ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ

ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ - Visit - ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ
ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ - Untitled design - ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ

ງານວາງສະແດງຮູບພາບເພື່ອສະເຫລີມສະຫລອງວັນສ້າງຕັ້ງເມືອງວຽງໄຊ ຖານທີ່ໝັ້ນຂອງການປະຕິວັດລາວຄົບຮອບ 50 ປີ (30 ພະຈິກ 1968-30 ພະຈິກ 2018) ໄດ້ໄຂຂຶ້ນຢ່າງເປັນທາງການໃນວັນທີ 26 ພະຈິກນີ້, ຢູ່ຫໍພິພິທະພັນ ໄກສອນ ພົມວິຫານ ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງສະຫາຍ ພັນຄໍາ ວິພາວັນ ກໍາມະການກົມການເມືອງສູນກາງພັກ, ຜູ້ປະຈໍາການເລຂາທິການສູນກາງພັກ, ຮອງປະທານປະເທດ, ຫົວໜ້າຄະນະຮັບພິຊອບລະດັບຊາດງານສະເຫລີມສະຫລອງວັນສ້າງຕັ້ງເມືອງວຽງໄຊຖານທີ່ໝັ້ນຂອງການປະຕິວັດລາວ, ພ້ອມດ້ວຍການນໍາຂັ້ນສູງພັກ-ລັດ ເຂົ້າຮ່ວມ.

ສະຫາຍ ພັນຄໍາ ວິພາວັນ ໄດ້ກ່າວປາໄສວ່າ: ງານວາງສະແດງນີ້, ເພື່ອພ້ອມກັນຫວນຄືນມູນເຊືອຄວາມປີຊາສາມາດ, ຄວາມສະຫລາດສ່ອງໃສຂອງພັກປະຊາຊົນປະຕິວັດລາວໃນການຊີ້ນໍາ-ນໍາພາການປະຕິວັດ, ທັງເປັນການລະນຶກຈົດຈໍາລໍາລຶກເຖິງໄຊຊະນະອັນຍິ່ງໃຫຍ່ຂອງກອງທັບ ແລະ ປະຊາຊົນລາວບັນດາເຜົ່າ ກໍຄືຜົນງານອັນລໍ້າເລີດ ແລະ ຄຸນງາມຄວາມດີທີ່ການນໍາຮຸ້ນກ່ອນ ໂດຍສະເພາະແມ່ນປະທານ ໄກສອນ ພົມວິຫານ ທີ່ເຄົາລົບຮັກ ແລະ ບັນດາທ່ານອື່ນໆ ທີ່ໄດ້ນໍາພາລະກິດປະຕິວັດຕໍ່ສູ້ປົດປ່ອຍຊາດ ຍາດເອົາອໍານາດການປົກຄອງ ຈົນສາມາດສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ໄດ້ຢ່າງສົມບູນໃນວັນທີ 2 ທັນວາ 1975, ນໍາພາປະເທດຊາດກ້າວສູ່ສັງກາດໃໝ່ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ສູ່ຈຸດໝາຍສັງຄົມນິຍົມ.

ການກໍ່ສ້າງເມືອງວຽງໄຊເປັນສູນກາງຂອງຖານທີ່ໝັ້ນການປະຕິວັດລາວ ເປັນບ່ອນອີງອັນແໜ້ນແກ່ນຂອງການປະຕິວັດ, ແມ່ນແນວທາງນະໂຍບາຍອັນຖືກຕ້ອງ, ສະຫລາດສ່ອງໃສຂອງພັກປະຊາຊົນປະຕິວັດລາວ. ດັ່ງນັ້ນ ຈຶ່ງເວົ້າໄດ້ວ່າ ເຂດທີ່ໝັ້ນການປະຕິວັດເມືອງວຽງໄຊເປັນສະຖານທີ່ໃຫ້ກຳເນີດ ກອງທັບປະຊາຊົນລາວ, ພັກປະຊາຊົນປະຕິວັດລາວ, ສປປ ລາວ ແລະ ເປັນ ບ່ອນຊຸບຫລໍ່ບັນດາຖັນແຖວພະນັກງານ-ນັກຮົບປະຕິວັດທີ່ມີຄຸນນະພາບ.

ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ - Wave100S AD to Website 2020 0 - ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ

ສຳລັບງານວາງສະແດງຄັ້ງນີ້ ແບ່ງເປັນ 3 ພາກຄື: ພາກທີ 1 ພັກປະ ຊາຊົນປະຕິວັດລາວ ໄດ້ຊີ້ນຳ-ນຳພາການກໍ່ສ້າງຊຳເໜືອໃຫ້ກາຍເປັນຖານທີ່ ໝັ້ນການປະຕິວັດ, ກາຍເປັນແນວຫລັງອັນແໜ້ນແກ່ນເຂັ້ມແຂງ ເພື່ອນຳພາຂະ ບວນການຕໍ່ສູ້ຕ້ານຈັກກະພັດລ່າເມືອງຂຶ້ນແບບເກົ່າ-ແບບໃໝ່ຜູ້ຮຸກຮານ ແລະ ພວກປະຕິການຂາຍຊາດ ແຕ່ປີ 1945-1968. ພາກທີ 2 ເມືອງວຽງໄຊນະ ຄອນຫລວງຂອງການປະຕິວັດ ຕົ້ນກຳເນີດຂອງ ສປປ ລາວ ແຕ່ປີ 1968-1975 ແລະ ພາກທີ 3 ສືບຕໍ່ມູນເຊື້ອອັນພິລະອາດຫານຊານໄຊ ເມືອງວຽງໄຊ ແຂວງຫົວພັນ ດຳເນີນສອງໜ້າທີ່ຍຸດທະສາດປົກປັກຮັກສາ ແລະ ສ້າງສາພັດ ທະນາຮອບດ້ານກ້າວສູ່ຄວາມຮັ່ງມີເຂັ້ມແຂງ ນຳເອົາຄວາມສົມບູນພູນສຸກມາສູ່ ປະຊາຊົນລາວບັນດາເຜົ່ານັບມື້ດີຂຶ້ນຢ່າງບໍ່ຢຸດຢັ້ງ ແຕ່ປີ 1975 ມາຮອດປັດຈຸ ບັນ.

ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ - WhatsApp Image 2020 05 27 at 5 - ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ
ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ - WhatsApp Image 2020 05 27 at 5 - ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ
error: Alert: ເນື້ອຫາຂ່າວມີລິຂະສິດ !!