ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ

ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ - news BdNQWdYTve083102 533 - ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ
ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ - Untitled design - ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ

ລັດຖະບານ​ກຽບປະກາດ​ກົດ​ໄອ​ຍະ​ການ​ເສິກ​ໃນ​ພື້ນທີ່​ທາງຕາ​ເວັນ​ອອກ ​ເຊິ່ງຕິດ​ກັບຣັດ​ເຊຍ ທ່າມກາງ​ສະຖານະ​ການ​ເຄັ່ງ​ຕຶງ​ຈາກ​ກໍລະນີ​ລັດຖະບານ​ມົດ​ສະ​ກູ​ຢຶດ​ເຮືອ 3 ລຳ​ຂອງ​ກອງທັບ​ອູ​​ແກຣນຂໍ້​ຫາ “ລຸກລ້ຳນ່ານນ້ຳ” ບໍລິ​ເວນ​ຊ່ອງ​ແຄບ​ໃນ​ທະ​ເລ​ອາ​ຊອບ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສະພາ​ນິຕິບັນຍັດ​ແຫ່ງ​ຊາດ​ຂອງ​ອູ​ແກຣນມີ​ມະຕິ​ໃນ​ກອງ​ປະຊຸມ​ວາລະ​ສຸກ​ເສີນ​ໃນ​ວັນ​ທີ 26 ພະຈິກ ອະນຸມັດ​ຄຳ​ຮ້ອງ​ຂອງ​ປະທານາທິບ​ໍດີ ​ເປ​ໂຕຣ ​ໂປ​ໂຣ​ເຊ​ນ​ໂກ ​ໃນ​ການ​ບັງຄັບ​ໃຊ້​ກົດ​ໄອ​ຍະ​ການ​​ເສິກ​ຄວບ​ຄຸມ 10 ຈາກ 27 ​ແຂວງ ​ເປ​ັນ​ເວລາ​ຢ່າງ​ໜ້ອຍ 30 ວັນ ນັບ​ແຕ່​ວັນ​ທີ 28 ພະຈິກ​ນີ້​ເປັນຕົ້ນ​ໄປ ​ໂດຍ​ພື້ນທີ່​ເຊິ່ງຈະ​ຢູ່​ພາຍ​ໃຕ້​ກົດ​ໄອ​ຍະ​ການ​ເສິກ​ສ່ວນ​ຫລາຍ​ມີ​ຊາຍ​ແດນ​ຕິດ​ກັບຣັດ​ເຊຍ, ​ເບ​ລາ​ລຸດ ​ແລະ ​ໂມນ​ດາ​ວີ. ​ເຖິງ​ຢ່າງ​ໃດ​ກໍ​ຕາມ, ນະຄອນຫລວງ​ກຽບ ​ເຊິ່ງ​ເປັນ​ເມືອງ​ຫລວງ ​ແລະ ຕັ້ງຢູ່​ບໍລິ​ເວນ​ພາກ​ກາງ​ບໍ່​ໄດ້​ຢູ່​ພາຍ​ໃຕ້​ຄຳ​ສັ່ງ​ດັ່ງກ່າວ.

ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ - Wave100S AD to Website 2020 0 - ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ

ທ່ານ ​ໂປ​ໂຣ​ເຊ​ນ​ໂກ ​ໃຫ້​ເຫດຜົນ​ບວກ​ກັບ​ການ​ຕັດສິນ​ໃຈ​ຂໍ​ໃຫ້​ສະພາ​ອະນຸມັດ​ການ​ໃຊ້​ກົດ​ໄອ​ຍະ​ການ​ເສິກ ວ່າ​ກ່ຽວຂ້ອງ​ກັບ “​ໄພ​ຄຸກ​ຄາມ​ຮ້າຍ​ແຮງ​ຈາກ​ປະຕິບັດ​ພາກພື້ນດິນ” ທີ່​ມີ​ຕໍ່​ອູ​ແກຣນ ​ໂດຍ​ປະຕິ​ເສດ​ລົງ​ເລິກ​ລາຍ​ລະອຽດ ​ແລະ ຢືນຢັນ​ວ່າ: ກົດ​ໄອ​ຍະ​ການ​ເສິກ “ບໍ່​ແມ່ນ​ການ​ປະກາດ​ສົງຄາມ” ​ແຕ່​ຄື “ການ​ຍົກ​ລະດັບ​ມາດ​ຕະການ​ດ້ານ​ຄວາມ​ໝັ້ນຄົງ” ຂອງ​ອູ​ແກຣນ ​ໃນ​ການ​ປົກ​ປ້ອງ​ອະທິປະ​ໄຕ​ຂອງ​ປະ​ເທດ “ຈາກຣັດ​ເຊຍ”.

ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ - WhatsApp Image 2020 05 27 at 5 - ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ
ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ - WhatsApp Image 2020 05 27 at 5 - ອູແກຣນປະກາດກົດໄອຍະການເສິກ ໃນພື້ນທີ່ຕິດກັບຣັດເຊຍ
error: Alert: ເນື້ອຫາຂ່າວມີລິຂະສິດ !!