ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ

ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ - 042611 2018 - ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ
ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ - Untitled design - ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ

ຢາຝັງຄຸມກຳເນີດເປັນວິທີຄຸມກຳເນີດອີກຊະນິດໜຶ່ງທີ່ມີປະສິດທິພາບອ່າວສູງ ຫາກທຽບຈາກໂອກາດຂອງແມ່ຍິງທີ່ອາດຖືພາໄດ້ ເມື່ອໃຊ້ວິທີຄຸມກຳເນີດແບບຢາຝັງຄຸມກຳເນີດແລ້ວ ມີພຽງ 0,05% ເທົ່ານັ້ນ. ໃນຂະນະທີ່ການຄຸມກຳເນີດດ້ວຍວິທີກິນຢາຄຸມກຳເນີດ ຈະແມ່ນ 0,3 – 0,5% ແລະ ການໃຊ້ຖົງຢາງອະນາໄມຂອງຜູ້ຊາຍ ຈະແມ່ນ 2% ນັ້ນໝາຍຄວາມວ່າ ຢາຝັງຄຸມກຳເນີດເປັນວິທີຄຸມກຳເນີດທີ່ມີປະສິດທິພາບຫລາຍກ່ວາຢາເມັດຄຸມກຳເນີດ ແລະ ຖົງຢາງອະນາໄມຂອງຜູ້ຊາຍນຳອີກ.

ຢາຝັງຄຸມກຳເນີດ ເຮົາຈະເອີ້ນວ່າເປັນການຄຸມກຳເນີດເຄິ່ງຖາວອນ ເຮົາສາມາດເລືອກໄດ້ວ່າເຮົາຢາກຄຸມກຳເນີດເປັນເວລາ 3 ປີ ຫລື 5 ປີ ເມື່ອຄົບກຳນົດແລ້ວ ແພດຈະນັດເພື່ອມາເອົາຢາທີ່ຝັງອອກ. ຫາກຢາກຝັງຢາເພື່ອຄຸມກຳເນີດກໍສາມາດເຮັດໄດ້ທັນທີ ຫລື ຫາກໃຜຢາກເອົາຢາທີ່ຝັງອອກກ່ອນ ເພາະພ້ອມທີ່ຈະມີລູກແລ້ວ ກໍສາມາດຂໍໃຫ້ແພດເອົາຢາອອກກ່ອນເວລາໄດ້ຄືກັນ ໂດຍຫລັງຈາກເອົາຢາທີ່ຝັງອອກຈະສາມາດມີລູກໄດ້ພາຍໃນ 1 – 12 ເດືອນ ຂຶ້ນຢູ່ກັບສຸຂະພາບຂອງແຕ່ລະຄົນ.

ອາການຜົນຂ້າງຄຽງຂອງຢາຝັງຄຸມກຳເນີດນັ້ນອາດເຮັດໃຫ້ເປັນສິວ, ເຈັບຫົວ, ແຕ່ບໍ່ເຮັດໃຫ້ນຳ້ໜັກເພີ່ມຂຶ້ນ ສາມາດຄຸມກຳເນີດໄດ້ໃນໄລຍະເວລາ 3 ປີ ແລະ 5 ປີ ບໍ່ມີຜົນລົບກວນຕໍ່ການມີເພດສຳພັນ.

– ຢາຝັງຄຸມກຳເນີດເປັນວິທີການຄຸມກຳເນີດແບບເຄິ່ງຖາວອນທີ່ມີປະສິດທິພາບສູງ ສາມາດຄຸມກຳເນີດໄດ້ໃນໄລຍະເວລາ 3 ປີ ແລະ 5 ປີ ບໍ່ມີຜົນລົບກວນຕໍ່ການມີເພດສຳພັນ ສາມາດໃຊ້ໃນແມ່ຍິງໄລຍະເປັນແມ່ລູກອ່ອນໃຫ້ລູກກິນນົມໂດຍບໍ່ມີຜົນໄປລົບກວນປະລິມານ ແລະ ຄຸນນະພາບຂອງນຳ້ນົມ ແລະ ເມື່ອຢຸດໃຊ້ຢານີ້ແລ້ວ ສາມາດມີລູກໄດ້ຕາມປົກກະຕິທັນທີຫລັງຢຸດໃຊ້ຢາ.

ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ - Wave100S AD to Website 2020 0 - ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ

     ຜົນຂ້າງຄຽງຈາກຢາຝັງຄຸມກຳເນີດ : ການຝັງຢາຄຸມກຳເນີດອາດມີອາການຂ້າງຄຽງເກີດຂຶ້ນໄດ້ແຕ່ບໍ່ຫລາຍ ເຊັ່ນ : ເປັນສິວ, ເຈັບຫົວ ຫລື ປະຈຳເດືອນມາບໍ່ປົກກະຕິ ເຊິ່ງສ່ວນຫລາຍຈະເຊົາໄປໄດ້ເອງພາຍໃນ 6 ເດືອນ ບາງຄົນອາດມີການເພີ່ມຂຶ້ນຂອງນຳ້ໜັກໂຕ ແນວໃດກໍຕາມການເພີ່ມຂຶ້ນຂອງນຳ້ໜັກອາດມີສາເຫດມາຈາກປັດໄຈທີ່ຫລາກຫລາຍ ເຊິ່ງໃນປະຈຸບັນຍັງບໍ່ມີຫລັກຖານທາງວິຊາການທີ່ສາມາດຢັ້ງຢືນຢ່າງຈະແຈ້ງວ່າການເພີ່ມຂອງນຳ້ໜັກໂຕເປັນຜົນໂດຍກົງຈາກຢາຝັງຄຸມກຳເນີດ.

ບາງຄົນອາດພົບອາການຂາດປະຈຳເດືອນ ເຊິ່ງຜູ້ໃຫ້ບໍໍລິການຕ້ອງໃຫ້ຄຳປຶກສາແກ່ຜູ້ຮັບບໍລິການ ລວມທັງການຫາສາເຫດ ອື່ນໆທ່ີເຮັດໃຫ້ເກີດອາການບໍ່ມີປະຈຳເດືອນ ໂດຍສອບຖາມປະຫວັດ, ກວດຮ່າງກາຍທົ່ວໄປ, ກວດພາຍໃນ ແລະ ກວດທາງ ຫ້ອງທົດລອງເພື່ອກວດການຖືພາການຖືພານອກມົດລູກ ຖ້າບໍ່ພົບສາເຫດອື່ນໆກໍໃຫ້ການປຶກສາຊຳ້ວ່າອາການນີ້ພົບໄດ້ຄືກັນກັບການສັກຢາຄຸມກຳເນີດ ແລະ ຈະມີຜົນດີຕໍ່ບັນຫາເລືອດຈາງ ຖ້າຜູ້ຮັບບໍລິ ການມີຄວາມວິຕົກກັງວົນ ຄວນໃຫ້ກຳລັງໃຈ ຫລື ໃຫ້ຢາເພື່ອຫລຸດຄວາມກັງວົນ ແລະ ນັດກວດຕິດຕາມ ຖ້າຍັງມີຄວາມວິຕົກກັງວົນຫລາຍ ຫລື ຜູ້ຮັບບໍລິການບໍ່ຍອມຮັບອາການຂາດປະຈຳເດືອນ ອາດຕ້ອງພິຈາລະນາຖອດຢາຝັງຄຸມກຳເນີດ ພ້ອມແນະນຳວິທີຄຸມກຳເນີດວິທີອື່ນທີ່ເໝາະສົມ ໂດຍຄວນແນະນຳໃຫ້ຜູ້ຮັບບໍລິການຝັງຢາຄຸມກຳເນີດຄວບຄຸມອາຫານ ແລະ ອອກກຳລັງກາຍຮ່ວມນຳ.

ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ - WhatsApp Image 2020 05 27 at 5 - ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ
ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ - WhatsApp Image 2020 05 27 at 5 - ຢາຝັງຄຸມກຳເນີດກັບຜົນຂ້າງຄຽງທີ່ຕ້ອງລະວັງ
error: Alert: ເນື້ອຫາຂ່າວມີລິຂະສິດ !!