3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ

3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ - 012611 2018 - 3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ
3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ - Untitled design - 3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ

ການຮຽນຮູ້ບໍ່ແມ່ນເລື່ອງທີ່ເກີດຂຶ້ນໂດຍບັງເອີນ, ແຕ່ຍ້ອນຄວາມຫ້າວຫັນ ແລະ ຄວາມດຸໝັ່ນ – ອະບິເກລ ອະດຳ (Abigail Adams).

ຣາມິດ ເຊທີ (Ramit Sethi) ນັກທຸລະກິດ  ແລະ ທີ່ປຶກສາດ້ານການເງິນສັນຊາດອາເມລິກາ ໄດ້ສ້າງເວັບໄຊ I Will Teach You to Be Rich ຕັ້ງແຕ່ສະໄໝຮຽນຢູ່ມະຫາວິທະຍາໄລສະແຕນຟອດ ເພື່ອຈະສອນການບໍລິຫານເງິນສ່ວນບຸກຄົນ (personal finance) ໃຫ້ໝູ່ທີ່ມັກມີບັນຫາເລື່ອງການເງິນຢູ່ສະເໝີ ຫລາຍປີຕໍ່ມາການຂຽນບົດຄວາມຂອງລາວກໍເລີ່ມມີຊື່ສຽງຫລາຍຂຶ້ນຈາກທີ່ບໍ່ເຄີຍມີໃຜເຂົ້າໄປອ່ານ ກໍມີມູນຄ່າສູງຂຶ້ນເປັນຫລາຍແສນລ້ານ ພ້ອມກັບລູກຄ້າກ່ວາ 3 ໝື່ນຄົນ. ທ່ານ ເຊທີ ກ່າວວ່າ ທັກສະທີ່ສຳຄັນທີ່ເຮັດໃຫ້ເວັບໄຊຂອງລາວເຕີບໃຫຍ່ໄດ້ຂະໜາດນັ້ນບໍ່ແມ່ນທັກສະສະເພາະໂຕ ເຊັ່ນ : ການຂຽນໂຄ໊ດໂປຣແກຣມ ແຕ່ແມ່ນການມີທັດສະນະຄະຕິດັ່ງຜູ້ທີ່ຮຽນຮູ້ຢູ່ສະເໝີ ບໍ່ວ່າຈະມີປະສົບການຫລາຍປານໃດກໍຕາມ ແລະ ນີ້ແມ່ນສິ່ງທີ່ເຮັດໃຫ້ທຸລະກິດຂອງລາວໝັ້ນຄົງມາເຖິງ 12 ປີແລ້ວ. ທ່ານເອງກໍສາມາດສ້າງທັດສະນະຄະຕິຄືກັນນີ້ໄດ້ດ້ວຍ 3 ເຕັກນິກທີ່ເຮົາເອົາມາແບ່ງປັນຕໍ່ໄປນີ້ :

  1. ຄິດແບບເດັກນ້ອຍ : ເດັກນ້ອຍມັກຈະຖາມວ່າ ເປັນຫຍັງ ຢູ່ຕະຫລອດເວລາ ແລະ ຢາກທີ່ຈະຫລິ້ນ ຫລື ຈັບໄປໝົດທຸກຢ່າງທີ່ພວກເຂົາສົງໄສກໍຍ້ອນມັນແມ່ນວິທີທີ່ພວກເຂົາຮຽນຮູ້ໂລກ, ແຕ່ເມື່ອໃຫຍ່ຂຶ້ນມາ ຄວາມສົງໄສທີ່ເກີດຂຶ້ນຕາມທຳມະຊາດຈະຫາຍໄປ ແລະ ເຮົາຈະເລີ່ມຍຶດໝັ້ນໃນຄວາມຄິດຂອງຕົນເອງຫລາຍຂຶ້ນ ເຊິ່ງ ທ່ານ ເຊທີ ກ່າວວ່າ : ລາວພະຍາຍາມຮັກສານິໄສຂີ້ດື້ ແລະ ຊ່າງສົງໄສແບບເດັກນ້ອຍໄວ້ຕະ ຫລອດເວລາ ໂດຍສະເພາະກັບການເຮັດທຸລະກິດ ເມື່ອໃດກໍຕາມທີ່ເຫັນບໍລິສັດທີ່ປະສົບຄວາມສຳເລັດເຮັດຫຍັງທີ່ແຕກຕ່າງ ລາວມັກຈະຖາມໂຕເອງວ່າ : ອັນໃດແມ່ນສິ່ງທີ່ພວກເຂົາຮູ້ ແຕ່ຂ້ອຍບໍ່ຮູ້ ? ແລ້ວຂ້ອຍຈະສ້າງນະວັດຕະກຳແບບນີ້ໄດ້ແນວໃດ ?
  2. ຈົ່ງຫາຄູທີ່ໄວ້ໃຈໄດ້ : ຫລາຍປີກ່ອນ ເມື່ອ ທ່ານ ເຊທີ ເລີ່ມເວົ້າໃນກອງປະຊຸມຕ່າງໆຕັ້ງແຕ່ນິວຢອກ, ຊານຟຣານຊິສໂກ ໄປຈົນເຖິງ ເດນເວີ ຫລັງຈາກການຂຶ້ນເວົ້າ ຜູ້ຄົນກໍຈະຕໍ່ແຖວເພື່ອທີ່ຈະທັກທາຍ ເຖິງວ່າລາວຈະມັກມັນ, ແຕ່ກໍກາຍເປັນວ່າຍິ່ງ ລາວກາຍເປັນຜູ້ຊ່ຽວຊານຫລາຍເທົ່າໃດ ລາວກໍຈະຍິ່ງຮຽນຮູ້ ແລະ ພັດທະນາໂຕເອງໄດ້ໜ້ອຍລົງໄປເທົ່ານັ້ນ ລາວຈຶ່ງຕັດສິນໃຈທີ່ຈະຝາກຊີວິດໂຕເອງໄວ້ກັບຜູ້ໃຫ້ຄຳແນະນຳທີ່ເຊື່ອຖືໄດ້ນັ້ນກໍແມ່ນ ທ່ານ ເຈ ອັບຣາຮຳ (Jay Abrahum) ຜູ້ເປັນທີ່ປຶກສາທາງທຸລະກິດ ແລະ ແຮງບັນດານໃຈໃຫ້ ທ່ານ ເຊທີ ທີ່ຈະພັດທະນາທຸລະກິດຂອງລາວໃຫ້ເຕີບໃຫຍ່ໄປໃນທິດທາງທີ່ລາວເອງກໍຍັງຄາດບໍ່ເຖິງ ເພາະແມ່ນແຕ່ຜູ້ທີ່ຊ່ຽວຊານໃນສາຂາຕ່າງໆ ເຊັ່ນ : ນັກກິລາອາຊີບ, ນັກດົນຕີ ແລະ ນັກສະແດງທີ່ມີຊື່ສຽງກໍລ້ວນແຕ່ມີຄູຝຶກ  ແລະ ຜູ້ໃຫ້ຄຳປຶກສາທັງໝົດ ແລ້ວເປັນຫຍັງທ່ານຈຶ່ງຈະບໍ່ຄວນມີແດ່ແມ່ນບໍ່ ?
  3. ຈົ່ງອ່ານ ອ່ານ ແລະ ອ່ານ: ບາງເທື່ອຄູທີ່ດີທີ່ສຸດກໍແມ່ນໜັງສື ບໍ່ດັ່ງນັ້ນທ່ານຈະຊຶມຊັບເລື່ອງລາວທັງຊີວິດຄົນຜູ້ໜຶ່ງໂດຍການນັ່ງຢູ່ລ້າໆໄດ້ຈາກບ່ອນໃດ ? ນີ້ຄືເຫດຜົນທີ່ ທ່ານ ເຊທີ ຕັ້ງກົດ “Ramit’s Book-Buying Rule” ຂຶ້ນ ໂດຍລາວອະທິບາຍວ່າ ຫາກທ່ານກຳລັງຄິດທີ່ຈະຊື້ໜັງສືຈັກເຫລັ້ມກໍຈົງຊື້ມັນທັນທີ ຢ່າເສຍເວລາອ່ານໂຄສະນາ ຫລື ຖາມຄວາມຄິດເຫັນຂອງຄົນອື່ນ ການໄດ້ພຽງແຕ່ໜຶ່ງໄອເດຍຈາກໜັງສືນັ້ນກໍຖືວ່າກຸ້ມຄ່າກັບເງິນ ແລະ ເວລາທີ່ສູນເສຍໄປແລ້ວ.

ທ່ານບໍ່ສາມາດເປີດໜັງສືໂດຍທີ່ບໍ່ໄດ້ຮຽນຮູ້ສິ່ງໃດໆເລີຍໄດ້ – ຂົງຈື້ (Confucius).

3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ - Wave100S AD to Website 2020 0 - 3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ

ທ່ານຄວນທີ່ຈະເລີ່ມລວບລວມເຕັກນິກເຫລົ່ານີ້ເຂົ້າກັນໃນຊີວິດຂອງທ່ານນັບແຕ່ມື້ນີ້ ແລ້ວທ່ານກໍຈະເລີ່ມຄົ້ນພົບທາງໃໝ່ໆທີ່ຈະບັນລຸເປົ້າໝາຍໄດ້ ດັ່ງທີ່ ທ່ານ ມາ ແຊລ ໂກລສະມິດ (Marshall Goldsmith) ຄູຝຶກທາງດ້ານຜູ້ນຳ ແລະ ຜູ້ບໍລິຫານເຄີຍກ່າວວ່າ “ສິ່ງທີ່ພາທ່ານມາເຖິງຈຸດນີ້ ຈະບໍ່ມີມື້ນຳພາທ່ານໄປສູ່ຫົນທາງຂ້າງໜ້າ” ທຸກຢ່າງລ້ວນແຕ່ເລີ່ມຈາກການເປັນຜູ້ຮຽນຮູ້ໄປຕະຫລອດຊີວິດ.

3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ - WhatsApp Image 2020 05 27 at 5 - 3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ
3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ - WhatsApp Image 2020 05 27 at 5 - 3 ເຕັກນິກຊ່ວຍໃຫ້ທ່ານຮຽນຮູ້ໄດ້ຢ່າງບໍ່ມີມື້ສິ້ນສຸດ
error: Alert: ເນື້ອຫາຂ່າວມີລິຂະສິດ !!