ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ

ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ - 222225884444 - ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ
ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ - Untitled design - ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ

 ໂດຍ: ທ່ຽງທຳ   

ສະບາຍດີ, ເພື່ອນຜູ້ ອ່ານທີ່ຮັກແພງຍັງອີກບໍ່ດົນ ວັນສະຖາປະນາ ສປປ ລາວ ຄົບຮອບ 43 ປີ (2/12/ 1975-2/12/2018), ກໍຈະ ໝູນວຽນມາເຖິງອີກວາລະ ໜຶ່ງຢ່າງມີຄວາມໝາຍ ແລະ ຄວາມສຳຄັນຍິ່ງເພາະເປັນ ປີ ຄົບຮອບ 43 ປີ.
ພາຍໃຕ້ລະບອບປະຊາ ທິປະໄຕ ປະຊາຊົນລາວ ແລະ ເພື່ອເຮັດໃຫ້ວັນປະຫວັດສາດ ອັນມີຄວາມສຳຄັນດັ່ງກ່າວ, ພວກເຮົາທຸກຂະແໜງການ ແລະ ທ້ອງຖິ່ນ ຈະໄດ້ພ້ອມກັນ ທົບທວນຄືນການຈັດຕັ້ງປະ ຕິບັດວຽກງານຂອງຕົນຕະ ຫລອດໄລຍະ 43 ປີ ຜ່ານມາ ເພື່ອພ້ອມກັນຍົກໃຫ້ເຫັນບັນ ດາຜົນງານ ແລະ ໄຊຊະນະ ຕ່າງໆ ທີ່ຈະຕ້ອງໄດ້ສົ່ງເສີມ ແລະ ພ້ອມກັນນັ້ນກໍຍົກໃຫ້ ເຫັນບັນດາຈຸດອ່ອນຄົງຄ້າງ ເພື່ອຈະໄດ້ເພີ່ມທະວິປັບປຸງ ແກ້ໄຂສຸມໃສ່ພັດທະນາເສດ ຖະກິດ-ສັງຄົມຂອງຊາດ ໃຫ້ນັບມື້ເຕີບໃຫຍ່ເຂັ້ມແຂງ ແລະ ຈະເລີນສີວິໄລ.

ພ້ອມນັ້ນພວກເຮົາຈະໄດ້ ພ້ອມກັນສ້າງຂະບວນການ ແຂ່ງຂັນກັນສ້າງຜົນງານຂ່ຳ ນັບຮັບຕ້ອນວັນປະຫວັດສາດ ສຳຄັນດັ່ງກ່າວໃຫ້ມີຄວາມ ໝາຍຍິ່ງຂຶ້ນ, ໂດຍຫັນເອົາ ການຈັດຕັ້ງປະຕິບັດວຽກ ງານຂອງຕົນຕິດພັນກັບຂະ ບວນການແຂ່ງຂັນຮັກຊາດ ແລະ ການພັດທະນາໃຫ້ມີ ຜົນສຳເລັດຕົວຈິງ ແລະ ບັນຫາ ສຳຄັນອີກອັນໜຶ່ງທີ່ ພວກເຮົາຈະຕ້ອງໄດ້ພ້ອມ ກັນເຮັດຢ່າງມີປະສິດທິ ຜົນຄື: ການປະດັບປະດາ, ອະນາໄມຕົວເມືອງໃຫ້ ມີຄວາມສະອາດສວຍງາມ ແລະ ມີຄວາມເປັນລະບຽບ ຮຽບຮ້ອຍ, ຮັບປະກັນຄວາມ ສະຫງົບປອດໄພອັນເປັນ ຈິດໃຈໃຫຍ່ທີ່ພວກເຮົາຈະ ຕ້ອງໄດ້ເຮັດ, ນັບທັງສູນ ກາງ ແລະ ທ້ອງຖິ່ນຕ່າງໆ.

ເໝືອນດັ່ງຫລາຍໆງານ ບຸນໃຫຍ່ລະດັບຊາດ ແລະ ສາກົນຄື: ງານສະເຫລີມສະ ຫລອງເມືອງວຽງໄຊ ຖານທີ່ ໝັ້ນຂອງການປະຕິວັດລາວ ຄົບຮອບ 50 ປີ ໃນວັນທີ 30 ພະຈິກນີ້ ຫລື ງານສະເຫລີມ ສະຫລອງ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 64 ປີ.

ງານສະເຫລີມສະຫລອງ ວັນສ້າງຕັ້ງກອງທັບປະຊາ ຊົນລາວຄົບຮອບ 70 ປີ ແລະ ງານສຳຄັນອື່ນໆ ໄດ້ດຳເນີນ ໄປຢ່າງມີຜົນສຳເລັດດ້ວຍ ການມີສ່ວນຮ່ວມຂອງທົ່ວ ປວງຊົນ, ໄດ້ເປັນຈິດໜຶ່ງໃຈ ດຽວກັນກຽມພ້ອມເປັນເຈົ້າ ການໃຫ້ແກ່ງານດັ່ງກ່າວນັບ ທັງຢູ່ສູນກາງ ແລະ ທ້ອງຖິ່ນ ພິເສດແມ່ນຊາວນະຄອນ ຫລວງວຽງຈັນຕ່າງກໍໄດ້ສຸມ ໃສ່ດ້ານການຮັກສາຄວາມ ເປັນລະບຽບຮຽບຮ້ອຍ, ຄວາມສະຫງົບປອດໄພຂອງ ສັງຄົມ, ຕ້ອງການເປັນຫູ ເປັນຕາ ຊ່ວຍເຈົ້າໜ້າ ທີ່ໃນ ການສະກັດກັ້ນສິ່ງຫຍໍ້ທໍ້ ຕ່າງໆ, ເອົາໃຈໃສ່ເວນຍາມ ບ້ານເຮືອນ, ສຳນັກງານອົງ ການຕ່າງໆຢ່າງຮັບປະກັນ.

ພ້ອມນັ້ນກໍເປັນເຈົ້າການ ອະນາໄມຖະໜົນຫົນທາງ, ມ້າງເຫີບ, ມ້າງເງີຍ ອັນເປັນ ສິ່ງກີດຂວາງ ແລະ ສ້າງ ຄວາມບໍ່ຈົບງາມຕໍ່ບ້ານ ເມືອງໄປຄຽງຄູ່ກັບການປະ ດັບປະດາຕິດທຸງຊາດ, ທຸງ ທິວ ແລະ ຄຳຂວັນຕ່າງໆ ອັນເປັນການປຸກລະດົມກຳ ລັງໃຈຂອງມວນຊົນ ແລະ ແຂກຄົນຜູ້ມາທ່ຽວມາຊົມ ແລະ ມາຮ່ວມສະຫລອງວັນ ສຳຄັນດັ່ງກ່າວດ້ວຍຄວາມ ຈັບອົກຈັບໃຈ ແລະ ເປັນໜ້າ ຍ້ອງຍໍສັນລະເສີນ.

ດັ່ງນັ້ນໃນງານສະເຫລີມ ສະຫລອງວັນຊາດທີ 2 ທັນ ວາ ປີນີ້, ພວກເຮົາຈິງຈະຕ້ອງ ໄດ້ເອົາໃຈໃສ່ ແລະ ເປັນເຈົ້າ ການຮອບດ້ານເພື່ອເຮັດໃຫ້ ການສະເຫລີມສະຫລອງ ໄດ້ ດຳເນີນໄປດ້ວຍບັນຍາກາດ ຟົດຟື້ນມ່ວນຊື່ນ ແລະ ມີຜົນ ສຳເລັດໂດຍສະເພາະແມ່ນ ຢູ່ນະຄອນຫລວງວຽງຈັນ, ອັນເປັນໃຈກາງທາງດ້ານ ການເມືອງ, ເສດຖະກິດ ແລະ ວັດທະນະທຳ-ສັງຄົມ ຂອງຊາດ.

ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ - Wave100S AD to Website 2020 0 - ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ

ເຊິ່ງຜູ້ຮັບຜິດຊອບດ້ານ ເສັ້ນທາງຄົມມະນາຄົມ ໃນ ຕົວເມືອງກໍຈະຕ້ອງໄດ້ຮີບ ຮ້ອນກໍ່ສ້າງ, ປົວແປງບ່ອນ ເປ່ເພ, ບ່ອນບໍ່ຈົບບໍ່ງາມນັ້ນ ໃຫ້ດີຂຶ້ນ, ຂະແໜງໄຟຟ້າ ກໍຈະຕ້ອງໄດ້ສຸມໃສ່ແກ້ໄຂ ບັນດາຫາງສຽງຕ່າງໆ ທີ່ ປະຊາຊົນສ່ອງແສງມາໃຫ້ ມີຜົນສຳເລັດ ແລະ ສາມາດ ບັນລຸຄຳຂວັນ ສ ສະຫວ່າງ ທີ່ວາງໄວ້ ເປັນຢ່າງດີ ແລະ ສຳລັບອົງການຄຸ້ມຄອງບໍລິ ຫານຕົວເມືອງ ກໍຈະຕ້ອງ ໄດ້ເບິ່ງຄືນເລື່ອງການຮັກ ສາອະນາໄມ ແລະ ປະດັບ ປະດາຕົວເມືອງ ໃຫ້ສະອາດ ສວຍງາມ, ສາມາດບັນລຸຄຳ ຂວັນ ສ ສະອາດ, ສ່ວນຊາວ ນະຄອນຫລວງວຽງຈັນກໍ ຈະຕ້ອງໄດ້ ພ້ອມກັນເປັນເຈົ້າ ການສ້າງບ້ານແປງເຮືອນ ຂອງຕົນ ແລະ ມີແບບແຜນ ດຳລົງຊີວິດທີ່ ສີວິໄລ ດັ່ງ ຄຳຂວັນວາງໄວ້.

ສຳລັບເບື້ອງກຳລັງເຈົ້າ ໜ້າທີ່ກໍຈະຕ້ອງໄດ້ເພີ່ມທະວີ ປົກປັກຮັກຄວາມເປັນລະບຽບຮຽບຮ້ອຍ ແລະ ຄວາມ ສະຫງົບປອດໄພຂອງສັງຄົມ ໃຫ້ໄດ້ດັ່ງຄຳຂວັນ ສ ສະຫງົບ ວາງໄວ້ ແລະ ເຮັດໃຫ້ການ ສະເຫລີມສະຫລອງວັນປະຫວັດສາດ ສຳຄັນນີ້ສຳເລັດ ຜົນຕາມລະດັບຄາດໝາຍ ວາງໄວ້ເພື່ອກ້າວສູ່ ກອງປະຊຸມໃຫຍ່ຄັ້ງທີ XI ຂອງພັກໃນ ປີ 2020 ຢ່າງມີຜົນສຳເລັດ ສູງສ້າງຊື່ສຽງ ແລະ ຖານະ ຂອງ ສປປ ລາວ ສູງເດັ່ນ ຂຶ້ນໃນເວທີພາກພື້ນ ແລະ ສາກົນ./.

ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ2018/

ສະຖານທູດຫວຽດນາມສະຫລອງວັນຊາດ 2 ກັນຍາ ຄົບຮອບ 73 ປີ2018/

ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ - 222225884444 - ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ
(ພາບປະກອບ)
ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ - WhatsApp Image 2020 05 27 at 5 - ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ
ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ - WhatsApp Image 2020 05 27 at 5 - ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ
error: Alert: ເນື້ອຫາຂ່າວມີລິຂະສິດ !!