ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ

ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ - 44444714114 - ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ
ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ - Untitled design - ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ

ໂດຍ: ຈານແຫຍ່

ມື້ກ່ອນໄດ້ອ່ານ ຄໍລຳ “ໂລກໜ້າຮູ້” ຢູ່ໜັງສືພິມ ວຽງຈັນໃໝ່ ເລື່ອງເຮືອມັງ ກອນຍາວທີ່ສຸດໃນໂລກ ຂອງ ກຳປູເຈຍ ເຊິ່ງມີລາຍ ລະອຽດວ່າ ເປັນເຮືອທີ່ເຮັດ ດ້ວຍໄມ້ເນື້ອດີສອງຕົ້ນເອົາ ມາຕໍ່ໃສ່ກັນແລ້ວໃຊ້ກຳມະ ວິທີເຈາະ-ຄວັດຕາມແບບ ສະບັບ ບູຮານ ຈົນກາຍເປັນ ເຮືອ ມັງກອນທີ່ມີຄວາມຍາວ 87,3 ແມັດ, ກວ້າງ 1,94 ແມັດ, ເປັນເຮືອຊ່ວງສືບສານ ຕຳນານຢ້ອນຍຸກທີ່ ບັນຈຸສີ ພາຍໄດ້ເຖິງ 179 ຄົນ. ມູນຄ່າ ການຜະລິດເຮືອລຳນີ້ ສູງເຖິງ 60 ພັນໂດລາສະຫະລັດ.

 

ຕວກກີເປີດສະໜາມບິນໃໝ່ ຫວັງຂຶ້ນແທ່ນໃຫຍ່ທີ່ສຸດໃນໂລກ2018/

ອິນເດຍເປີດໂຄງການ ປະກັນສຸຂະພາບໃຫຍ່ທີ່ສຸດໃນໂລກ2018/

ສິ່ງທີ່ຜູ້ຂຽນສົນໃຈແຮງ ກໍແມ່ນເລື່ອງກຳມະວິທີການສ້າງເຮືອລຳນີ້ ໃຫ້ປານີດງາມ ຕາມີຄຸນຄ່າທາງປະຫວັດ ສາດເພາະໄດ້ແກະກ່າຍຮູບ ແບບມາຈາກສະຖາປະຕິ ຍະກຳຂອງອັງກໍວັດ.

ພໍເຮືອມັງກອນທັງ ໃຫຍ່ ທັງຍາວລຳນີ້ອອກມາ, ປຶ້ມ ກິນເນສ ຫລື “Ginness book of world Records” ກໍໄດ້ຂຶ້ນບັນຊີວ່າ ເປັນເຮືອໄມ້ເຮັດດ້ວຍມືຄົນ (Hand-made) ທີ່ຍາວ ທີ່ສຸດ ໃນໂລກລື່ນເຮືອມັງກອນຈີນທີ່ຍາວ 77,8 ແມັດ ທີ່ຄອງແຊ້ມໂລກມາກ່ອນ ດ້ານຂະໜາດ. ທີ່ຕ້ອງຍົກ ເອົາເລື່ອງເຮືອມັງກອນ ກຳປູເຈຍ ມາເວົ້ານັ້ນ ກໍເພາະ ມັນເປັນຈຸດສຳຄັນໜຶ່ງໃນ ຍຸດທະສາດການດຶງດູດນັກ ທ່ອງທ່ຽວເຂົ້າກຳປູເຈຍໃຫ້ ຫລາຍຂຶ້ນ.

ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ - Wave100S AD to Website 2020 0 - ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ

ນອກຈາກຈະອາ ໄສແຕ່ ເລື່ອງວັດທະນະທຳປະຫວັດສາດ ແລະ ຄວາມສວຍງາມ ທາງທຳມະຊາດ ເຊິ່ງກຳປູ ເຈຍ ບໍ່ນ້ອຍໜ້າໃຫ້ປະເທດ ອື່ນດີບໍ່ດີອາດມີແນວພິເສດ ລື່ນໝູ່ອີກເອົາແຕ່ຕົງເລສາບ ທີ່ເປັນທະເລນ້ຳຈືດທີ່ໃຫຍ່ ທີ່ສຸດໃນໂລກອັນດຽວກໍພໍ ແຮງແລ້ວ.

ພໍອ່ານເລື່ອງເຮືອມັງ ກອນສຸດ, ຜູ້ຂຽນກໍຕັ້ງຄຳ ຖາມ ໃຫ້ຕົນເອງຕອບວ່າ ມີຫຍັງ ບໍ່ພິເສດພິເສດ ຢູ່ ລາວເຮົາພໍ ໃຫ້ ກິນ ເນສ ບຸກ ບັນທຶກເຂົ້າປຶ້ມ “ຍອດສະ ຖິຕິ ທຸບໂລກ” ກ່ຽວກັບສິ່ງ ທີ່ຄົນລາວ-ສັງຄົມລາວປະ ດິດຄິດຄົ້ນຂຶ້ນ ດ້ວຍພູມປັນ ຍາທີ່ບໍ່ຄືໃຜ ແລະ ບໍ່ມີໃຜ ຄືຈົນສາມາດທຸບສະຖິຕິ ຂອງໂລກ.

ຜູ້ຂຽນວ່າ ຖ້າພວກເຮົາ ຕັ້ງໃຈແທ້ໆ ຄົງເຮັດໄດ້ເພາະ ປຶ້ມ ກິນ ເນສ ຮັບຂຶ້ນສະຖິຕິ ທຸກຢ່າງທີ່ເປັນ “ເລີດ” ເຊັ່ນ ຄົນເຕ້ຍ, ຕຸ້ຍ, ຈ່ອຍ, ສູງທີ່ສຸດ, ຄົນອາຍຸຢືນທີ່ສຸດ, ຄົນດື່ມ ນ້ຳໄດ້ຫລາຍທີ່ສຸດ, ຄົນມຸດ ນ້ຳໄດ້ເຍືອທີ່ສຸດ ແລະ ທີ່ ສຸດທີ່ສຸດໃນເລື່ອງຕ່າງໆ ຂໍ ແຕ່ໃຫ້ເປັນທີ່ສຸດ.

ມີເພື່ອນຄົນໜຶ່ງເວົ້າແກມສຽງຫົວກັບຜູ້ຂຽນວ່າຄົນ ລາວເຮົາຄວນແຂ່ງກິນໝາກ ເຜັດ… ຄົງບໍ່ມີຄົນປະເທດ ໃດສູ້ໄດ້. ແຕ່ຜູ້ຂຽນບອກ ວ່າມັນ ກໍບໍ່ແນ່ວ່າຈະສູ້ຄົນ ອິນເດຍ ແລະ ຄົນຢູ່ບາງ ປະເທດ ອາຟຣິກາ ເຊັ່ນຄົນ ການາ. ຂໍໃຫ້ເອົາເລື່ອງອື່ນ ດີກວ່າ.
ການທີ່ເຮົາສາມາດເຮັດອັນໃດອັນໜຶ່ງທີ່ສາມາດທຳ ລາຍສະຖິຕິໂລກນັ້ນມັນຈະ ກາຍເປັນແຮງດຶງດູດຄວາມສົນໃຈຂອງໂລກ. ບໍ່ເຊື່ອກໍ ລອງເບິ່ງວ່າ ບໍ່ດົນຄົນທັງ ໂລກຈະໂຢດກັນໄປເບິ່ງເຮືອມັງກອນ ກຳປູເຈຍ.

ດີແລ້ວທີ່ລາວເຮົາມີ ຫລວງພະບາງ ແລະ ວັດພູ ຈຳປາສັກ ເປັນມໍລະດົກໂລກ ຕໍ່ໄປກໍຄົງ ເປັນໄຫຫີນຊຽງ ຂວາງ, ພູຫີນໜາມໜໍ່ ແລະ ແຫ່ງອື່ນໆ. ຜູ້ຂຽນວ່າກໍດີຢູ່ ດອກທີ່ພວກເຮົາພັດທະນາ ການທ່ອງທ່ຽວທາງປະ ຫວັດສາດ, ວັດທະນະທຳ ແລະ ຄວາມງາມທາງ ທຳມະ ຊາດ. ແຕ່ເລື່ອງນີ້ປະເທດ ໃດເຂົາກໍເຮັດເຂົາກໍສົ່ງເສີມ, ດັ່ງນັ້ນຂໍໃຫ້ລອງເຮັດແນວ ແປກໆໃໝ່ໆເບິ່ງດູ.
ບ້ານເຮົາຄືມີແນວພິເສດຫລາຍແນວຢູ່ໜາພວກເຮົາ ຕ້ອງ “ເຢີກ” ຢ່າ “ຢຸດ” ຢູ່ກັບ ສິ່ງທີ່ ມີແລ້ວ!ຄົນລາວ ເຮົາ ອັນໃດ ກໍມີອັນໃດກໍເກ່ັງແຕ່ ບໍ່ຄ່ອຍເອົາຈິງເອົາຈັງຄັກ ແນ່ສຸດທ້າຍໝູ່ເລີຍເອົາໄປ ກິນກ່ອນ./.

ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ - 44444714114 - ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ
(ພາບປະກອບ)
ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ - WhatsApp Image 2020 05 27 at 5 - ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ
ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ - WhatsApp Image 2020 05 27 at 5 - ເກັ່ງແຕ່ບໍ່ເຢີກ ເງີກງາກ ບໍ່ທັນເຂົ້າ
error: Alert: ເນື້ອຫາຂ່າວມີລິຂະສິດ !!