ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ

ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ - Untitled design - ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ

ກະຊວງອຸດສາຫະກຳ ແລະ ການຄ້າ (ອຄ) ຈະໄດ້ສືບຕໍ່ປັບປຸງໂຄງປະກອບລາຄານ້ຳມັນເຊື້ອໄຟດ້ວຍການຫລຸດຄ່າກວດນັບບໍລິມາດ, ຄ່າກວດສອບຄຸນນະພາບນ້ຳມັນເຊື້ອໄຟ, ກອງທຶນບູລະນະນະຄອນຫລວງ ແລະ ຄັງແຮ. ນອກນີ້, ຍັງຈະໄດ້ກວດກາຄົ້ນຄວ້າຄືນກ່ຽວກັບການກຳນົດໂຄງສ້າງລາຄານ້ຳມັນເຊື້ອໄຟທີ່ນຳເຂົ້າຈາກຈີນ ແລະ ຫວຽດນາມ ເພື່ອສະໜອງໃຫ້ບັນດາແຂວງພາກເໜືອ ເພື່ອໃຫ້ລາຄາຢູ່ແຂວງເຫລົ່ານີ້ຖືກລົງ. ພ້ອມນີ້, ກໍ ຈະໄດ້ສືບຕໍ່ປະສານສົມທົບກັນຊອກມາດຕະການສະກັດກັ້ນການນຳເຂົ້ານ້ຳມັນເຊື້ອໄຟນອກລະບົບ (ນໍ້າມັນເຖື່ອນ). ນີ້ແມ່ນຄໍາຊີ້ແຈງຂອງທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງດັ່ງກ່າວຕໍ່ຄໍາຊັກຖາມຂອງສະມາຊິກສະພາແຫ່ງຊາດໄດ້ຍົກຂຶ້ນໃນກອງປະຊຸມສະພາ, ຊຶ່ງພວມດໍາເນີນຢູ່ໃນປັດຈຸບັນ ເປັນຕົ້ນແມ່ນວິທີແກ້ໄຂຂໍ້ຄົງຄ້າງໃນການເຄື່ອນໄຫວວຽກງານໃນໄລຍະຜ່ານມາ ແລະ ວິທີແກ້ໄຂຕໍ່ຜົນກວດສອບທີ່ຕິດພັນກັບຂະແໜງອຸດສາຫະກໍາ ແລະ ການຄ້າ. ທ່ານລັດຖະມົນຕີ ກ່າວວ່າ: ການຄຸ້ມຄອງ ແລະ ປັບປຸງໂຄງສ້າງລາຄານ້ຳມັນເຊື້ອໄຟນັ້ນ, ຊຶ່ງໃນຕົວຈິງແລ້ວເຖິງວ່າ ລາຄານ້ຳມັນເຊື້ອໄຟໃນຕະຫລາດໂລກມີການເໜັງຕີງສູງຂຶ້ນ ແລະ ການເພີ່ມອາກອນຊົມໃຊ້, ແຕ່ລາຄານ້ຳມັນເຊື້ອໄຟພາຍໃນປະເທດລາວບໍ່ສູງເກີນໄປເພາະລັດຖະບານໄດ້ໃຊ້ມາດຕະການດັດສົມ ເປັນຕົ້ນໄດ້ປັບຄັງແຮຈາກ 500 ກີບຕໍ່ລິດມາເປັນ 300 ກີບຕໍ່ລິດ, ປັບຄ່າກວດນັບບໍລິມາດນ້ຳມັນຈາກ 22 ກີບຕໍ່ລິດມາເປັນ 12 ກີບຕໍ່ລິດ ແລະ ໄດ້ປັບຄ່າກວດສອບຄຸນນະພາບນ້ຳມັນເຊື້ອໄຟຈາກ 32 ກີບຕໍ່ລິດມາເປັນ 16 ກີບຕໍ່ລິດ ຄື: ໃນປີ 2018 ນີ້ ໄດ້ປັບລາຄານ້ຳມັນເຊື້ອໄຟລົງ 4 ຄັ້ງ ໃນຂະນະທີ່ການປັບຂຶ້ນລາຄານ້ຳມັນເຊື້ອໄຟແມ່ນ 9 ຄັ້ງ. ແຕ່ປັດຈຸບັນລາຄານ້ຳມັນເຊື້ອໄຟຂອງຕະຫລາດໂລກ ມີການເໜັງຕີງຫລຸດລົງ. ດັ່ງນັ້ນ, ໃນຄັ້ງວັນທີ 26 ພະຈິກ 2018 ໄດ້ປັບລາຄານ້ຳມັນເຊື້ອໄຟຫລຸດລົງ ເປັນຕົ້ນນ້ຳມັນແອັດໄດ້ປັບລົງ 250 ກີບຕໍ່ລິດແລະ ນ້ຳມັນກາຊວນ 180 ກີບຕໍ່ລິດ.

ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ - Wave100S AD to Website 2020 0 - ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ
ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ - WhatsApp Image 2020 05 27 at 5 - ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ
ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ - WhatsApp Image 2020 05 27 at 5 - ກະຊວງອຸດສາຫະກໍາ ແລະ ການຄ້າໄດ້ສຸມໃສ່ຄຸ້ມຄອງລາຄານ້ຳມັນເຊື້ອໄຟ
error: Alert: ເນື້ອຫາຂ່າວມີລິຂະສິດ !!