ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ

ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ - Police - ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ
ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ - Untitled design - ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ

​​ໃນ​ກອງ​ປະຊຸມ​ສະ​ໄໝສາມັນ ​ເທື່ອ​ທີ 6 ຂອງ​ສະພາ​ແຫ່ງ​ຊາດ ຊຸດ​ທີ VII ຊຶ່ງ​ພວມ​ດຳ​ເນີນ​ຢູ່​ໃນ​ປັດຈຸບັນນີ້, ທ່ານ ພົນ​ຕີ ກົງ​ທອງ ພົງ​ພິຈິດ ຮອງ​ລັດຖະມົນຕີກະຊວງປ້ອງ​ກັນ​ຄວາມ​ສະຫງົບ ​ໄດ້​ຂຶ້ນຊີ້​ແຈງ​ຕໍ່ຂໍ້​ຊັກ​ຖາມຂອງ ສສຊ ກ່ຽວກັບການ​ອຳນວຍ​ຄວາມ​ສະດວກ, ​ແກ້​ໄຂ​ສິ່ງ​ກີດ​ຂວາງ​ໃນ​ການ​ຄຸ້ມ​ຄອງການ​ເຂົ້າ​ອອກ-​ເມືອງຂອງ​ນັກ​ທ່ອງ​ທ່ຽວຢູ່​ປະຕູ​ດ່ານຜ່ານ​ແດນ​ຕ່າງໆ, ທ່ານ ຮອງ​ລັດຖະມົນຕີ ​ຊີ້​ແຈງ​ວ່າ: ປັດຈຸບັນ ​ເພື່ອ​ເຮັດ​ໃຫ້​ວຽກງານ​ກວດກາ​ຄົນ​ເຂົ້າ​ອອກ​ເມືອງມີ​ຄວາມ​ສະດວກແກ່​ນັກ​ທ່ອງ​ທ່ຽວ ​ແລະ ສັງຄົມດີ​ຂຶ້ນນັ້ນ ຈະ​ຕ້ອງໄດ້​ມີ​ການ​ປັບປຸງ​ຍົກ​ລະດັບຫັນ​ໄປ​ສູ່​ຄວາມ​ທັນ​ສະ​ໄໝ ​ ​ແລະ ຜ່ານ​ມາ​ກໍ​ໄດ້​ຮັບ​ງົບປະມານຈາກ​ລັດຖະບານ ຈຳນວນ 7,1 ຕື້ກີບ ​ເພື່ອ​ຈັດຊື້ອຸປະກອນ​ເຕັກ​ນິກ​ໃຫ້​ບັນດາ​ດ່ານ​ສາກົນ​ໃນ​ທົ່ວ​ປະ​ເທດ ​ແລະ ​ໄດ້​ມີ​ໂຄງການ​ເຊື່ອມ​ຕໍ່ຖານ​ຂໍ້​ມູນ​ຢູ່​ບັນດາ​ດ່ານ​ສາກົນ​ເຂົ້າຫາ​ກົມ​ຕຳຫລວດ​ກວດກາ​ຄົນ​ເຂົ້າ-ອອກ​ເມືອງ, ປັດຈຸບັນ​ສາມາດ​ເຊື່ອ​ມຕໍ່ສຳ​ເລັດ ຈຳນວນ 21 ດ່ານ ​ໃນ​ຈຳນວນ 27 ດ່ານ​ທົ່ວ​ປະ​ເທດ ​ແລະ ສະ​ເພາະ​​ໃນ​ປີນີ້ ​ກໍໄດ້​ອອກ​ແບບ​ຟອມ​ແຈ້ງ​ເຂົ້າ-ອອກ​ເມືອງທີ່​ມີ​ການ​ໂຄສະນາ​ກາ​ນທ່ອງ​ທ່ຽວລາວ​ໃຫ້​ຜູ້ເຂົ້າ​ມາ​ທ່ຽວລາວຫລາຍ​ຂຶ້ນ ​ແລະ ​ໃນ​ປັດຈຸບັນ​ ຢູ່​ດ່ານ​ສະໜາມບິນ​ສາກົນວັດ​ໄຕ​ກໍ​ໄດ້​ຍົກ​ລະດັບ​ການ​ແຈ້ງ​ເຂົ້າ-ອອກ​ເມືອງ​ໂດຍບໍ່ຕ້ອງ​ຂຽນ​ແບບ​ຟອມ​ ​ແລະ ​ກຳລັງ​ຄົ້ນ​ຄວ້າ​ພິຈາລະນາ​ຢູ່​ດ່ານ​ສາກົນ​ຂົວ​ມິດຕະພາບ ລາວ-​ໄທ ​ແຫ່ງ​ທີ 1 ເພື່ອ​ສ້າງ​ເງື່ອນ​ໄຂໃຫ້​ນັກ​ທ່ອງ​ທ່ຽວ​ໃຫ້​ມາ​ທ່ຽວລາວ​ສະດວກ​ດີ​ຂຶ້ນ.

ທ່ານຮອງ​ລັດຖະມົນຕີ ​ໃຫ້​ຮູ້​ວ່າ: ປັດຈຸບັນ ປາກົດ​ເຫັນ​ວ່າການ​ຈັດ​ເກັບ​ຄ່າ​ທຳນຽມ ​ແລະ ຄ່າ​ບໍລິການ​ຕ່າງໆ ຢູ່​ບັນດາ​ດ່ານ​ຍັງ​ເຫັນ​ວ່າ​ມີ​ຫລາຍ​ຈຸດ, ບໍ່​ລວມສູນ ​ເຮັດ​ໃຫ້​ຜູ້​ໂດຍສານ​ສັບ​ສົນ, ມີ​ບາງ​ດ່ານ​ເກັບ​ຄ່າ​ທຳນຽມ ​ແລະ ຄ່າ​ບໍລິການ​ບໍ່ຖືກຕ້ອງ​ຕາມ​​ລະບຽບ, ພຶ້ນຖານ​ໂຄງ​ລ່າງ​ຂອງ​ດ່ານ​ສາກົນ​ຈຳນວນໜຶ່ງ​ຍັງ​ບໍ່ທັນ​ສົມ​ຄູ່​ກັບ​ການ​ເປັນ​ດ່ານ​ສາກົນ ​ເປັນຕົ້ນ​ລະບົບ​ໄຟຟ້າ, ສະຖານ​ທີ່​ຄັບ​ແຄບ, ຫ້ອງ​ນ້ຳ, ບາງ​ດ່ານ​ມີ​ສະຖານ​ທີ່​ຫລິ້ນການ​ພະນັນ, ຮ້ານ​ຂາຍ​ເຄື່ອງ​ຕິດ​ກັບ​ດ່ານ ​ເຮັດ​ໃຫ້ການ​ເຂົ້າ-ອອກ​ເມືອງມີ​ຄວາມ​ສັບສົນ.

ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ - Wave100S AD to Website 2020 0 - ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ

ທ່ານຮອງ​ລັດຖະມົນຕີ ​ໃຫ້​ຮູ້​ອີກ​ວ່າ: ປີ 2018 ​ເປັນ​ປີ​ທ່ອງ​ທ່ຽວລາວ ​ແຕ່ລະ​ແຂວງກໍ​ໄດ້​ມີ​ການ​ຈັດ​ກິດຈະກຳ ​ເພື່ອ​ດຶງ​ດູດ​ນັກ​ທ່ອງ​ທ່ຽວ​ໃຫ້​ຫລາຍ​ຂຶ້ນ, ​ແຕ່​ຄຽງຄູ່​ກັນ​ນັ້ນ ບາງ​ທ້ອງ​ຖິ່ນຍັງ​ສືບຕໍ່ຕັ້ງ​ຈຸດ​ກວດກາ​ລົດ​ຂົນ​ສົ່ງ​ນັກ​ທ່ອງ​ທ່ຽວ​ໂດຍ​ບໍ່ຖືກຕ້ອງ ​ແລະ ມີຄົນ​ຕ່າງປະ​ເທດ​ຈຳນວນໜຶ່ງ​​ເຂົ້າ​ມາ​ເປັນ​ຜູ້​ປະກອບ​ການ​ທ່ອງ​ທ່ຽວ ​ໂດຍ​​ບໍ່ມີ​ບັດ​ອອກ​ແຮງ​ງານທີ່​ຖືກຕ້ອງ ​ແລະ ​ໃບ​ອະນຸຍາດ​ພັກ​ເຊົາ ​ເປັນ​ການ​ລັກ​ລອບ​ເຂົ້າມາປະກອບ​ອາຊີບ​ຢ່າງ​ບໍ່ຖືກຕ້ອງ​ ​ແລະ ມີ​ບາງໂຮງ​ແຮມ-​ເຮືອນ​ພັກ, ຮ້ານ​ອາຫານ, ບັນ​ເທີງ ມີ​ສະພາບ​ຫຍໍ້​ທໍ້​ເກີດ​ຂຶ້ນ​ເຊັ່ນ: ມົ້ວ​ສຸມ​ທາງ​ເພດ, ຢາ​ເສບ​ຕິດ, ຫລິ້ນການ​ພະນັນ, ​ເປີດ​​ເກີນ​ໂມງ​ເວລາ ຊຶ່ງ​ຜ່ານ​ມາ​ກໍ​ໄດ້​ມີ​ການ​​ດຳ​ເນີນ​ຄະດີຕໍ່ຜູ້​ກະທຳ​ຜິດ​ມາ​ແລ້ວ​ຫລາຍ​ລາຍ.

ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ - WhatsApp Image 2020 05 27 at 5 - ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ
ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ - WhatsApp Image 2020 05 27 at 5 - ເຈົ້າໜ້າທີ່​ເລັ່ງປັບປຸງ​ຂອດ​ບໍລິການເຂົ້າ-ອອກ​ເມື​ອງ ​ໃຫ້​ສະດວກ
error: Alert: ເນື້ອຫາຂ່າວມີລິຂະສິດ !!