ອູແກຣນກັງວົນຈະຖືກຣັດເຊຍໂຈມຕີ

ອູແກຣນກັງວົນຈະຖືກຣັດເຊຍໂຈມຕີ - 561000012278902 - ອູແກຣນກັງວົນຈະຖືກຣັດເຊຍໂຈມຕີ
ອູແກຣນກັງວົນຈະຖືກຣັດເຊຍໂຈມຕີ - Untitled design - ອູແກຣນກັງວົນຈະຖືກຣັດເຊຍໂຈມຕີ

ຜູ້ນຳ​ອູ​ແກຣນສະ​ແດງ​ຄວາມ​ກັງວົນ​ຫລັງຣັດ​ເຊຍ ສົ່ງ​ລົດ​ຕັງ​ເຂົ້າມາ​ປະຈຳການ​ຊາຍ​ແດນ​ເພີ່ມ ​ແລະ ບອກ​ວ່າ: ລັດຖະບານ​ຈະ​ພະຍາຍາມ​ຢ່າງ​ເຕັມ​ສ່ວນ ​ເພື່ອ​ຫາ​ທາງ​ຊ່ວຍ​ທະຫານ​ເຮືອ​ທີ່​ຖືກຣັດ​ເຊຍ​ຈັບ​ກຸມ.

ປະທານາທິບໍດີ ​ເປ​ໂຕຣ ​ໂປ​ໂຣ​ເຊ​ນ​ໂກ ຂອງ​ອູ​ແກຣນ ​ໃຫ້​ສຳພາດ​ສື່​ອ້າງ​ລາຍ​ງານ​ຂ່າວ​ລະບຸ​ວ່າ: ຣັດ​ເຊຍ​ສົ່ງ​ລົດ​ຕັງ​ເຂົ້າມາ​ປະຈຳການ​ຊາຍ​ແດນ​ເພີ່ມ ​ເຊິ່ງສ່ຽງ​ຈະ​ເກີດ​ການ​ປະ​ທະ​ຮອບ​ໃໝ່​ລະຫວ່າງ​ອູ​ແກຣນກັບຣັດ​ເຊຍ ຫລັງ​ຈາກ​ວັນ​ທີ 25 ພະຈິກ ຣັດ​ເຊຍ​ໄດ້​ຢຶດ​ເຮືອ​ຮົບ ​ແລະ ​ເຮືອ​ລາກ​ຈູງ​ຂອງ​ອູ​ແກຣນ 3 ລຳ ພ້ອມ​ທັງ​ຈັບ​ກຸມ​ທະຫານ​ເຮືອ 24 ຄົນ ​ເຊິ່ງຜູ້ນຳ​ອູ​ແກຣນບອກ​ວ່າ: ລັດຖະບານ​ຈະ​ພະຍາຍາມ​ດຳ​ເນີນ​ທຸກ​ຢ່າງທີ່​ຈຳ​ເປັນ ​ເພື່ອ​ຊ່ວຍ​ເຫລືອ​ທະຫານ​ເຮືອ​ທີ່​ຖືກ​ຈັບ​ກັບປະ​ເທດ​ໃຫ້​ໄດ້. ທ່ານ ​ໂປ​ໂຣ​ເຊ​ນ​ໂກ ກ່າວ​ອີກ​ວ່າ: ທ່ານພະຍາຍາມ​ຈະ​ຕິດ​ຕໍ່​ກັບ​ປະທາ​ນາ​ທະ​ບໍດີ ວະ​ລາ​ດິ​ເມຍ ປູ​ຕິນ ​ແຕ່​ຍັງ​ບໍ່​ໄດ້​ຮັບ​ການ​ຕອບ​ຮັບ​ຈາກ​ລັດຖະບານຣັດ​ເຊຍ. ຂະນະ​ທີ່​ທະຫານ​ເຮືອ​ອູ​ແກຣນຊຸດ​ທຳ​ອິດ 12 ຄົນ​ໄດ້​ຖືກ​ນຳ​ຕົວ​ໄປ​ຂຶ້ນສານ​ໃນ​ເມືອງ​ຊິ​ມ​ເຟີ​ໂຣ​ໂພ​ລ ​ໃນ​ວັນ​ທີ 27 ພະຈິກ ​ໂດຍສານ​ມີ​ຄຳ​ສັ່ງ​ໃນ​ເບື້ອງຕົ້ນ​ໃຫ້​ຄຸມ​ຂັງ​ທະຫານ​ເຮືອ 12 ຄົນ​ເປັນ​ເວລາ 2 ​ເດືອນ ​ເນື່ອງ​ຈາກ​ມີ​ຄວາມ​ຜິດ​ຖານ​ລະ​ເມີດ​ນ່ານນ້ຳຂອງຣັດ​ເຊຍ.

ອູແກຣນກັງວົນຈະຖືກຣັດເຊຍໂຈມຕີ - Wave100S AD to Website 2020 0 - ອູແກຣນກັງວົນຈະຖືກຣັດເຊຍໂຈມຕີ
ອູແກຣນກັງວົນຈະຖືກຣັດເຊຍໂຈມຕີ - WhatsApp Image 2020 05 27 at 5 - ອູແກຣນກັງວົນຈະຖືກຣັດເຊຍໂຈມຕີ
ອູແກຣນກັງວົນຈະຖືກຣັດເຊຍໂຈມຕີ - WhatsApp Image 2020 05 27 at 5 - ອູແກຣນກັງວົນຈະຖືກຣັດເຊຍໂຈມຕີ
error: Alert: ເນື້ອຫາຂ່າວມີລິຂະສິດ !!