ສສຊ ມີຄວາມເປັນຫວ່ງຕໍ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ

ສສຊ ມີຄວາມເປັນຫວ່ງຕໍ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ - advert banner 728 90 728x90 - ສສຊ ມີຄວາມເປັນຫວ່ງຕໍ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ

ໃນວາລະດໍາເນີນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ຄັ້ງວັນທີ 29 ພະຈິກນີ້, ໂດຍການເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ໂດຍທ່ານໄດ້ເນັ້ນຫຼາຍບັນຫາທີ່ສະມາຊິກສະພາແຫ່ງຊາດມີຄວາມເປັນຫ່ວງຕໍ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ ຕິດພັນກັບການພັດທະນາແບບຍືນຍົງ ເປັນຕົ້ນແມ່ນ: ຂໍສະເໜີໃຫ້ສືບຕໍ່ຈັດຕັ້ງຜັນຂະຫຍາຍບັນດານິຕິກໍາຕ່າງໆທີ່ໄດ້ວາງອອກແລ້ວນັ້ນ, ຈະແມ່ນເບື້ອງລັດຖະບານກໍດີ ຫຼື ເບື້ອງບັນດາມະຕິຈໍານວນໜຶ່ງທີ່ສະພາແຫ່ງຊາດໄດ້ວາງອອກ ກໍຂໍໃຫ້ສືບຕໍ່ຈັດຕັ້ງປະຕິບັດ ເພາະຜ່ານຈາກການລາຍງານມີບາງຈຸດ, ບາງຄາດໝາຍບໍ່ທັນໄດ້ສໍາເລັດຕາມແຜນທີ່ວາງອອກ. ສະນັ້ນ ຈຶ່ງຕ້ອງໄດ້ດໍາເນີນສືບຕໍ່ຊີ້ນໍາປະຕິບັດຕື່ມ. ນອກນີ້, ບັນດາ ສສຊ ຂໍໃຫ້ກວດກາຄືນບັນດາການກໍານົດຈຸດສຸມ ແລະ ຄາດໝາຍສູ້ຊົນຕ່າງໆ ເພາະຄວາມຮຽກຮ້ອງຕ້ອງການນັບມື້ສູງຂຶຶ້ນ ແຕ່ວ່າຄວາມສາມາດຕອບສະໜອງດ້ານງົບປະມານບໍ່ພໍ ​ແລະ ເອົາໃຈໃສ່ສືບຕໍ່ຜັນຂະຫຍາຍການຈັດຕັ້ງປະຕິບັດກົດໝາຍວ່າດ້ວຍການຈັດສັນພູມລໍາເນົາ ແລະ ອາຊີບທີ່ໝັ້ນຄົງ ຊຶ່ງໃນກອງປະຊຸມຄັ້ງນີ້ກໍຍັງຈະໄດ້ປຶກສາຫາລືກົດໝາຍວ່າດ້ວຍທີ່ດິນ ຊຶ່ງທັງໝົດນີ້ມັນຕິດພັນກັບການຈັດສັນອາຊີບຄົງທີ່ໃຫ້ປະຊາຊົນເຊັ່ນ: ການໂຮມບ້ານນ້ອຍເປັນບ້ານໃຫຍ່່, ການແກ້ໄຂຄວາມທຸກຍາກ ແລະ ການວາງມາດຕະຖານຕ່າງໆ ຕໍ່ກັບບັນຫາດັ່ງກ່າວໃຫ້ມີການຄົ້ນຄວ້າ ແລະ ກໍານົດນິຕິກໍາລະອຽດ. ພ້ອມນີ້, ຕ້ອງໄດ້ເພີ່ມທະວີການສຶກສາອົບຮົມປະຊາຊົນໃຫ້ມີສ່ວນຮ່ວມໃນວຽກງານແກ້ໄຂຄວາມທຸກຍາກ ແລະ ພັດຊະນາຊົນນະບົດ ບໍ່ພຽງແຕ່ເບື້ອງພັກ-ລັດ, ພາກປະຊາຊົນ, ພາກຜູ້ປະກອບການນັກທຸດລະກິດ ນັບທັງການດຶງດູດການລົງທຶນພາຍໃນ ແລະ ຕ່າງປະເທດ​ແມ່ນ​ມີຄວາມສໍາຄັນທີ່ສຸດ ແລະ ອີກບັນຫາໜຶ່ງທີ່ບັນດາຜູ້ແທນມີຄວາມເປັນຫ່ວງຫຼາຍ ຄືໃຫ້ເອົາໃຈໃສ່ຖອດຖອນບົດຮຽນ, ຂອດການປະສານສົມທົບລະຫວ່າງຂະແໜງການດ້ວຍກັນ, ການປັບປຸງບັນດາກົງຈັກທີ່ເສນາທິການເຮັດວຽກ ໂດຍສະເພາະແມ່ນຂອງຂະແໜງການກະສິກໍາ ເພາະໄດ້ຫັນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກໃຫ້ກັບກະຊວງກະສິກໍາ ແລະ ປ່າໄມ້ໂດຍພື້ນຖານ​ແລ້ວ, ສ່ວນຢູ່ຂັ້ນແຂວງ, ຂັ້ນເມືອງຍັງເປັນຂອດໜຶ່ງທີ່ຕ້ອງໄດ້ເອົາໃຈໃສ່ ເພາະເມືອງເປັນຜູ້ຕິດແທດກັບຮາກຖານບ້ານ ແລະ ປະຊາຊົນໂດຍກົງ. ພ້ອມ​ນີ້ ກໍ​ໃຫ້ເອົາໃຈໃສ່ຕື່ມກ່ຽວກັບການສ້າງສູນສະໜອງເຕັກນິກ, ແນວພັນ ຫຼື ສູນ ເພື່ອຝຶກອົບຮົມຄວາມຮູ້ສະຕິປັນຍາໃຫ້ແກ່ປະຊາຊົນໃນການທໍາມາຫາກິນໃຫ້ສອດຄ່ອງກັບທ່າແຮງ ​ແລະ ຄວາມອາດສາມາດບົ່ມຊ້ອນຂອງ​ຕົນ.

ສສຊ ມີຄວາມເປັນຫວ່ງຕໍ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ - 1 1 - ສສຊ ມີຄວາມເປັນຫວ່ງຕໍ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ
ສສຊ ມີຄວາມເປັນຫວ່ງຕໍ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ - Tiger Head 728x90 - ສສຊ ມີຄວາມເປັນຫວ່ງຕໍ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ
error: Content is protected !!