ​ການ ຈົນຕັ້ງຄຳ​ຖາມ​ຕໍ່​ຂໍ້​ມູນ​ເຫລົ່າ​ນີ້, ຂະນະ​ທີ່​ກອງ​ບັນຊາ​ການ​ທະຫານ​ພາກພື້ນປາຊີ​ຟິກຂອງ​ອາ​ເມ​ລິ​ກາ​ໃຊ້​ຄວາມ​ລະມັດລະວັງ​ໃນ​ການຈັດ​ປະ​ເພດ​ລູກ​ສອນ​ໄຟ​ນີ້​ໃນ​ໄລຍະ​ສະຖານະ​ການ​ໃນ​ພາກພື້ນພວມ​ເຄັ່ງ​ຕຶງ ​ໂດຍ​ຊີ້​ວ່າ: “ບໍ່​ສອດຄ່ອງ​ກັບ​ລັກສະນະ​ຂອງ​ລູກ​ສອນ​ໄຟ​ໄລຍະ​ໄກ​ຂ້າມ​ທະວີບ (ICBM)” ​ເຊິ່ງ​ເປັນ​ຊະນິດ​ທີ່​ສາມາດ​ຍິງ​ໄປ​ຮອດ​ອາ​ເມ​ລິ​ກາ​ໄດ້.

 

ຮວາ​ຊອງ-12 ສະ​ແດງ​ໃຫ້​ເຫັນ​ວ່າ​ເປັນ​ລູກ​ສອນ​ໄຟ​ໄລຍະ​ກາງ​ທີ່​ມີ​ພະລັງ ​ເຊິ່ງ ສປປ ​ເກົາຫລີ ອ້າງ​ວ່າ​ສາມາດ​ໃຊ້​ບັນທຸກ​ຫົວ​ຮົບ​ນິວ​ເຄຼຍຂະໜາດ​ໃຫຍ່ ​ແລະ ມີນ້ຳໜັກ​ຫລາຍ​ໄດ້.

- 96062367 0465d758 44c6 42dd 87bd 4bd2de4a39f1 - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ
ທ່ານ ກິມ ຈອງ ອິນ ໄປຊົມການຍິງທົດລອງ ຮວາຊອງ-12

 

ທ່ານ ຮັນ​ແຮມ ຊີ້​ວ່າ: ຄຳ​ຖະ​ແຫລ​ງນີ້​ສາມາດ​ຕີ​ຄວາມ​ໝາຍ​ໄດ້​ຫລາຍ​ແບບ ​ເຊິ່ງລວມທັງ​ເລື່ອງ​ທີ່ ສປປ ​ເກົາຫລີ ຍັງ​ບໍ່​ສາມາດ​ຜະລິດ​ຫົວ​ຮົບ​ນິວ​ເຄຼຍຂະໜາດ​ນ້ອຍ​ໄດ້ ຫລື ສປປ ​ເກົາຫລີ​ອາດ​ເປີດ​ໂຕ​ຫົວ​ຮົບ​ນິວ​ເຄຼຍລຸ້ນ​ໃໝ່​ໃນ​ອະນາຄົດ.

 

- Wave100S AD to Website 2020 0 - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ

ສຳນັກ​ຂ່າວ KCNA ລາຍ​ງານ​ວ່າ: ຮວາ​ຊອງ-12 ຖືກ​ຍິງ​ລົງທະ​ເລ​ທາງ​ຕາ​ເວັນ​ອອກ​ຂອງ​ແຫລມ​ເກົາຫລີ ຫ່າງ​ຈາກ​ຖານ​ຍິງ​ໃກ້​ກັບ​ເມືອງ​ຄູ​ຊອງ 787 ກິ​ໂລ​ແມັດ ​ແລະ ລອຍ​ຂຶ້ນ​ໃນ​ລະດັບ​ຄວາມ​ສູງ 2.111,1 ກິ​ໂລ​ແມັດ ​ເໜືອ​ພື້ນດິນ ​ເຊິ່ງຕົວ​ເລກ​ເຫລົ່າ​ນີ້​ສອດຄ່ອງ​ກັບ​ຂໍ້​ມູນ​ຂອງ​ເຈົ້າໜ້າ​ທີ່​ອາ​ເມ​ລິ​ກາ ​ແລະ ຍີ່ປຸ່ນ​ທີ່​ເຝົ້າຕິດຕາມ​ສະຖານະ​ການ​ຢ່າງ​ໃກ້ຊິດ.

 

​     KCNA ຊີ້​ວ່າ​ວິທີ​ການ​ຍິງ​ລູກ​ສອນ​ໄຟ​ເປັນ​ມຸມ​ສູງ​ຊັນ​ກວ່າ​ປົກກະຕິ ຊ່ວຍ​ໃຫ້​ນັກວິທະຍາສາດ ສປປ ​ເກົາຫລີ ສາມາດ​ທົດ​ລອງ​ໄລຍະ​ການ​ຍິງ​ໄດ້​ໂດຍ​ລູກ​ສອນ​ໄຟ​ຈະ​ບໍ່​ຕົກ​ເຂົ້າ​ໃນ​ປະ​ເທດ​ໃກ້​ຄຽງ.

 

- Untitled 1144 - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ

 

ນອກຈາກ​ນີ້, ລະດັບ​ຄວາມ​ສູງ​ທີ່​ຍິງ​ຂຶ້ນຍັງ​ເຮັດ​ໃຫ້ ສປປ ​ເກົາຫລີ ​ໄດ້​ທົດ​ລອງ​ຈະ​ຫລວດ ຫລື ພາຫະນະ​ນຳ​ສົ່ງ​ລູກ​ສອນ​ໄຟ​ທີ່​ລອຍ​ອອກ​ນອກ​ຊັ້ນບັນຍາກາດ​ໂລກ ​ແລະ ຕົກ​ກັບ​ສູ່​ໂລກ​ໄດ້​ພາຍ​ໃຕ້​ຄວາມ​ຮ້ອນ, ​ແຮງ​ກົດ​ດັນ ​ແລະ ຄວາມ​ສັ່ນ​ສະ​ເທືອ​ນຮຸນ​ແຮງ. KCNA ລະບຸ​ວ່າ: ວິທີ​ການ​ຍິງ​ລູກ​ສອນ​ໄຟ​ທີ່​ສູງ​ຊັນ​ແບບ​ນີ້​ທຽບ​ເທົ່າ​ໄລຍະ​ການ​ຍິງ​ກວ່າ 4.500 ກິ​ໂລ​ແມັດ ຖ້າ​ຍິງ​ດ້ວຍວິທີ​ປົກກະຕິ ​ເຮັດ​ໃຫ້​ຖານ​ທັບ​ອາ​ເມ​ລິ​ກາ​ຢູ່​ເກາະ​ກວມ​ຢູ່​ພາຍ​ໃນ​ໄລຍະການ​ຍິງ​ນີ້.

 

ຮູບ​ທີ່​ໄດ້​ຮັບ​ການ​ເຜີຍ​ແຜ່​ອອກ​ມາ​ບົ່ງ​ບອກ​ວ່າ: ຮວາ​ຊອງ-12 ​ເປັນ​ຈະ​ຫລວດ​ທ່ອນ​ດຽວ​ທີ່​ຂັບ​ເຄື່ອນ​ດ້ວຍ​ເຊື້ອ​ໄຟ​​​ເຫ​ລວ ​ເຊິ່ງບໍ່​ອາດ​ພຽງພໍ​ສຳລັບ​ໄລຍະ​ການ​ຍິງ​ໄລຍະ​ໄກ​ຄື ສປປ ​ເກົາຫລີ ກ່າວ. ​ເຖິງ​ຢ່າງ​ໃດ​ກໍ​ຕາມ, ມີ​ຄວາມ​ເປັນ​ໄປ​ໄດ້​ວ່າ ຈະ​ຫລວດ​ທີ່​ໃຊ້​ໃນ​ການ​ທົດ​ລອງ​ເທື່ອ​ນີ້​ອາດ​ຈະ​ເປັນ​ສ່ວນ​ໜຶ່ງ​ຂອງ ICBM ​ເຊິ່ງ​ເປັນ​ລູກ​ສອນ​ໄຟ​ທີ່​ມີ​ຂະໜາດ​ໃຫຍ່​ກວ່າ ​ແລະ ມີ​ໄລຍະ​ການ​ຍິງ​ໄປ​ຮອດ​ອາ​​ເມ​ລິ​ກາ.

- 96062369 a6a25b6b 1098 43f2 be53 3930f29dc951 - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ

ຈາກ​ວິທີ​ນີ້ ສປປ ​ເກົາຫລີ ສາມາດ​ທົດ​ລອງ​ເຕັກ​ໂນ​ໂລ​ຊີ ​ເພື່ອ​ນຳ​ໄປ​ສູ່​ການ​ພັດທະນາ ICBM ​ໄດ້ ​ໂດຍ​ຍັງ​ບໍ່​ຖື​ວ່າ​ເປັນ​ກາ​ນຂ້າມ​ເສັ້ນທີ່​ປະທານາທິບໍດີ ​ໂດ​ນັນ ທຣຳ ຂີດ​ໄວ້.

 

​ເຖິງ​ຢ່າງ​ໃດ​ກໍ​ຕາມ, ​ໄລຍະ​ເວລາ​ທີ່ ສປປ ​ເກົາຫລີ ​ເລືອກ​ທົດ​ລອງ​ລູກ​ສອນ​ໄຟ​ເທື່ອ​ຫລ້າ​ສຸດ​ນີ້ ມີ​ຂຶ້ນບໍ່​ດົນ​ພາຍຫລັງ​ທ່ານ ມຸນ ​ແຈ​ອິນ ​ເຂົ້າຮັບ​ຕຳ​ແໜ່​ງປະທານາທິບໍດີ​ຄົນ​ໃໝ່​ຂອງ ສ.​ເກົາຫລີ ​ເຊິ່ງ​ເປັນ​ການ​ກະທຳ​ທີ່​ສ້າງ​ຄວາມ​ກັງວົນ​ໃຫ້​ບັນດາ​ຜູ້​ສັງ​ເກດ​ການ​.

 

ການ​ທົດ​ລອງ​ລູກ​ສອນ​ໄຟ​ເທື່ອ​ຫລ້າ​ສຸດ​ເຮັດ​ໃຫ້​ຜູ້ນຳ​ຄົນ​ໃໝ່​ຂອງ ສ.​ເກົາຫລີ ທີ່​ເຄີຍ​ສະ​ເໜີ​ໃຫ້​ເປີດ​ເຈລະຈາ​ກັບ ສປປ ​ເກົາຫລີ ອາດ​ຈຳ​ເປັນ​ຕ້ອງ​ຫັນ​ມາ​ໃຊ້​ມາດ​ຕະການ​​ແຂງ​ກະດ້າງ​ແທນ ​ແລະ ຖື​ເປັນ​ອີກ​ເທື່ອ​ໜຶ່ງ​ທີ່ ສປປ ​ເກົາຫລີ ​ເຊິ່ງ​ມີ​ຄວາມ​ຄືບ​ໜ້າດ້ານ​ເຕັກ​ໂນ​ໂລ​ຊີ​ລູກ​ສອນ​ໄຟ​ຢ່າງ​ວ່ອງ​ໄວ ​ແລະ ປະຕິ​ເສດ​ການ​ພົວພັນ​ກັບປະ​ເທດ​ໃກ້​ຄຽງ ​ເຊິ່ງລວມທັງ​ຈີນ ​ເຮັດ​ໃຫ້​ບັນດາ​ນັກ​ການ​ທູດ​ທີ່​ຕິດຕາມ​ສະຖານະ​ການ​ສັບສົນ.

- WhatsApp Image 2020 05 27 at 5 - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ
- WhatsApp Image 2020 05 27 at 5 - ເຈາະເລິກການທົດລອງລູກສອນໄຟລຸ້ນໃໝ່ຂອງ ສປປ ເກົາຫລີ
error: Alert: ເນື້ອຫາຂ່າວມີລິຂະສິດ !!