7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

- Untitled design - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

Ransomware ຫລື ມັລ​ແວຣ໌​ເອີ້ນ​ຄ່າ​ໄຖ່ ກັບ​ມາ​ສ້າງ​ຄວາມ​ກັງວົນ​ໃຫ້ບັນດາ​ຜູ້​ໃຊ້​ຄອມ​ພິວ​ເຕີ​ອີກ​ເທື່ອ​ໜຶ່ງ, ພາຍຫລັງ​ກ່ອນ​ໜ້າ​ນີ້​ມີ CryptoLocker ຫລ້າ​ສຸດ​ຄື “WannaCrypt” ຫລື “WannaCry” ມັລ​ແວຣ໌​ເອີ້ນ​ຄ່າ​ໄຖ່​ທີ່​ອັນ​ຕະລາຍ​ກວ່າ​ເກົ່າ​, ລະບາດ​ໜັກ​ຍິ່ງ​ຂຶ້ນ. ດັ່ງນັ້ນ ພວກ​ເຮົາ​ຈຶ່ງ​ແນະນຳ 7 ວິທີ​ຮັບ​ມື ​ແລະ ​ແກ້​ໄຂ (​ແບບ​ບັນ​ເທົາ).

 

- 3081 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

ລະບາດ​ບໍ່​ເຊົາ: ​ໄລຍະ​ນີ້​ອາດ​ບໍ່​ມີ​ໄພ​ອັນຕະລາຍ​ໃນ​ໂລກ​ອິນ​ເຕີ​ເນັດ​ໃດ​ທີ່​ຮ້າຍ​ແຮງ​ໄປ​ກວ່າ​ “ມັລ​ແວຣ໌​ເອີ້ນ​ຄ່າ​ໄຖ່” ຫລື ຫລາຍ​ຄົນ​ເອີ້ນ​ວ່າ “​ໄວຣັສ​ເອີ້ນ​ຄ່າ​ໄຖ່” ທີ່​ພວມ​ລະບາດ. ມັລ​ແວຣ໌ ຈັດ​ເປັນ Ransomware ປະ​ເພດ​ໜຶ່ງ ຈະ​ຫລອກ​​ໃຫ້​ຜູ້​ໃຊ້​ໂຫລ​ດ​ໄຟ​ລ໌ຕິດຕັ້ງໜຶ່ງ (.exe) ​​ແບບ​ບໍ່​ຮູ້​ຕົວ, ຈາກ​ນັ້ນຈະ​ມີ​ການ​ປ່ຽນ​ແປງ​ການ​ຕັ້ງຄ່າ​ບາງ​ຢ່າງ​ພາຍ​ໃນ​ຄອມ​ຂອງ​ເຮົາ, ຖ້າ​ໄວຣັສນີ້​ຝັງ​ລະຫັດ​ໄຟ​ລ໌ຂໍ້​ມູນ​ຕ່າງໆ​ພາຍ​ໃນ​ເຄື່ອງ ​ເຮັດ​ໃຫ້​ເຮົາ​ບໍ່​ສາມາດ​ເຂົ້າ​ເຖິງ ຫລື ​ເອີ້ນ​ໄຟ​ລ໌ຂໍ້​ມູນ​ເຫລົ່ານັ້ນ​ໄດ້ ຖ້າ​ຢາກ​ໄດ້​ລະຫັດ​ຕ້ອງ​ຈ່າຍ​ເງິນ​ ​ໂດຍ​ບໍ່​ຮູ້​ວ່າ​ຈະ​​ໄດ້​ລະຫັດ​ ຫລື ບໍ່. ດັ່ງນັ້ນ ​ຈຶ່ງ​ຖືກ​ຈັດ​ວ່າ​ເປັນ ມັລ​ແວຣ໌ອັນຕະລາຍ​ທີ່​ສຸດ​ໃນ​ປັດຈຸບັນ.

 

 

+ ລະວັງໄພໂຈມຕີໄຊເບີ

+ ນັກວິໄຈອັງກິດປົດສະນວນມັລແວຣ໌ເອີ້ນຄ່າໄຖ່ຢຸດການແຜ່ລະບາດທົ່ວໂລກ

+ Ransomware WannaCry ການໂຈມຕີເທື່ອທີສອງອາດກັບມາອີກ

 

ກ່ອນ​ໜ້າ​ນີ້​ດ ຫລາຍ​ຄົນ​ອາດ​ພົບ​ບັນຫາ CryptoLocker ມາ​ແລ້ວ, ​ແຕ່​ຕອນ​ນີ້ WannaCrypt (ອີກ​ຫລາຍ​ໆ​ຊື່​ຄື WannaCry, WanaCrypt0r, Wana Decrypt0r 2.0) ມັລ​ແວຣ໌ ຫລື Ransomware ຊະນິດ​ໜຶ່ງ ທີ່​ຖືກ​ພັດທະນາ​ໂດຍ​ເຄື່ອງມື​ທີ່​ມີ​ພະລັງ​ຈາກ NSA (ສຳນັກງານ​ຄວາມ​ໝັ້ນຄົງ​ແຫ່​ງອາ​ເມ​ລິ​ກາ) ຫລື ​ເອີ້ນ​ວ່າ: “EternalBlue” ​ເຊິ່ງ​ເຄື່ອງມື​ນີ້​ຖືກ​ລັກ​ໂດຍ​ກຸ່ມ​ເຈາະ​ຂໍ້​ມູນ The Shadow Broker, ພາຍຫລັງ​ລັກ​ໄປ​ແລ້ວ​ໄດ້​ນຳ​ມາ​ແຈກ​ຢາຍ​ຕໍ່​ສາທາລະນະ ຈົນ​ມີ​ຜູ້​ເຈາະ​ຂໍ້​ມູນ​ (ຝ່າຍ​ບໍ່​ດີ) ກຸ່ມ​ໃດ​ກຸ່ມ​ໜຶ່ງ ​ໄດ້​ເອົາ​ເຄື່ອງມື​ນີ້​ໄປ​ພັດທະນາ​ເປັນ​ມັລ​ແວຣ໌​ເອີ້ນ​ຄ່າ​ໄຖ່ ພາຍ​ໃຕ້​ຊື່ WannaCrypt. ​​ໃນ​ໄລຍະ​ເວລາ​ບໍ່​ດົນ ມັລ​ແວຣ໌​ໄດ້​ລະບາດ​ໜັກ​ໄປ​ທົ່ວ​ໂລກ, ​ເຖິງ​ວ່າ Microsoft ຈະ​ອອກ​ມາ​ປ້ອງ​ກັນ​ກ່ອນ​ໜ້າ, ​ແຕ່​ຍັງ​ມີ​ຜູ້​ໃຊ້​ທີ່​ບໍ່​ຮູ້​ວ່າ​ໃຊ້ Windows ​ເຖື່ອນ ຫລື ບໍ່​ໄດ້​ອັບ​ເດດ​ລະບົບ ຖືກ​ມັລ​ແວຣ໌ຈັດການ.

ພຶດຕິ​ກຳ​ຂອງ​ມັລ​ແວຣ໌ຮູ​ບ​ແບບ​ນີ້ ຈະ​ຫລອກ​ລວງ​ໃຫ້​ດາວ​ໂຫລ​ດ​ໄຟ​ລ໌ຕິດຕັ້ງຂອງ​ມັນ ​ເຊິ່ງມັກ​ຈະ​ແນບ​ມາ​ກັບ E-mail ຫລື ຕາມ​ເວັບ​ດາວ​ໂຫລ​ດ​ໄຟ​ລ໌​ໂຄສະນາ​ອື່ນໆ, ​ເມື່ອ​ເຮົາ​ຄລິກຕິດຕັ້ງ ກໍ​ຈະ​ຖືກ​ມັລ​​ແວຣ໌ຝັງ​ລົງ​ໃນ​ຄອມ​ພິວ​ເຕີ​ທັນທີ,ຈາກ​ນັ້ນທຸກ​ໄຟ​ລ໌​ໃນ​ຄອມ​ທີ່​ມີນາ​ມສະກຸນ​ໄຟລ໌ກົງ​ຕາມ​ກຸ່ມ​ເປົ້າໝາຍ​ຈະ​ຖືກ​ເຂົ້າລະຫັດ​ເຮັ​ດ​ໃຫ້​ບໍ່​ສາມາດ​ເປີດ​ໃຊ້​​ໄດ້​ຕາມ​ປົກກະຕິ (​ໄຟ​ລ໌ທີ່​ຖືກ​ຈະ​ມີນາ​ມສະກຸນ​ໄຟ​ລ໌​ເປັນ .WNCRY). ຈາກ​ນັ້ນຈະ​ຂຶ້ນໜ້າ​​ໃໝ່​ປະນາມ​ວ່າ “​ໄຟ​ລ໌ຂອງ​ເຈົ້າຖືກ​ເຂົ້າລະຫັດ ຖ້າ​ຢາກ​ໄດ້​ໄຟ​ລ໌ຄືນ ​ກະລຸນາ​ໂອນ​ເງິນ​ມາ” (ສູດ​ດຽວ​ກັບ CryptoLocker). ການ​ຊຳລະ​ເງິນ​ຈະ​ເປັນ​ແບບ Bitcoin ​ເຊິ່ງຈະ​ມີ​ລາຄາ​ສູງ​ເຖິງ 300-600 ​ໂດ​ລາ​ສະຫະລັດ. ຕໍ່​ໄປມາ​ເບິ່ງ​ວິທີ​ປ້ອງ​ກັນ ​ແລະ ບັນ​ເທົາ​:

 

1. Backup ຂໍ້​ມູນ​ສຳຄັນ:

- 003 1 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

​ເປັນ​ພື້ນຖານ​ສຳຄັນ​ສຳລັບ​ຄົນ​ຍຸກ​ນີ້ ຕ້ອງ​ໝັ່ນ​ສຳຮອງ​ຂໍ້​ມູນ​ໄວ້​ຕະຫລອດ​ເວລາ ບໍ່​ພຽງ​ແຕ່​ສະ​ເພາະ​ອົງການ​ໃຫຍ່ໆ​ເທົ່າ​ນັ້ນ ຄົນ​ທົ່ວ​ໄປ​ອາດ​ມີ​ໂອກາດ​ໄດ້​ເຊັ່ນ​ກັນ. ດັ່ງນັ້ນ ຄວນ​ຈະ​ມີ​ກິດຈະກຳ​ໃໝ່ ຄື​ການ​ສຳຮອງ​ຂໍ້​ມູນ​ສຳຄັນ​​ໄວ້​ສະ​ເໝີ ​ແລະ ຈະ​ສຳຮອງ​ຂໍ້​ມູນ​ແນວ​ໃດ, ພວກ​ເຮົາ​ຂໍ​ສະ​ເໜີ “The 3-2-1 Backup Rule” ຫລື ກົດ 3-2-1. ໝາຍ​ວ່າ: ການ​ເກັບ​ສຳຮອງ​ຂໍ້​ມູນ​ໄວ້​ຢ່າງ​ໜ້ອຍ 3 ຊຸດ ສອງ​ຊຸດ​ທຳ​ອິດ​ຄື​ເກັບ​ໄວ້​ຊື່​ບັນທຶກ 2 ຊຸດ​ທີ່​ແຕກ​ຕ່າງ​ກັນ ​ເຊິ່ງຈະ​ໃຊ້​ການ​ສຳຮອງ​ຂໍ້​ມູນ​ຈາກ​ຄອມ​ພິວ​ເຕີ​ເປ​ັນຫລັກ ຄື​ການ​ໃຊ້​ຟີ​ເຈີຣ໌ Windows Backup and Restore ທີ່​ຈະ​ມີ​ຢູ່​ໃນ​ລະບົບ​ລຸ້ນປັດຈຸບັນ ທັງ Win 7 ​ແລະ Win 8 ຫລື ອາດ​ຈະ​ສຳຮອງ​ຂໍ້​ມູນ​ໂດຍ​ໃຊ້ Raid 1 ຈະ​ຕ້ອງ​ໃຊ້ ຮາດດິດ 2 ອັນ​ຂຶ້ນ​ໄປ ​ແລະ ສຸດ​ທ້າຍ ການ​ສຳຮອງ​ຂໍ້​ມູນ​ໄວ້​ໃນ Cloud Store ​ເປັນຕົ້ນ. ຊຸດ​ສຸດ​ທ້າຍ​ຄື​ການ​ເກ​ັບ​ໄຟ​ລ໌ Backup ​ໄວ້​ໃນ​ອຸປະກອນ​ພາຍ​ນອກ​ທີ່​ບໍ່​ຕ້ອງ​ສຽບ​ຄາ​ເຄື່ອງຄື Extranal Harddisk ​ເຊິ່ງ​ເປັນ​ແຫ​ລ່ງບັນທຶກ​ຂໍ້​ມູນ​ສຸດ​ທ້າຍ ຖ້າ​ເກີດ​ກໍລະນີ​ບໍ່​ຄາດ​ຄິດ.

 

2. ຫລີກ​ເວັ້ນການ​ເປີດ E-Mail ​ແປກໆ:

- 004 1 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

ສຳລັບ​ໃຜ​ທີ່​ມີ​ຄວາມ​ຈຳ​ເປັນ​ຈະ​ຕ້ອງ​ໃຊ້ E-mail ​ໃນ​ການ​ຕິດ​ຕໍ່ ຫລື ​ເຮັດ​ວຽກ​ເປັນ​ປະຈຳ ອາດ​ມີ​ທ່າ​ອ່ຽງຖືກ​ໂຈມ​ຕີ​ຈາກ​ມັລ​ແວຣ໌​​ໄດ້. ​ແຫ​ລ່ງ​ແຜ່​ກະຈາຍ​ຕົ້ນຕໍ​ຂອງ​ມັລ​ແວຣ໌ຊະນິດ​ນີ້ ອັນ​ດັບ​ຕົ້ນໆ​ຄື​ການ​ຫລອກ​ໃຫ້​ຄລິກ​ໄຟ​ລ໌​ແນບ​ຈາກ​ໃນ E-mail. ວິທີ​ປ້ອງ​ກັນ ຄື​ຖ້າ​ພົບ​ເມລທີ່​ສົງ​ໄສ ຄວນ​ກວດ​ສອບ​ຫາ​ແຫ​ລ່ງທີ່​ມາ​ຂອງ​ເມລກ່ອນ​ເປັນອັນ​ດັບ​ທຳ​ອິດ ​ໂດຍ​ເບິ່ງ​ຈາກ​ຊື່​ຜູ້​ສົ່ງ ​ແລະ ​ເນື້ອ​ໃນ, ​ໃຫ້​ເບິ່ງ​ວ່າ​ກ່ຽວຂ້ອງ​ກັບ​ວຽກ​ທີ່​ເຮົາ​ເຮັດ​ຢູ່ ຫລື ບໍ່. ອາດ​ຈະ​​ແບ່ງ​ອອກ​ເປັນ​ສອງ​ປະ​ເທດ ຄື​ມາ​ໃນ​ຮູບ​ແບບ​ໄຟ​ລ໌ທີ່​ມີ​ການ​ອັດ Zip ​ເອົາ​ໄວ້ ຕ້ອງ​ຄິດ​ຕຶກ​ຕອງ​ພໍ​ສົມຄວນ ​ໃຫ້​ເບິ່ງ​ລາຍ​ລະອຽດ​ຂອງ​ເມ​ລກ່ອນ​ວ່າ​ໄປ​ເມ​ລໜ້າ​ສົງ​ສົງ​ບໍ່. ​ສອງ​ຄື​ມີ​ການ​ແນບ​ລິງຄ໌ URL ມາ​ໃຫ້​ນຳ ກ່ອນ​ຄລິກລິງຄ໌​ໃຫ້​ເອົາ​ເມົາ​ສ໌​ໄປ​ຊີ້​ໃສ່ (ຢ່າ​ຟ້າວ​ຄລິກ​ເດັດຂາດ) ຄ້າງ​ໄວ້ ​ແລ້ວ​ສັງ​ເກດ​ລາຍ​ລະອຽດ​ຂອງ URL ທີ່​ສະ​ແດງ​ຢູ່​ບໍລິ​ເວນ​​ເບື້ອງຊ້າຍ​ທາງ​ລຸ່ມ​ວ່າ ມັນ​ພາ​ເຮົາ​ໄປ​ໃສ ຖ້າ​ເປັນ​ເວັບ​ແປກໆ​ໃຫ້​ຫລີກ​ເວັ້ນ. ຖ້າ​ມີ​ຄຳ​ວ່າ .exe ລົງທ້າຍ ​ໃຫ້​ລຶບ​ຖິ້ມ​ເລີຍ.

 

3. ໃສ່​ບຸ໊ກມາຣ໌ດສຳລັບ​ເວັບ​ໄຊ​ທີ່​ເຮົາ​ມັກ:

 

- 005 1 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

ມັລ​ແວຣ໌​ເອີ້ນ​ຄ່າ​ໄຖ່​ມີ​ການ​ພັດທະນາ​ເລື້ອຍໆ ຈົນ​ເຖິງ​ຂັ້ນມີ​ຜູ້​ສ້າງ​ບາງ​ຄົນ​ຍອມ​ຊື້ພື້ນທີ່​ໂຄສະນາ ​ເພື່ອ​ກະຈາຍ​ມັລ​ແວຣ໌​ໂດຍ​ສະ​ເພາະ. ສຳລັບ​ຂໍ້​​ແນະນຳ​ນີ້​ຢືນຢັນ​ໄດ້​ວ່າ ຢ່າ​ເຂົ້າ​ເວັບ​ໄຊ​ແປກໆ​ທີ່​ເຮົາ​ບໍ່​ຮູ້ຈັກ ​ໂດຍ​ສະ​ເພາ​ະ​ເວັບ​ໄຊ​ໂຫລ​ດ​ໄຟ​ລ໌ຂອງ​ສາກົນ, ພຽງ​ແຕ່​ເຂົ້າ​ໄປ​​ເບິ່ງ​ມັນ​ກໍ​ຈະ​ໂຫລ​ດ​ໄຟ​ລ໌ .exe ລົງ​ຄອມ​ອັດ​ຕະ​ໂນ​ມັດ​ທັນທີ, ​ຢ່າ​ຄລິກຕິດຕັ້ງ​ເດັດຂາດ. ຖ້າມີ​ເວັບ​ໄຊ​ທີ່​ເຂົ້າປະຈຳ ​ແລະ ​ເຊື່ອ​ຖື​ໄດ້​ໃຫ້​ບັນທຶກ​ໄວ້​ໃນ “ບຸ໊ກມາຣ໌ດ” ​ແລະ ຈາກນີ້​ເວລາ​ຈະ​ເຂົ້າ​ເວັບ​ໄຊ​ຕ່າງໆ​ໃຫ້​ເຂົ້າຜ່ານ​ທາງ​ບຸ໊ກມາຣ໌ດ​ເທົ່າ​ນັ້ນ ຈະ​​ເປັນ​ການ​ຫລີກ​ເວັ້ນຖືກ​ຫລອກ​ໃຫ້​ຄລິກ URL ອັນຕະລາຍ​ຈາກ​ຜູ້​ສ້າງ​ມັລ​ແວຣ໌​ເອີ້ນ​ຄ່າ​ໄຖ່​ໄດ້​ລະດັບ​ໜຶ່ງ.

- Wave100S AD to Website 2020 0 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

4. ກຳນົດ Read Only ​ໃຫ້​​ໄຟ​ລ໌ທີ່​ສຳຄັນ

- 006 2 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

ພາຍຫລັງ​ມັລ​ແວຣ໌​ເອີ້ນ​ຄ່າ​ໄຖ່​ສະ​ແກນ​ພົບ​ໄຟ​ລ໌ທີ່​ຕ້ອງການ​ແລ້ວ ຈະ​ແກ້​ໄຂ​ໄຟ​ລ໌ຂໍ້​ມູນ​ ​ແລະ ​ໃສ່​ລະຫັດ​ເຂົ້າ​ໄປ ​ເຮັ​ດ​ໃຫ້​ບໍ່​ສາມາດ​ເຂົ້າ​ເຖິງ​ໄຟ​ລ໌​ໄດ້. ດັ່ງນັ້ນ ວິທີ​ປ້ອງ​ກັນ​ເບື້ອງຕົ້ນ ​ໃຫ້​ຊອກ​ຫາ​ໄຟ​ລ໌ຂໍ້​ມູນ​ທີ່​ສຳຄັນ ​ໂດຍ​ສະ​ເພາະ​ໄຟ​ລ໌​ເອກະສານ​ທີ່​ມັກ​ຈະ​ເປັນ​ເປົ້າໝາຍ​ສຳຄັນ​ໃຫ້​ປ່ຽນ​ເປັນ “Read Only”. ວິທີ​ເຮັດ​ຄື​ໃຫ້​ຄລິກຂວາ​ໃສ່​​ໄຟ​ລ໌ ຫລື ​ໂຟລ​ເດີຣ໌ ​ແລ້ວ​ໃຫ້​ເລືອກ​ໄປ​ທີ່ Porperties ທີ່ຢູ່​ເບື້ອງລຸ່ມ​ສຸດ ຈາກ​ນັ້ນ​ໃຫ້​ຕິກ​ຖືກ​ໃສ່​ຊ່ອງ Read Only ​ແລ້ວ​ກົດ OK ​ເທົ່າ​ນີ້​​ໄຟ​ລ໌ຂໍ້​ມູນ​ກໍ​ຈະ​ຖືກ​ເຮັດ​ໃຫ້​ອ່ານ​ໄດ້​ພຽງ​ຢ່າງ​ດຽວ ບໍ່​ສາມາດ​ແກ້​ໄຂ​ໄດ້ ​ເຊິ່ງຈະ​ຊ່ວຍ​ໃຫ້​ຫລຸດ​ຕໍ່​ການ​ຖືກ​ຈັບ​ເປັນ​ຕົວ​ປະກັນ​ໄດ້. ທັງ​ນີ້ ຖ້າ​ມີ​ການ​ແຊຣ໌ຂໍ້​ມູນ​ຮ່ວມ​ກັນ​ຜ່ານ​ລະບົບ​ເຄືອ​ຂ່າຍ ຄວນ​ມີ​ການ​ກຳນົດ​ສິດ​ໃນ​ການ​ເຂົ້າ​ເຖິງ​ຂໍ້​ມູນ​ຂອງ​ຜູ້​ໃຊ້ ອາດ​ຈະ​ຫຍຸ້ງຍາກ​ແຕ່​ກໍ​ດີກ​ວ່າ​ຖືກ​ມັລ​ແວຣ໌ຈັດການ.

 

5. ເຊັກ DNS ວ່າ​ກົງ​ກັບ ISP ທີ່​​ໃຊ້​ຢູ່ ຫລື ບໍ່:

- 007 1 696x404 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

ບາງ​ເທື່ອ​ມັລ​ແວຣ໌ອາດ​ຈະ​ມາ​ໃນ​ຮູບ​ແບບ​ໃໝ່ ຄື​ການຈມ​ຕີ​ເຈາະ​ຊ່ອງ​ຫວ່າງ​ຂອງ​ເວັບ​ບຣາວ​ເຊີຣ໌ ​ໂດຍ​ການ​ປ່ຽນ DNS ຂອງ​ຜູ້​ໃຫ້​ບໍລິການ​ອິນ​ເຕີ​ເນັດ (ISP) ​​ໄປ​ເປັນ​ແບບ​ອື່ນ​ໄດ້ ​ໂດຍ​ສາມາດ​ຫລອກ​ໃຫ້​​ເປີດ​ເວັບ​ໄຊ​ທີ່​ໜ້າ​ຕາ​ອາດ​ຈະ​ຄື​ເວັບ Google ຫລື ​ເວັບ​ທີ່​ຕ້ອງ​ມີ​ການ​ໃຊ້ Username ກັບ Psssword ​ໃນ​ການ​ເຂົ້າສູ່​ລະບົບ. ຖ້າ​ເຮົາ​ພິມ​ໃສ່​​ງານ​ເຂົ້າທັນທີ ຖ້າ​ເປັນ​ກໍລະນີ​ຂອງ​ມັລ​ແວ​ຣ໌​ເອີ້ນ​ຄ່າ​ໄຖ່ ພາຍຫລັງ​ທີ່​ເຈາະ DNS ​ແລ້ວ ຈະ​ສາມາດ​ໃສ່ URL ທີ່​ເປັນ​ລິງຄ໌​ໂຫລ​ດ ​ໂດຍ​ອາດ​ຈະ​ເປັນ Pop-Up ​ເດັ້ງຂຶ້ນມາ​ໄດ້ ​ເມື່ອ​ກົດ ​ແລະ ​ໂຫລ​ດ​ໄຟ​ລ໌ຈາກ URL ຄອມ​ມີ​ບັນຫາ​ແນ່ນອນ. ດັ່ງນັ້ນ ຈຶ່ງ​ຄວນ​ມີ​ການ​ເຊັກ DNS ວ່າ​ກົງ​ກັບ ISP ຫລື ບໍ່.​ ​

 

6. ອັບ​ເດດ​ໂປຣ​ແກຣມດ້ານ​ຄວາມ​ປອດ​ໄພ:

- 044 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

ຖ້າ​ມີ​ໂປຣ​ແກຣມດ້ານ​ຄວາມ​ປອດ​ໄພ ຫລື ​ເອີ້ນ​ກັນ​ວ່າ Anti Virus ​ເຊັ່ນ: Kaspersky, MalwareBytes, Norton, AVG ​ແລະ ອື່ນໆ ຕິດຕັ້ງ​ເອົາ​ໄວ້ ຟ້າວ​ອັບ​ເດດ​ໂປຣ​ແກຣມກ່ອນ, ຫລັງ​ອັບ​ເດດ​ແລ້ວ​ໃຫ້​ກົດ Full Scan.

 

7. ອັບ​ເດດ Windows Defender:

- 009 1 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່

 

ຂໍ້​ສຸດ​ທ້າຍ​ເປັນ​ວິທີ​ທີ່​ງ່າຍ ຄື​ອັບ​​ເດດ Windows Defender ​ເປັນ​ປະຈຳ ຈະ​ຊ່ວຍ​ເພີ່ມ​ການ​ປົກ​ປ້ອງ​ໄດ້.

 

     ວິທີ​ບັນ​ເທົາ​ພາຍຫລັງ​ຖືກ​ເອີ້ນ​ຄ່າ​ໄຖ່ດັ່ງ​ນີ້:

1. ໃຊ້ System Restore ກູ້​ຂໍ້​ມູນ​ໄຟ​ລ໌ ​ແຕ່​ວິທີ​ນີ້​ອາດ​ບໍ່​ໄດ້ຜົນ​ຕະຫລອດ ​ເພາະ​ມັລ​ແວຣ໌ປະ​ເພດ​ນີ້ ນັບ​ມື້ນັບ​ເກັ່ງ​ຂຶ້ນ ສາມາດ​ຫລົບ​ຫລີກ system recovery point ຂອງ​ລະບົບ​ໄດ້ ​ເຮັດ​ໃຫ້​ຟີ​ເຈີຣ໌ນີ້​ກາຍ​ເປ​ັນໝັ້ນທັນທີ.

2. ຕິດ​ຕໍ່​ຂໍ​ການ​ຊ່ວຍ​ເຫລືອ​ຈາກ​ຜູ້​ຊ່ຽວຊານ ຖ້າ​ມັລ​ແວຣ໌​ເຂົ້າ​ໄປ​ແລ້ວ ຄວນ​ປິດ​ອິນ​ເຕີ​ເນັດ​ກ່ອນ ຈາກ​ນັ້ນ​ໃຫ້​ດຶງ​ອຸປະກອນ​ເກັບ​ຂໍ້​ມູນ​​ໃຫ້​ໄວ ​ແລ້ວ​ໃຫ້​ແຈ້ງ​ເຈົ້າໜ້າ​ທີ່​ທາງ​ເຕັກນິກ ​ເພື່ອ​ຂໍ​ການ​ຊ່ວຍ​ເຫລືອ ຫລື ຄຳ​ປຶກສາ​ເບື້ອງຕົ້ນ.

3. Format ລ້າງ​ເຄື່ອງ​ ຖື​ເປັນ​ວິທີ​ສຸດ​ທ້າ​ຍຖ້າ​ວິທີ​ອື່ນ​ບໍ່​ໄດ້ຜົນ, ​ແຕ່​ບາງ​ສ່ວນ​ຊ່ວຍ​ບໍ່​ທັນ ຫລື ​ເຫລືອ​ຄ້າງ​ໄວ້ ​ໃຫ້​ເອົາ​ໄຟ​ລ໌ທີ່​ກູ້​ໄດ້ມາ​ເກັບ​ໄວ້​ໃນ​ສື່​ບັນທຶກ​ຂໍ້​ມູນ​ອື່ນ​ກ່ອນ ຈາກ​ນັ້ນກໍ​ລ້າງ​ຄອມ​ພິວ​ເຕີ.

ສຳລັບ​ວິທີ​​ແກ້​ໄຂ​ທັງ​ໝົດ​ນີ້​ອາດ​ຊ່ວຍ​ໄດ້​ບໍ່​ຮອດ 100% ​ເພາະ​ມັລ​ແວຣ໌ ຫລື Ransomware ປະ​ເພດ​ນີ້ ຖື​ເປັນ​ໄພ​ຄຸກ​ຄາມ​ໃນ​ໂລກ​ໄຊ​ເບີ​ອັນ​ຕະລາຍ​ທີ່​ສຸດ ​ເພາະ​ມີ​ຜູ້​ເຈາະ​ຂໍ້​ມູນ​ຫລາຍ​ກຸ່ມ​ມາ​ພັດທະນາ​ຕໍ່ ຈົນ​ມີ​ຄວາມ​ສະຫລາດ ສາມາດ​ຮັບ​ມື​ຕໍ່​ການ​ແກ້​ໄຂ​ໄດ້​​ເກືອບ​ທຸກ​ຮູບ​ແບບ. ດັ່ງນັ້ນ ​ໃຜ​ທີ່​ຍັງ​ບໍ່​ຕິດ​ມັລ​ແວຣ໌ຊະນິດ​ນີ້ ​ໃຫ້​ອ່ານ​ວິທີ​ປ້ອງ​ກັນ​ໃຫ້​ດີ ​ເຊິ່ງຖື​ເປັນ​ການ​ຮັບ​ມື​ດີ​ທີ່​ສຸດ ​ເພາະ​ຖ້າ​ຕິດ​ແລ້ວ​ຈະ​ແກ້​ໄຂ​ລຳບາກ.

- WhatsApp Image 2020 05 27 at 5 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່
- WhatsApp Image 2020 05 27 at 5 - 7 ວິທີຮັບມື ແລະ ບັນເທົາ Ransomware ມັລແວຣ໌ເອີ້ນຄ່າໄຖ່
error: Alert: ເນື້ອຫາຂ່າວມີລິຂະສິດ !!