ສິ່ງທີ່ທ່ານຕ້ອງລະວັງຫາກຄິດຈະກິນຢານອນຫລັບ

- advert banner 728 90 728x90 - ສິ່ງທີ່ທ່ານຕ້ອງລະວັງຫາກຄິດຈະກິນຢານອນຫລັບ

- 041005 300x192 - ສິ່ງທີ່ທ່ານຕ້ອງລະວັງຫາກຄິດຈະກິນຢານອນຫລັບ     ຮູ້ກັນຢູ່ແລ້ວວ່າການນອນຫລັບເປັນການພັກຜ່ອນທີ່ດີສຸດ, ແຕ່ຍຸກປະຈຸບັນຍ້ອນພາລະໜ້າທີ່, ຄວາມເຄັ່ງຄຽດສົ່ງຜົນໃຫ້ຫລາຍຄົນນອນບໍ່ຫລັບ ເຊິ່ງອາດສົ່ງຜົນຕໍ່ສຸຂະພາບໃນຫລາຍໆດ້ານຕາມມາ ຈົນບາງຄົນຕ້ອງຫັນໄປເພິ່ງຢານອນຫລັບ ເຊິ່ງອັນຕະລາຍ.

- new3 - ສິ່ງທີ່ທ່ານຕ້ອງລະວັງຫາກຄິດຈະກິນຢານອນຫລັບ

ກ່ອນອື່ນເຮົາຄວນຫາຕົ້ນເຫດປັດໄຈທີ່ເຮັດໃຫ້ເຮົານອນບໍ່ຫລັບ ແລະ ປະຕິບັດຕາມສຸຂະອະນາໄມການນອນຢ່າງເໝາະສົມ ຫາກບໍ່ດີຂຶ້ນ ຈະເພິ່ງຢານອນຫລັບຄວນປຶກສາທ່ານໝໍກ່ອນ.

ການໃຊ້ຢານອນຫລັບຈະໃຊ້ພຽງຊົ່ວຄາວໃນໄລຍະສັ້ນໆເນື່ອງ ຈາກການໃຊ້ຢາຕໍ່ເນື່ອງເປັນໄລຍະຍາວຈະເຮັດໃຫ້ການຕອບສະໜອງກັບຢາຫລຸດລົງ ຕ້ອງເພີ່ມຂະໜາດຢາຫລາຍຂຶ້ນເລື້ອຍໆ ເພື່ອໃຫ້ນອນຫລັບໄດ້ ແລະ ຍັງເຮັດໃຫ້ເກີດການຕິດຢານຳ ຫາກຢຸດຢາທັນທີອາດມີອາການນອນບໍ່ຫລັບ ສັບສົນກະວົນກະວາຍ ແລະ ກັງວົນໄດ້. ນອກຈາກນັ້ນ, ການໃຊ້ຢານອນຫລັບໃນໄລຍະຍາວຍັງສົ່ງຜົນໃຫ້ໜ້າທີ່ການເຮັດວຽກຂອງສະໝອງເສື່ອມຖອຍລົງອາດເກີດພະຍາດສະໝອງເສື່ອມໄດ້  ໂດຍສະເພາະໃນຜູ້ເຖົ້າ.

ດັ່ງນັ້ນ, ການໃຊ້ຢານອນຫລັບຈຶ່ງຈຳເປັນຕ້ອງຢູ່ໃນການດູແລຂອງແພດ ເນື່ອງຈາກການໃຊ້ຢາເກີນຂະໜາດຈະອອກລິດການເຮັດວຽກຂອງສະໝອງທີ່ຄວບຄຸມການຫາຍໃຈ, ເກີດການຫາຍໃຈລົ້ມເຫລວ ເປັນອັນຕະລາຍເຖິງແກ່ຊີວິດໄດ້. ຢາບາງຊະນິດອອກລິດຍາວຫລັງຈາກຕື່ນນອນແລ້ວບາງຄົນຈະຍັງຮູ້ສຶກເຫງົານອນ ອ່ອນເພຍ ຫລື ມຶນງົງ ເຮັດໃຫ້ເກີດອຸຸປະຕິເຫດໄດ້ງ່າຍຂຶ້ນ ຫາກຕ້ອງຂັບລົດ ຫລື ເຮັດວຽກກັບເຄື່ອງຈັກ.

- lattana 1 - ສິ່ງທີ່ທ່ານຕ້ອງລະວັງຫາກຄິດຈະກິນຢານອນຫລັບ

ສະນັ້ນ, ການໃຊ້ຢານນອນຫລັບຄວນຕ້ອງລະມັດລະວັງເປັນພິເສດ ໂດຍສະເພາະຄົນປ່ວຍເປັນພະຍາດຕັບ, ໝາກໄຂ່ຫລັງ ແລະ ຜູ້ເຖົ້າ ເພາະຢາອາດສະສົມໃນຮ່າງກາຍໄດ້ຫລາຍຂຶ້ນ ເກີດຜົນຂ້າງຄຽງໄດ້ຫລາຍກ່ວາປົກກະຕິ. ນອກຈາກນັ້ນ ຄວນຫລີກເວັ້ນການໃຊ້ຢານອນຫລັບໃນແມ່ຍິງຖືພາ, ໃຫ້ລູກກິນນົມ, ຄົນປ່ວຍພະຍາດປອດ ແລະ ຜູ້ທີ່ມີການຢຸດຫາຍໃຈຂະນະຫລັບ ລວມເຖິງຜູ້ທີ່ໃຊ້ຢາອອກລິດກົດປະສາດ ສ່ວນຜູ້ທີ່ໃຊ້ຢານອນຫລັບຄວນງົດເຄື່ອງດື່ມທີ່ມີອານກໍຮໍທຸຸກຊະນິດ ເນື່ອງຈາກອານກໍຮໍຈະໄປເສີມລິດກັນອາດກົດການຫາຍໃຈເປັນອັນຕະລາຍເຖິງຊີວິດໄດ້.

ການປະຕິບັດຕາມສຸຂະອະນາໄມໃນການນອນທີ່ດີ ໂດຍຈັດບັນຍາກາດໃນຫ້ອງນອນໃຫ້ສະບາຍ ບໍ່ມີສິ່ງລົບກວນ, ເຂົ້ານອນ ແລະ ຕື່ນນອນໃຫ້ເປັນເວລາ, ຈຳກັດເວລານອນໃຫ້ເໝາະສົມ ແລະ ພຽງພໍ ຢ່າງໜ້ອຍ 6 – 8 ຊົ່ວໂມງ, ຫາວິທີຜ່ອນຄາຍຄວາມເຄັ່ງຄຽດ ແລະ ອອກກຳລັງກາຍສະໝໍ່າສະເໝີ ລວມທັງຫລີກເວັ້ນເຄື່ອງດື່ມທີ່ມີກາເຟອີນ ແລະ ບໍ່ສູບຢາ.

error: Content is protected !!