ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ

ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ - 022811 2018 - ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ
ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ - Untitled design - ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ
  1. ເລືອກກິນໃຫ້ຫລາຍຂຶ້ນ, ຄວບຄຸມແປ້ງ, ໄຂມັນ ແລະ ນຳ້ຕານ : ຄວນປັບປ່ຽນພຶດຕິກຳການກິນ ເລືອກກິນໃຫ້ຫລາຍຂຶ້ນ ເຊັ່ນ : ກິນຊີ້ນສັດພາກສ່ວນທີ່ບໍ່ມີໄຂມັນ, ຫລີກເວັ້ນພາກສ່ວນທີ່ເປັນໜັງ, ງົດກິນເຄັມ, ອາຫານມັນ, ອາຫານຈືນ ແລະ ປ່ຽນມາ ກິນອາຫານທີ່ໃຊ້ວິທີປຸງແຕ່ງໂດຍການຕົ້ມ ຫລື ໜຶ້ງແທນ ລວມໄປເຖິງຈຳກັດປະລິມານການກິນອາຫານທີ່ອຸດົມໄປດ້ວຍແປ້ງ, ໄຂມັນ ແລະ ນຳ້ຕານ. ສິ່ງສຳຄັນຄວນກິນອາຫານຫລັກໃຫ້ຄົບ 3 ຄາບ ໂດຍມີຜັກ – ໝາກໄມ້ທຸກມື້ ແລະ ຖ້າດື່ມນົມເປັນປະຈຳ ຄວນເລືອກນົມລົດຊາດທຳມະຊາດ ຊະນິດພ່ອງໄຂມັນ ຫລື ໄຂມັນ 0% ຫລີກເວັ້ນນົມທີ່ມີລົດຊາດຫວານ ເຊັ່ນ : ມີສ່ວນປະສົມຂອງຊັອກໂກແລັດ, ສະຕໍເບີຣີ ເປັນຕົ້ນ.
  2. ກິນເຂົ້າເທົ່າກັບຊີ້ນ, ກິນຜັກຫລາຍກ່ວາເຂົ້າ : ການກິນແບບ 2 – 1 – 1 ໃນ 1 ຄາບ (ຜັກ 2 ສ່ວນ, ຄາໂບໄຮເດຣດ 1 ສ່ວນ, ໂປຣຕິນ 1 ສ່ວນ, ໝາກໄມ້ 1 ສ່ວນ) ຈະໃຫ້ພະລັງງານປະມານ 400 ກິໂລກາລໍຣີ ຊ່ວຍຫລຸດພະລັງງານໃນແຕ່ລະມື້ລົງໄດ້ 500 ກິໂລກາລໍຣີ ໃນ 1 ອາທິດ ສາມາດຫລຸດນຳ້ໜັກລົງໄດ້ເຄິ່ງກິໂລ. ນອກຈາກນີ້ການກິນແບບນີ້ຈະໄດ້ປະລິມານຜັກໃນ 1 ຄາບ 100 – 200 ກຣາມ ແລະ ຫາກກິນ 3 ຄາບຄຽງຄູ່ກັບໝາກໄມ້ ຈະໄດ້ຮັບປະລິມານລວມບໍ່ໜ້ອຍກ່ວາ 400 ກິໂລກຣາມ ເຊິ່ງຈະຊ່ວຍຫລຸດຄວາມສ່ຽງຕໍ່ການເກີດພະຍາດບໍ່ຕິດຕໍ່ຊຳ້ເຮື້ອໄດ້. ແນວໃດກໍຕາມຄວນມີກິດຈະກຳທາງກາຍຮ່ວມນຳຈະຊ່ວຍຫລຸດພຸງໄດ້ໄວຂຶ້ນ.
  3. ອອກກຳລັງກາຍຄຽງຄູ່ : ຄວນອອກກຳລັງກາຍ ຫລື ເຄື່ອນໄຫວຮ່າງກາຍຢ່າງໜ້ອຍມື້ລະ 30 ນາທີ ໂດຍປະສານການອອກກຳລັງກາຍທັງ 3 ແບບເຂົ້າກັນ ຄື ຄາດິໂອ, ການໃຊ້ແຮງຕ້ານ ແລະ ການຍືດເສັ້ນຍືດເອັນ ເຊິ່ງສຳລັບຄາດິໂອຈະເນັ້ນການເຄື່ອນໄຫວຮ່າງກາຍເປັນຫລັກ. ສ່ວນແຮງຕ້ານຈະເປັນການໃຊ້ກ້າມຊີ້ນພາກສ່ວນຕ່າງໆຂອງຮ່າງກາຍ ເຊັ່ນ : ກົກແຂນ, ກົກຂາ, ບ່າໄຫລ່, ໜ້າທ້ອງ, ໜ້າເອິກ ເກັງໂດຍໃຊ້ນຳ້ໜັກ ແລະ ແຮງດຶງຖ່ວງໂຕຂອງໂຕເອງ ເຊັ້ນ : ບໍດີ້ເວດ, ເວດເທຣນນິ້ງ ເປັນຕົ້ນ. ສຸດທ້າຍແມ່ນການຍືດ- ຢຽດກ້າມຊີ້ນເພື່ອຫລຸດການບາດເຈັບ ແລະ ເຮັດໃຫ້ຮ່າງກາຍເຄື່ອນໄຫວດີຂຶ້ນ.
  4. ຫລຸດການກິນອາຫານບຸບເຟ້ : ການກິນບຸບເຟ້ສ່ວນຫລາຍຈະຄິດເຖິງຄວາມກຸ້ມຄ່າກັບເງິນທີ່ຈ່າຍໄປ ແລະ ພະຍາຍາມກິນອາຫານໃຫ້ໄດ້ຫລາຍທີ່ສຸດເພື່ອຈະໃຫ້ກຸ້ມຄ່າ ແຕ່ທັງນີ້ຫາກຮ່າງກາຍໄດ້ຮັບພະລັງງານຫລາຍເກີນຄວາມຕ້ອງການ ຮ່າງກາຍ ຈະເອົາພະລັງງານສ່ວນເກີນນັ້ນໄປເກັບສະສົມໃນຮູບແບບໄຂມັນ ເພື່ອເປັນພະລັງງານສຳຮອງ ເຊິ່ງຖ້າມີການສະສົມຂອງໄຂມັນ ຫລາຍຂຶ້ນກໍຈະນຳໄປສູ່ຄວາມຕຸ້ຍ ແລະ ນຳໄປສູ່ພະຍາດຕ່າງໆໄດ້. ດັ່ງນັ້ນ ການຫລຸດອາຫານບຸບເຟ້ລົງແດ່ ຈຶ່ງເປັນຄືໂຕຊ່ວຍໃນການຫລຸດນຳ້ໜັກທີ່ດີຫລາຍທາງໜຶ່ງ.
  5. ກິນເຂົ້າເຊົ້າໃຫ້ເຕັມທີ່, ກິນເຂົ້າແລງໃຫ້ໄວຂຶ້ນ (ບໍ່ເກີນ 6 ໂມງແລງ) : ການຫລຸດນຳ້ໜັກໃຫ້ໄດ້ຜົນ ນອກຈາກຈະຕ້ອງອາໄສວິໄນໃນການອອກກຳລັງກາຍແລ້ວ ການກິນອາຫານກໍມີຜົນຫລາຍຄືກັນ ໂດຍກ່ອນໜ້ານີ້ທ່ານອາດໄດ້ຍິນວ່າກິນໜ້ອຍໆ, ແຕ່ກິນຫລາຍເທື່ອ ຈະຊ່ວຍເລື່ອງລະບົບການເຜົາຜານໃນຮ່າງກາຍໄດ້ດີຂຶ້ນ, ແຕ່ຈາກຜົນການສຶກສາໃໝ່ສຸດ ໂດຍມະຫາວິທະຍາໄລ Loma Linda University School of Public Health ໃນສະຫະລັດອາເມລິກາ ພົບວ່າ : ການກິນເຂົ້າ ເຊົ້າໃຫ້ເຕັມທີ່ ແລະ ກິນເຂົ້າແລງໃຫ້ໄວຂຶ້ນ (ບໍ່ເກີນ 18.00 ໂມງ) ເພື່ອໃຫ້ມີໄລຍະເວລາທີ່ທ້ອງວ່າງດົນ 18 ຊົ່ວໂມງ ແມ່ນກຸນແຈສູ່ການຫລຸດນຳ້ໜັກທີ່ໄດ້ຜົນຢ່າງແທ້ຈິງ.
ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ - Wave100S AD to Website 2020 0 - ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ
ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ - WhatsApp Image 2020 05 27 at 5 - ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ
ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ - WhatsApp Image 2020 05 27 at 5 - ຫລຸດນຳ້ໜັກແບບໄດ້ຜົນໂດຍບໍ່ຕ້ອງອົດອາຫານ
error: Alert: ເນື້ອຫາຂ່າວມີລິຂະສິດ !!