ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ

ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ - news201811281431420 - ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ
ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ - Untitled design - ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ

ອອນ​ດ້າ ​ເຊ​ໂຣ່ ສື່​ຂອງ​ສະ​ເປ​ນ ລະບຸ​ວ່າ: ພວກ​ຕົນ​ລັກ​ຮູ້​ຜົນ​ການ​ໂຫວດ​​ເຈົ້າຂອງ​ລາງວັນ ບັນ​ລົງ ດໍ ​ໃນ​ປີ​ນີ້​ແລ້ວ ​ແລະ ຜູ້​ຊະນະ​ຄື ລູກ​້າ ​ໂມ​ດຣິຊ ນັກ​ເຕະ​ຂອງ ຣີລ ມາດຣິດ ​ໂດຍ ຄຣິສ​ເຕຍ​ໂນ ​ໂຣນັລ​ໂດ້ ກັບ ອ໊ອງຕວນ ກຣີຊມັນ ​ເຂົ້າມາ​ເປັນ​ທີ 2 ກັບ 3 ຕາມ​ລຳດັບ.

ລູກ້າ ​ໂມ​ດຣິຊ ກອງ​ກາງຄົນ​ດັງ​ຂອງ ຣີລ ມາດຣິດ ສະ​ໂມ​ສອນ​ຍັກ​ໃຫຍ່​ແຫ່ງ ລາ ລີ​ກາ ສະ​ເປ​ນ ​ໄດ້​ຮັບ​ການ​ໂຫວດ​ໃຫ້​ເປັນ​ເຈົ້າຂອງ​ລາງວັນ ບັນ​ລົງ ດໍ ປະຈຳ​ປີ 2018 ຕາມ​ການ​ເປີດ​ເຜີຍ​ຂອງ ອອນ​ດ້າ ​ເຊ​ໂຣ່ ສະຖານີ​ວິທະຍຸ​ຂອງ​ປະ​ເທດສະ​ເປ​ນ.

ພິທີການ​ມອບ​ລາງວັນ ບັນ​ລົງ ດໍ ຈະ​ມີ​ຂຶ້ນຢ່າງ​ເປັນ​ທາງ​ການ​ໃນ​ວັນ​ທີ 3 ທັນວາ​ນີ້ ​ເຊິ່ງຫລາຍ​ຄົນ​ເຝົ້າຕິດຕາມ​ເບິ່ງ​ວ່າ​​ໃນ​ປີ​ນີ້​ໃຜ​ຈະ​ໄດ້​ລາງວັນ​ອັນ​ຊົງ​ກຽດ​ໄປ​ຄອງ ​ແລະ ວ່າ​ກັນ​ວ່າ​ເທື່ອ​ນີ້​ຈະ​ບໍ່​ຕົກ​ເປັນ​ຂອງ ຄຣິສ​ເຕຍ​ໂນ ​ໂຣນັລ​ໂດ້ ຫລື ລິ​ໂອ​​ເນລ ​ເມສຊີ ຫລັງ​ຈາກ 10 ຄັ້ງກ່ອນ​ໜ້າ​ນີ້​ພວກ​ເຂົາ​ປ່ຽນ​ກັນ​ໄດ້​ລາງວັນ​ໄປ​ຄອງ​ຄົນ​ລະ 5 ສະ​ໄໝ.

ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ - Wave100S AD to Website 2020 0 - ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ

ກ່ອນ​ໜ້າ​ນີ້ ​ເອຣິກ ມ໊ອງຣູ ນັກ​ຂ່າວ​ຊາວ​ຝຣັ່ງຄົນ​ໜຶ່ງ ອ້າງ​ວ່າ​ລາວ​ຮູ້​ລາຍ​ຊື່​ນັກ​ເຕະ 3 ຄົນ​ທີ່​ໄດ້​ຮັບ​ຄະ​ແນນ​ໂຫວດ​ຫລາຍ​ທີ່​ສຸດ​ສຳ​ຄັບ​ການ​ຊີງ​ລາງວັນ ບັນ​ລົງ​ ດໍ ປະຈຳ​ປີ 2018 ຫລັງ​ຈາກ​ນັບ​ຄະ​ແນນ​ໄປ​ແລ້ວ​ເຄິ່ງໜຶ່ງ ​ໄດ້​ແກ່ ​ໂມ​ດຣິຊ, ຣາຟ​ແອ​ລ ວາຣານ ​ແລະ ຄີລິຢັນ ​ເອັບ​ບັບ​ເປ້. ຫລ້າ​ສຸດ ອອນ​ດ້າ ​ເຊ​ໂຣ່ ອ້າງ​ວ່າ​ຕອນ​ນີ້​ຄະ​ແນນ​ຖືກ​ນັບ​ຈົນ​ຄົບ​ຮຽບຮ້ອຍ​ແລ້ວ ​ແລະ ພວກ​ເຂົາ​ຮູ້​ຜົນ​ໂຫວດ​ແລ້ວ ​ໂດຍ ​ໂມ​ດຣິຊ ​ເຂົ້າມາ​ເປັນອັນ​ດັບ 1, ສ່ວນ​ທີ 2 ຄື ​ໂຣນັລ​ໂດ້. ຂະນະ​ທີ່ ອ໊ອງຕວນ ກຣີຊມັນ ມາ​ເປັນອັນ​ດັບ 3.

ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ - WhatsApp Image 2020 05 27 at 5 - ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ
ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ - WhatsApp Image 2020 05 27 at 5 - ເຊື່ອຖືໄດ້ບໍ່ ! ສື່ສະເປນອ້າງ ໂມດຣິຊ ໄດ້ລາງວັນບັນລົງດໍ
error: Alert: ເນື້ອຫາຂ່າວມີລິຂະສິດ !!