ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ

ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ - Year 2018 not along target - ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ
ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ - AGL banner - ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ

ຕາມການລາຍງານຂອງທ່ານ ບໍ່ແສງຄໍາ ວົງດາລາ ລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຕໍ່ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ທີ່ພວມດໍາເດີນຢູ່ໃນປັດຈຸບັນນີ້ ວ່າ: ປີ 2018 ຈະມີນັກທ່ອງທ່ຽວເຂົ້າມາທ່ຽວລາວ ປະມານ 4 ລ້ານຄົນ ຊຶ່ງຕໍ່າກວ່າເປົ້າໝາຍທີ່ສະພາແຫ່ງຊາດວາງໄວ້ຄື 5 ລ້ານຄົນ ນີ້ກໍຍ້ອນຫຼາຍສາເຫດ ຄື: ສະເພາະ 6 ເດືອນຕົ້ນປີນີ້ ຈໍານວນນັກທ່ອງທ່ຽວເຂົ້າມາທ່ຽວລາວ ປະມານ 2,1 ລ້ານກວ່າຄົນ, ຊຶ່ງທຽບໃສ່ໄລຍະດຽວກັນຂອງປີ 2017 ເພີ່ມຂຶ້ນປະມານ 6% ກໍເປັນຕົວເລກທີ່ໜ້າພາກພູມໃຈ ຍ້ອນຄວາມພະຍາຍາມປັບປຸງພື້ນຖານໂຄງລ່າງສະຖານທີ່ທ່ອງທ່ຽວຈໍານວນໜຶ່ງຄື: ເສັ້ນທາງເຂົ້າສູ່ແຫຼ່ງທ່ອງທ່ຽວ, ການປັບປຸງມາດຕະຖານຂອງໂຮງແຮມ, ບ້ານພັກ, ຮ້ານອາຫານຕ່າງໆ ຕາມມາດຕະຖານອາຊຽນ, ພ້ອມເລັ່ງຝຶກອົບຮົມພະນັກງານນໍາທ່ຽວ, ບໍລິສັດທ່ອງທ່ຽວ ແລະ ການຂົນສົ່ງນັກທ່ອງທ່ຽວຕ່າງໆ ກໍໄດ້ເຮັດຢ່າງຕໍ່ເນື່ອງ. ແຕ່ມາໄລຍະໜຶ່ງໄດ້ເກີດມີໄພພິບັດທາງທໍາມະຊາດ ຢ່າງຮ້າຍແຮງຢູ່ຫຼາຍແຂວງໃນຂອບເຂດທົ່ວປະເທດ ຊຶ່ງບັນຫາດັ່ງກ່າວໄດ້ສົ່ງຜົນກະທົບຕໍ່ການທ່ອງທ່ຽວຫຼາຍສົມຄວນ, ມາເຖິງເດືອນ ກັນຍາ ນີ້ ມີນັກທ່ອງທ່ຽວເຂົ້າມາທ່ຽວ ປະມານ 2,9 ລ້ານກວ່າຄົນ. ແຕ່ 3 ເດືອນທ້າຍປີນີ້ ຄາດວ່າຈະເພີ່ມຂຶ້ນປະມານ 4 ລ້ານຄົນ ແລະ ທຽບກັບຕົວເລກຂອງປີ 2016 ມີນັກທ່ອງທ່ຽວເຂົ້າມາທ່ຽວລາວຫຼາຍທີ່ສຸດ ປະມານ 4,9 ລ້ານຄົນ.

ສ່ວນສາເຫດທີ່ເຮັດໃຫ້ຈໍານວນນັກທ່ອງທ່ຽວຫຼຸດລົງ ແລະ ບໍ່ບັນລຸຕາມແຜນນັ້ນ, ມີທັງນອກຕົວ ແລະ ໃນຕົວຂອງມັນຄື: ສາເຫດນອກຕົວແມ່ນບັນຫາໄພພິບັດທໍາມະຊາດທີ່ຮ້າຍແຮງ, ສະພາບເສດຖະກິດຂອງໂລກ ຫຼຸດລົງມີຜົນກະທົບເຖິງການທ່ອງທ່ຽວທັງທົ່ວໂລກເວົ້າລວມ, ສ່ວນສະພາບໃນຕົວ ເປັນຕົ້ນແມ່ນບັນດາຂອດອໍານວຍຄວາມສະດວກໃນການພັດທະນາການທ່ອງທ່ຽວຍັງບໍ່ທັນແກ້ໄຂໄດ້ດີເທົ່າທີ່ຄວນ, ການພັດທະນາພື້ນຖານໂຄງລ່າງ ຖະໜົນຫົນທາງໄປສູ່ແຫຼ່ງທ່ອງທຽວຍັງມີລັກສະນະຊັກຊ້າ ຍ້ອນງົບປະມານບໍ່ພຽງພໍ, ການບໍລິການຂົນສົ່ງນັກທ່ອງທ່ຽວທາງອາດກາດມີຈໍານວນຈໍາກັດ, ການປັບປຸແຫຼ່ງທອງທ່ຽວຕ່າງໆຢູ່ບັນດາແຂວງຍັງຊັກຊ້າ ແລະ ການບໍລິການອໍານວຍຄວາມສະດວກຢູ່ໃນປະເທດເຮົາໃນການເຂົ້າ-ອອກເມືອງ ລວມທັງການອໍານວຍຄວາມສະດວກໄປທ່ຽວສະຖານທີ່ຕ່າງໆ ເຫັນວ່າຍັງມີຄວາມຊັກຊ້າຫຼາຍ ເຖິງວ່າຈະມີການປັບປຸງໃນໄລຍະຜ່ານມາ.

ທ່ານລັດຖະມົນຕີ ຖວທ ໃຫ້ຮູ້ຕື່ມວ່າ: ໃນປີ 2019 ຈະເປີດປີທ່ອງທ່ຽວລາວ-ຈີນ ຊຶ່ງຈະຊ່ວຍໃຫ້ນັກທ່ອງທ່ຽວຈີນເຂົ້າມາທ່ຽວລາວເພີ່ມຂຶ້ນຈາກ 4 ແສນກວ່າຄົນໃນຜ່ານມາ ຊຶ່ງຈະເຮັດໃຫ້ຕົວເລກນັກທ່ອງທ່ຽວເຂົ້າມາທ່ຽວລາວທັງໝົດບໍ່ຕໍ່າກວ່າ 5 ລ້ານຄົນ.

ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ - Wave100S AD to Website 2020 0 - ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ
ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ -    AD conten website - ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ
ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ - lattana banner 1 - ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ
ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ - lattana banner - ຈໍານວນນັກທ່ອງທ່ຽວເຂົ້າມາທ່ຽວລາວປີ 2018 ບໍ່ບັນລຸຕາມເປົ້າໝາຍໄດ້ຍ້ອນຫຼາຍສາເຫດ
error: Alert: ເນື້ອຫາຂ່າວມີລິຂະສິດ !!