ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ

ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ - 4DQpjUtzLUwmJZZPFh3x42jrZSN3BPjvzDjrK2AAlg2P - ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ
ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ - Untitled design - ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ

ສະຫະພັນ​ບານ​ເຕະ​ນາໆ​ຊາດ ຫລື FIFA ​ໄດ້​ອັບ​ເດດ​ການຈັດ​ອັນ​ດັບ​ໂລກ​ຫລ້າ​ສຸດ​ໃນ​ວັນ​ທີ 29 ພະຈິກ 2018 ຫລັງ​ຈົບ​ການ​ແຂ່ງຂັນ​ຕາມ​ຕາຕະລາງ FIFA DAY ລວມທັງ​ການ​ແຂ່ງຂັນ​ລາຍການ​ຕ່າງໆ ​ເປັນຕົ້ນ ຢູຟາ ​ເນ​ຊັນ​ລີກ ​ແລະ African Cup of Nations ຮອບ​ຄັດ​ເລືອກ ​ແລະ AFF Suzuki Cup 2018 ສຳ​ເລັດ​ຮອບ​ແບ່ງ​ກຸ່ມ​.

ທີ​ມຊາດ​ລາວ​ທີ່​ຕົກ​ຮອບ​ແບ່ງ​ກຸ່ມ Suzuki Cup 2018 ​ເສຍ​ທັງ 4 ນັດ ອັນ​ດັບ​ໂລກ​ຕົກລົງ​ມາ​ອີກ 3 ອັນ​ດັບ ຈາກ 181 ມາ​ຢູ່ 184 ຂອງ​ໂລກ​ຈາກ 211 ສະມາຊິກ ມີ 923 ຄະ​ແນນ, ​ເປັນອັນ​ດັບ 38 ຂອງ​ອາຊີ​ຈາກ 46 ທີ​ມ ​ແລະ ອັນ​ດັບ 9 ຂອງ​ອາ​ຊຽນ. ທີ​ມຊາດ​ລາວ​ເຄີຍ​ຕົກ​ອັນ​ດັບ​ໄກ​ສຸດ​ທີ 210 ​ໃນ​ເດືອນ​ສິງ​ຫາ 2012 ​ແລະ ອັນ​ດັບ​ດີ​ສຸດ​ທີ 134 ​ໃນ​ເດືອນ​ກັນຍາ 1998.

ຂະນະ​ທີ່ ທີ​ມຊາດ​ຫວຽດນາມ ທີ່​ຜົນງານ​ດີ​ຂຶ້ນ​ເລື້ອຍໆຫຍັບ​ຂຶ້ນ 2 ອັນ​ດັບ ມາ​ຢູ່ 100 ຂອງ​ໂລກ, ທີ 17 ຂອງ​ອາຊີ, ທີ 1 ຂອງ​ອາ​ຊຽນ ມີ 1.224 ຄະ​ແນນ, ຟີ​ລິບ​ປິນ ຫຍັບ​ຂຶ້ນ 2 ອັນ​ດັບ ທີ 114 ຂອງ​ໂລກ, ທີ 2 ຂອງ​ອາ​ຊຽນ, ສ່ວນ​ທີ​ມຊາດ​ໄທ ທີ 3 ຂອງ​ອາ​ຊຽນ, ທີ 118 ຂອງ​ໂລກ, ມາ​ເລ​ເຊຍ ທີ 167 ຂອງ​ໂລກ. ຂະນະ​ທີ່ ທີ 1 ຂອງ​ອາ​ຊີ​ຍັງ​ເປັນ​ ທີ​ມຊາດ​ອີຣານ, ທີ 2 ອົດ​ສະຕຣາລີ, ທີ 3 ຍີ່ປຸ່ນ, ທີ 4 ສາທາລະນະ​ລັດ​ເກົາຫລີ, ທີ 5 ຊາ​ອຸ​ດິ ອາຣະ​ເບຍ.

ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ - Wave100S AD to Website 2020 0 - ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ

ສຳລັບ​ ທີ​ມຊາດ​ເບ​ວຢ້ຽມ ຍັງ​ຈັ້ງ​ເປັນ​ທີ 1 ຂອງ​ໂລກ ມີ 1.727 ຄະ​ແນນ, ທີ 2 ຝຣັ່ງ ​ແຊ້ມ​ໂລກ 2018 ມີ 1.726 ຄະ​ແນນ, ສ່ວນ​ທີ 3-10 ​ເບຣຊິນ, ​ໂຄຣ​ເອ​ເຊຍ, ອັງກິດ, ປອກຕຸຍ​ການ, ອູ​ຣຸ​ໄກວ, ສະ​ວິດ​ເຊີ​​ແລນ, ​ແອັສປາຍ, ດານ​ມາກ, ອາກຊັງ​ຕິນ ທີ 11, ​ເນ​ເທີ​ແລນ ທີ 14 ​ເຢຍລະ​ມັນ ທີ 16 ​ແລະ ອີ​ຕາ​ລີ ທີ 17.

ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ - WhatsApp Image 2020 05 27 at 5 - ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ
ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ - WhatsApp Image 2020 05 27 at 5 - ຟີຟາ ຈັດອັນດັບທີມບານເຕະໂລກ ທີມຊາດລາວຕົກອີກ 3 ອັນດັບ
error: Alert: ເນື້ອຫາຂ່າວມີລິຂະສິດ !!