ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ

ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ - Untitled design - ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ

ທ່ານລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ຊີ້ແຈງສະພາບການແກ້ໄຂຂໍ້ຂັດແຍ່ງກ່ຽວກັບທີ່ດິນໃນໄລຍະຜ່ານມາ ຕໍ່ກອງປະຊຸມສະພາແຫ່ງຊາດ ທີ່ພວມດໍາເນີນໃນປັດຈຸບັນນີ້ວ່າ: ການແກ້ໄຂຂໍ້ຂັດແຍ່ງກ່ຽວກັບທີ່ດິນ, ໂດຍສະເພາະບັນຫາການອອກໃບຕາດິນຊໍ້າຊ້ອນ, ການຈັບຈອງ-ການແບ່ງເຂດຄຸ້ມຄອງທີ່ດິນ ແລະ ບັນຫາຂັດແຍ່ງອື່ນໆ ວ່າ: ຂະແໜງການຕົນໄດ້ປະຕິບັດຕາມຂໍ້ຕົກລົງຂອງນາຍົກລັດຖະມົນຕີວ່າດ້ວຍການແຕ່ງຕັ້ງຄະນະສະເພາະກິດເພື່ອດໍາເນີນການກວດກາ, ສຶກສາ ແລະ ຄົ້ນຄວ້າວິໃຈບັນຫາທີ່ດິນ, ພ້ອມທັງໄດ້ອອກຄໍາສັ່ງວ່າດວ້ຍການກວດກາຄືນບັນຫາການອອກໃບຕາດິນຊໍ້າຊ້ອນ ແລະ ຂໍ້ຂັດແຍ່ງຈາກການເອົາໃບຕາດິນເປັນຫລັກຊັບຄໍ້າປະກັນການກູ້ຢືມເງິນ ແລະ ຈາກການເອົາທີ່ດິນເປັນຮຸ້ນ, ນອກນີ້ຍັງໄດ້ມີແຈ້ງການໃຫ້ບັນດາເມືອງ ແລະ ປະຊາຊົນໃນທົ່ວປະເທດ ກ່ຽວກັບການກວດກາຄືນບັນຫາການອອກໃບຕາດິນ ຫລື ການມີເອກະສານສິດນໍາໃຊ້ທີ່ດິນຊໍ້າຊ້ອນອີກດ້ວຍ ແລະ ຕາມການລາຍງານຂອງທະນາຄານແຫ່ງ ສປປ ລາວ ເຫັນວ່າມີໃບຕາດິນຊໍ້າຊ້ອນກັນທີ່ເອົາໄປຄໍ້າປະກັນນໍາບັນດາທະນາຄານທຸລະກິດທັງໝົດ 97 ກໍລະນີ. ໃນນັ້ນ ທະນາຄານສົ່ງເສີມກະສິກໍາມີ 67 ກໍລະນີ, ພັດທະນາລາວ 23 ກໍລະນີ, ນະໂຍບາຍ 4 ກໍລະນີ, ການຄ້າຕ່າງປະເທດ ລາວ, ເອັສທີ ແລະ ພົງສະຫວັນບ່ອນລະ 1 ກໍລະນີ. ສ່ວນການກວດກາຄືນການນໍາເອົາເອກະສານຕ່າງໆທີ່ບໍ່ແມ່ນໃບຕາດິນແມ່ນມີທັງໝົດ 13.380 ກວ່າລາຍການ ແລະ ໃບຕາດິນຖາວອນ (ຂອບຄໍາ) ມີທັງໝົດ 411.930 ກວ່າລາຍການທີ່ໄດ້ນໍາເອົາໄປຄໍ້າປະກັນນໍາທະນາຄານທຸລະກິດ ແລະ ສະຖາບັນການເງິນຈຸລະພາກໃນທົ່ວປະເທດ.

ສໍາລັບການຈັບຈອງທີ່ດິນນັ້ນ, ນອກຈາກກໍລະນີການໄດ້ຮັບສິດນໍາໃຊ້ທີ່ດິນລັດໂດຍບໍ່ພັດທະນາ ຫລື ບໍ່ເຂົ້າໄປນໍາໃຊ້ທີ່ດິນຂອງລັດ ໂດຍບໍ່ມີເອກະສານໃດໆ, ການໄດ້ຮັບສິດຈາກລັດຖະບານໃນການເຊົ່າ-ສໍາປະທານທີ່ດິນ ແຕ່ບໍ່ພັດທະນາ ກໍຖືວ່າເປັນການຈັບຈອງທີ່ດິນ, ຊຶ່ງພົບວ່າມີຈໍານວນ 1.758 ໂຄງການ. ສະນັ້ນໃນກົດໝາຍວ່າດ້ວຍທີ່ດິນສະບັບປັບປຸງໃໝ່ຈຶ່ງໄດ້ເພີ່ມມາດຕາ 8 ວ່າດ້ວຍມາດຕະການຕໍ່ການຈັບຈອງ ແລະ ບຸກລຸກທີ່ດິນ ເພື່ອເປັນບ່ອນອີງໃນການແກ້ໄຂບັນຫາດັ່ງກ່າວຢ່າງເດັດຂາດ, ເພື່ອປ້ອງກັນການຈັບຈອງ ແລະ ບຸກລຸກທີ່ດິນຊະຊາຍໃນປັດຈຸບັນໃຫ້ໝົດໄປ.

ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ - Wave100S AD to Website 2020 0 - ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ
ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ - WhatsApp Image 2020 05 27 at 5 - ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ
ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ - WhatsApp Image 2020 05 27 at 5 - ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມຊີ້ແຈງການແກ້ໄຂຂໍ້ຂັດແຍ່ງທີ່ດິນໃນຜ່ານມາ
error: Alert: ເນື້ອຫາຂ່າວມີລິຂະສິດ !!