ທະນາຄານແຫ່ງ ສປປ ລາວ (ທຫລ) ຫວນຄືນມູນເຊື້ອກຳມະກອນສາກົນ

- Untitled design - ທະນາຄານແຫ່ງ ສປປ ລາວ (ທຫລ) ຫວນຄືນມູນເຊື້ອກຳມະກອນສາກົນ

- SKLL0157 300x200 - ທະນາຄານແຫ່ງ ສປປ ລາວ (ທຫລ) ຫວນຄືນມູນເຊື້ອກຳມະກອນສາກົນ

ສະຫະພັນກໍາມະບານທະນາຄານແຫ່ງ ສປປ ລາວ (ທຫລ) ໄດ້ຈັດຕັ້ງການເລົ່າມູນເຊື້ອວັນກໍາມະກອນສາກົນຄົບ ຮອບ 131 ປີ (1/5/1886-1/5/2017) ໃນວັນທີ 13 ພຶດສະພານີ້ ທີ່ນະຄອນຫຼວງວຽງຈັນ.ໂດຍ ການໃຫ້ກຽດ ເຂົ້າຮ່ວມຂອງສະຫາຍປ້ານນ້ອຍມະນີ ກໍາມະການສູນກາງພັກ, ປະທານສູນກາງສະຫະພັນກໍາມະບານລາວ.

ສະຫາຍ ປະທານສູນກາງສະຫະພັນກໍາມະບານລາວໄດ້ ກ່າວຫວນຄືນມູນເຊື້ອ, ທາດແທ້, ຜົນງານການເຄື່ອນໄຫວ ແລະ ພາລະກໍາປະຫວັດສາດຂອງຊົນຊັ້ນກໍາມະກອນ ເຊິ່ງໃນສະຕະວັດທີ XVIII-XIX ຫຼາຍປະເທດ ໃນເອີຣົບ ແລະ ສະຫະລັດອະເມ ລິກາໄດ້ໂຄ່ນລົ້ມລະບອບສັກດິນາແລ້ວສ້າງຕັ້ງລະບອບນາຍທຶນຂຶ້ນແທນຊົນຊັ້ນກໍາມະກອນ ໄດ້ຖືກຂູດຮີດໜັກໜ່ວງ, ການອອກ ແຮງງານບໍ່ມີລະບົບປ້ອງກັນ, ມື້ໜຶ່ງເຮັດວຽກ 14-15 ຊົ່ວໂມງ, ຄ່າແຮງ ງານພັດຕໍ່າ, ບໍ່ມີສະຫວັດດີການ, ບໍ່ມີການປ້ອງກັນສຸຂະພາບ ແລະ ຄວາມປອດໄພໃນບ່ອນວຽກ ຈຶ່ງພາໃຫ້ຊົນ ຊັ້ນກໍາມະກອນ ແລະ ຊາວຜູ້ອອກແຮງງານຈໍາເປັນໄດ້ຈັດຕັ້ງ, ເປັນຂະບວນລຸກຮື້ຂຶ້ນຕໍ່ສູ້ກັບພວກນາຍທຶນ ໂດຍທວງໃຫ້ເພີ່ມເງິນເດືອນ ແລະ ຫຼຸດຜ່ອນຊົ່ວໂມງເຮັດວຽກ ເຊິ່ງຂະບວນທໍາອິດເກີດຂຶ້ນຢູ່ປະເທດອັງກິດໃນປີ 1764, ຈຶ່ງ ເຮັດໃຫ້ຊົນຊັ້ນກໍາມະກອນຈັດຕັ້ງອົງການກໍາມະບານເພື່ອເປັນ ຕົວແທນຂອງຕົນຂຶ້ນ.

ວັນທີ 1/5/1886 ເປັນຄັ້ງທໍາອິດຢູ່ຕົວເມືອງຊີກາໂກສະຫະລັດອາເມລິກາໄດ້ມີຊົນຊັ້ນກໍາມະກອນ ແລະ ຊາວຜູ້ອອກແຮງ ງານຈຳນວນຫລວງຫລາຍລຸກຂຶ້ນຕໍ່ສູ້ເພື່ອຮຽກຮ້ອງໃຫ້ພວກ ນາຍທຶນປະຕິບັດຕາມການສະ ເໜີ ຂອງກໍາມະກອນ: ແຕ່ນີ້ຕໍ່ ໄປໃຫ້ກໍາມະກອນເຮັດວຽກ “ມື້ໜຶ່ງ 8 ຊົ່ວໂມງ, 8 ຊົ່ວໂມງພັກຜ່ອນ ແລະ 8 ຊົ່ວໂມງຮໍ່າຮຽນ” ເຊິ່ງໃນມື້ນັ້ນໄດ້ມີກໍາມະກອນ ນັດຢຸດງານຢູ່ 5.000 ແຫ່ງໃນ ຕົວເມືອງໃຫຍ່ຢູ່ສະຫະລັດອາ ເມລິກາ ເຊັ່ນ: ນິວຢັອກ, ວໍຊິງຕັນ, ບານຕີມໍ… ມີຄົນເຂົ້າຮ່ວມ 3-4 ແສນຄົນ ເລັ່ງທວງ ໃຫ້ນາຍທຶນຮັບຮອງ ເອົາສິດໃນການເຮັດ ວຽກຂອງກໍາມະກອນມື້ໜຶ່ງ 8 ຊົ່ວໂມງ; ຈາກເຫດການ ຂອງ ວັນທີ 1/5/1886 ກາຍເປັນ ກະແສຟອງອັນໃຫຍ່ຫຼວງ ແລະ ສ້າງແຮງບັນດານໃຈໄປຍັງຂະບວນການກໍາມະກອນຢູ່ ເອີຣົບ ແລະ ອາເມລິກາ ເປັນກໍາລັງໃຈໃຫ້ຂະບວນການຕໍ່ສູ້ຂອງກໍາມະກອນໂລກ, ທັງເປັນບາດກ້າວຂະຫຍາຍຕົວແຫ່ງໄຊຊະນະ, ເປັນ ວັນທີ່ມີຄວາມໝາຍສໍາຄັນໃຫຍ່ຫຼວງຂອງຊົນຊັ້ນກໍາມະກອນ ແລະ ເປັນປາງບຸນໃຫຍ່ຂອງຊົນຊັ້ນກໍາມະ ກອນໃນທົ່ວໂລກ.

- Wave100S AD to Website 2020 0 - ທະນາຄານແຫ່ງ ສປປ ລາວ (ທຫລ) ຫວນຄືນມູນເຊື້ອກຳມະກອນສາກົນ

ໃນໂອກາດນີ້, ສະຫາຍປະທານສະຫະພັນກໍາມະບານ ທຫລ ໄດ້ຖືເອົາວັນສໍາຄັນດັ່ງ ກ່າວສະຫຼຸບ ແລະ ຕີລາຄາຜົນ ງານການເຄື່ອນໄຫວຂອງສະຫະພັນກໍາມະບານ ທຫລ ໃນປີ 2016 ຜ່ານມາ, ໂດຍພາຍໃຕ້ການຊີ້ນໍານໍາພາຂອງ ຄະນະພັກ ທຫລ ກໍຄືຄະນະປະທານສູນກາງສະຫະພັນກໍາມະບານລາວ ແລະ ດ້ວຍການບຸກບືນສູ້ ຊົນຂອງຄະນະ ບໍລິຫານງານສະມາຊິກກຳມະບານໃນທົ່ວຂະແໜງທະນາຄານສາມາດເຮັດຫຼ້ອນໜ້າທີ່ການເມືອງຂອງຕົນ ໄດ້ເປັນ ຢ່າງດີປະກອບສ່ວນໃນການຮັກສາສະຖຽນລະພາບ ເງິນຕາແຫ່ງຊາດ, ສົ່ງເສີມການ ນໍາໃຊ້ເງິນກີບ, ອັດຕາເງິນ ເຟີ້ ແລະ ອັດຕາແລກປ່ຽນມີຄວາມ ສະຫງົບ, ປະກອບສ່ວນຄຸ້ມຄອງ ທະນາຄານທຸລະກິດ ແລະ ສະຖາບັນການ ເງິນໃຫ້ມີຄວາມເຂັ້ມ ແຂງ, ໝັ້ນຄົງ, ເອົາໃຈໃສ່ລະດົມ ເງິນຝາກ ແລະ ສະໜອງສິນເຊື່ອ ແລະວຽກງານອື່ນໆ ອີກໄດ້ຕາມລະດັບຄາດໝາຍເຊິ່ງສະແດງອອກໃຫ້ເຫັນໃນປີຜ່ານມາ,   ສະຫະພັນກໍາມະບານ ທຫລ  ໄດ້ມອບ ວັດຖຸເງິນ 100 ກ່ວາລ້ານກີບປະກອບສ່ວນຊ່ວຍເຫຼືອ ຜູ້ຮັບເຄາະຮ້າຍຈາກອັກຄີໄພ, ຊ່ວຍເຫຼືອກໍ່ສ້າງໂຮງຮຽນ, ວຽກງານປ້ອງກັນຊາດປ້ອງກັນຄວາມສະຫງົບ, ນອກນີ້ບັນດາສະມາຊິກກໍາມະບານຍັງປະກອບສ່ວນເຂົ້າໃນກອງ ທຶນຊ່ວຍເຫຼືອເຊິ່ງກັນ ແລະ ກັນເປັນຈຳນວນຫລາຍ.

- WhatsApp Image 2020 05 27 at 5 - ທະນາຄານແຫ່ງ ສປປ ລາວ (ທຫລ) ຫວນຄືນມູນເຊື້ອກຳມະກອນສາກົນ
- WhatsApp Image 2020 05 27 at 5 - ທະນາຄານແຫ່ງ ສປປ ລາວ (ທຫລ) ຫວນຄືນມູນເຊື້ອກຳມະກອນສາກົນ
error: Alert: ເນື້ອຫາຂ່າວມີລິຂະສິດ !!