43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ

43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ - 2258544177744 - 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ
43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ - Untitled design - 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ

ໂດຍ: ຊາຍພະເນຈອນ

ວັນຊາດທີ 2 ທັນວາ ອັນເປັນວັນປະຫວັດສາດທີ່ ສໍາຄັນແຫ່ງການສ້າງຕັ້ງ ແລະ ສະຖາປະນາ ລະບອບ ໃໝ່ ສາທາລະນະລັດ ປະຊາ ທິປະໄຕ ປະຊາຊົນລາວ ໄດ້ ໝູນວຽນມາຄົບຮອບ 43 ປີ ພໍດີ ຈຶ່ງເຫັນໄດ້ວ່າ, ທົ່ວພັກ, ທົ່ວກອງທັບ ແລະ ທົ່ວປວງ ຊົນລາວທັງຊາດ, ກໍໄດ້ພ້ອມ ພາກັນສ້າງຜົນງານເພື່ອ ຂໍ່ານັບຮັບຕ້ອນວັນສໍາຄັນ ດັ່ງກ່າວຢ່າງເປັນຂະບວນ ຟົດ ຟື້ນມ່ວນຊື່ນ ແລະ ເປັນ ປີ ສະເຫລີມສະຫລອງເມືອງ ວຽງໄຊຖານທີ່ໝັ້ນຂອງ ການປະຕິວັດລາວຄົບຮອບ 50 ປີ (30/11/1968-30/ 11/2018) ແລະ ກໍເປັນປີ ທ່ອງທ່ຽວລາວ ທຸກອົງການ ຈັດຕັ້ງ ແລະ ພາກສ່ວນ ຕ່າງໆ ກໍໄດ້ ເພີ່ມທະວີໃນ ການ ສ້າງຂະບວນການ ແລະ ຜົນງານຂ່ຳນັບຮັບຕ້ອນວັນ ປະຫວັດສາດສຳຄັນດັ່ງກ່າວ ເພື່ອເຫັນໄດ້ຄວາມໝາຍ ຄວາມສໍາຄັນໃນການສ້າງ ສາພັດທະນາປະເທດຊາດ ຂອງພວກເຮົາຕະຫຼອດໄລ ຍະ 43 ປີຜ່ານມາ ແລະ ຫຼາຍ ດ້ານໄດ້ຮັບການພັດທະນາ ດີຂຶ້ນ, ໂດຍສະເພາະແມ່ນພື້ນ ຖານໂຄງລ່າງຕ່າງໆ ໄດ້ຮັບ ການປັບປຸງ, ປົວແປງກໍ່ເຕີມ ເສີມສ້າງ ແລະ ຂະຫຍາຍ ຕົວໄປແຕ່ລະທ້ອງຖິ່ນຢ່າງ ທົ່ວເຖິງ, ໃນນັ້ນບໍ່ວ່າຈະເປັນ ເສັ້ນທາງຄົມມະນາຄົມຂົນ ສົ່ງ, ໄຟຟ້າ, ນໍ້າປາປາ, ໂຮງ ຮຽນ-ໂຮງໝໍ ,ໂຮງຈັກ- ໂຮງ ງານ, ສໍານັກງານອົງການ ຕ່າງໆກໍໄດ້ຈັດສັນໃຫ້ມີ ຄວາມສະອາດຈົບງາມ, ມີ ຄວາມເປັນລະບຽບຮຽບ ຮ້ອຍດີ ແລະ ສ້າງຄວາມສະ ດວກສະບາຍໃຫ້ກັບຜູ້ຊົມ ໃຊ້ ແລະ ເຮັດໃຫ້ຊີວິດການ ເປັນຢູ່ຂອງປະຊາຊົນນັບມື້ ດີຂຶ້ນ ແລະ ສາມາດຫຼຸດພົ້ນ ອອກຈາກຄວາມທຸກຍາກ ເທື່ອລະກ້າວ.

43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ - 2258477411122 - 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ
(ພາບປະກອບ)

ແຕ່ຄຽງຄູ່ກັນ ນັ້ນກໍຍັງ ມີຫຼາຍບັນຫາທີ່ພວກເຮົາ ຈະຕ້ອງໄດ້ເອົາໃຈໃສ່ເປັນ ເຈົ້າການໃນການແກ້ໄຂຊ່ວຍກັນເປັນຕົ້ນ: ການບົວລະບັດ ຮັກສາບັນດາເສັ້ນທາງທີ່ ກໍ່ສ້າງແລ້ວໃຫ້ມີຄວາມຈົບ ງາມ ໂດຍສະເພາະກໍແມ່ນ ເສັ້ນທາງ 450ປີ ອັນເປັນ ເສັ້ນທາງຍຸດທະສາດທີ່ສໍາ ຄັນແຫ່ງໜຶ່ງຂອງ ສປປ ລາວ, ເປັນເສັ້ນທາງທີ່ກວ້າງ, ຍາວຢຽດຕໍ່ໃສ່ຊາຍແດນ ຂົວມິດຕິພາບ ລາວ-ໄທ, ເປັນ ເສັ້ນທາງທີ່ປູດ້ວຍເບຕົງ ເສີມເຫຼັກຢ່າງແໜ້ນໜາ ຖາວອນໂດຍໄດ້ລົງທຶນກໍ່ ສ້າງຢ່າງມະຫາສານສາມາດ ຮອງຮັບລົດບັນທຸກສິນຄ້າ ເຂົ້າ-ອອກຢ່າງບໍ່ຂາດສາຍ. ມາຮອດປັດຈຸບັນນີ້ເຫັນ ວ່າເສັ້ນທາງດັ່ງກ່າວຂາດ ການເບິ່ງແຍງດູແລ ແລະ ປົກປັກຮັກສາ, ໂດຍປ່ອຍ ປະລະເລີຍໃຫ້ເກີດມີຕົ້ນ ໄມ້ໃບຫຍ້າປົ່ງເປັນປ່າຮົກ ເຮື້ອຂຶ້ນສູງຢູ່ກາງຄັນຄູຖະ ໜົນເຮັດໃຫ້ບັງການສັນຈອນໄປມາທັງສອງຟາກທາງ, ມີຮ່ອງຮອຍຂີ້ດິນຕົມເປື້ອນ ຈາກລົດແກ່ດິນ ແລະ ຮ້າຍ ແຮງໄປກວ່ານັ້ນ ເກີດມີກອງ ຂີ້ເຫຍື້ອຢັງຢາຍໄປຕາມ ແຄມທາງເບິ່ງແລ້ວບໍ່ໂສພາ ງາມຕາເລີຍ.

ນອກຈາກນັ້ນ, ຜູ້ທີ່ນໍາ ໃຊ້ລົດໃຊ້ຖະໜົນຈໍານວນ ໜຶ່ງບໍ່ເຄົາລົບລະບຽບຈະລາ ຈອນ, ເຊິ່ງນັບທັງລົດນ້ອຍ- ລົດໃຫຍ່ພາກັນມັກງ່າຍຂີ່ລົດສວນເລນທາງກັບມາໂດຍບໍ່ຍອມຂີ່ຂ້າມທາງບ່ອນລ້ຽວ ລົດ ເຫັນວ່າມີຄວາມສ່ຽງ ສູງກັບອຸປະຕິເຫດ ແລະ ຕໍ່ ກັບສະພາບຂອງເສັ້ນທາງທີ່ ກໍ່ສ້າງບໍ່ທັນແລ້ວ, ເປັນຕົ້ນ ເສັ້ນທາງດົງໂດກຫາໜອງ ພະຍາຕັດອອກໃສ່ເສັ້ນທາງ ເລກທີ 13 ເໜືອ, ເຊິ່ງແຕ່ ລະມື້ລະວັນໄດ້ມີລົດໃຫຍ່- ລົດນ້ອຍທຽວທ່ອງໄປມາ ພາ ໃຫ້ມີຂີ້ຝຸ່ນໄງ່ກຸ້ມໄປທົ່ວບໍລິ ເວນ ເຮັດໃຫ້ປະຊາຊົນ ຢູ່ ເຂດນັ້ນບໍລິໂພກຂີ້ຝຸ່ນບໍ່ໄຫວ ຈຶ່ງໄດ້ພາກັນອົບພະຍົບຫຼົບ ໜີໄປຢູ່ບ່ອນອື່ນ ແລະ ບາງ ຄອບຄົວກໍໄດ້ໄປຊອກເຊົ່າ ເຮືອນຢູ່ດ້ວຍຄວາມຈໍາເປັນ.

43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ - Wave100S AD to Website 2020 0 - 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ

ຈາກບັນ ຫາທີ່ກ່າວ ມາ ນັ້ນ, ມັນຈະກາຍ ເປັນບັນຫາ ໃໝ່ຈາກຜູ້ຄົນທີ່ບໍ່ຫວັງດີທີ່ ຈະມາສ້າງພາບຟົດໃສ່ຮ້າຍ ປ້າຍສີ ເພື່ອທໍາລາຍ ແລະ ມ້າງເພລະບອບໃໝ່ຂອງ ພວກເຮົາ ແລະ ແບ່ງແຍກ ຄວາມສາມັກຄີຂອງປະຊາ ຊົນລາວບັນດາເຜົ່າ.

ເພາະສະນັ້ນ, ພວກເຮົາ ຄົນລາວ ຢູ່ພາຍໃຕ້ຮົ່ມທຸງ ປະຕິວັດ ແລະ ພາຍໃຕ້ການ ຊີ້ນໍາ ນໍາພາຂອງພັກປະຊາ ຊົນປະຕິວັດລາວ ຕ້ອງຮ່ວມ ແຮງ ຮ່ວມໃຈກັນແກ້ໄຂບັນ ຫາດັ່ງກ່າວດ້ວຍຕົວຂອງ ເຮົາເອງ, ພ້ອມພາກັນອອກ ແຮງແຂ່ງຂັນສ້າງຜົນງານ ຂໍ່ານັບຮັບຕ້ອນວັນສໍາຄັນ ດັ່ງກ່າວໃຫ້ຟົດຟື້ນ ເພາະຄົນ ລາວເຮົາຮຸ່ນຫຼັງໃຫ້ເຂົ້າໃຈ ວ່າ ກວ່າຈະປົດປ່ອຍປະເທດ ຊາດ ແລະ ຍາດເອົາເອກກະ ລາດ ປະຊາທິປະໄຕ ແລະ ຜືນ ແຜ່ນດິນອັນຄົບຖ້ວນມາໃຫ້ ປວງຊົນລາວທັງຊາດກໍບໍ່ ແມ່ນເລື່ອງງ່າຍໆ ຕ້ອງໄດ້ສູນ ເສຍວິລະຊົນ ແລະ ບູລຸດຜູ້ ອົງອາດກ້າຫານ, ສູນເສຍ ເລືອດເນື້ອເຫື່ອໄຄເພື່ອແລກ ເອົາຜືນແຜ່ນດິນມາໄດ້ຢ່າງ ຍືດເຍື້ອຍາວນານ, ປະຊາຊົນ ຄົນລາວທຸກຄົນມີສິດເປັນ ເຈົ້າຂອງປະເທດຊາດຢ່າງ ມີກຽດສະຫງ່າ ພ້ອມພາກັນ ປົກປັກຮັກສາ ແລະ ສ້າງ ສາພັດທະນາປະເທດຊາດ ມາໄດ້ 40 ກວ່າປີແລ້ວ ເພື່ອ ຄວາມອຸດົມຮັ່ງມີ ແລະ ຈະ ເລີນສີວິໄລໄປຕາມຍຸກສະ ໄໝເຊື່ອມໂຄງກັບສາກົນ ແລະ ພາກພື້ນຕາມອຸດົມ ການກ້າວຂຶ້ນສັງຄົມນິຍົມ ຢ່າງມີໄຊ./.

43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ - 2258544177744 - 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ
(ພາບປະກອບ)
43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ - WhatsApp Image 2020 05 27 at 5 - 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ
43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ - WhatsApp Image 2020 05 27 at 5 - 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ
error: Alert: ເນື້ອຫາຂ່າວມີລິຂະສິດ !!