ການລ້ຽງລູກດ້ວຍນົມແມ່ຊ່ວຍຫລຸດຄວາມຕຸ້ຍໄປໃນໂຕ

ການລ້ຽງລູກດ້ວຍນົມແມ່ຊ່ວຍຫລຸດຄວາມຕຸ້ຍໄປໃນໂຕ - advert banner 728 90 728x90 - ການລ້ຽງລູກດ້ວຍນົມແມ່ຊ່ວຍຫລຸດຄວາມຕຸ້ຍໄປໃນໂຕ

ເປັນອີກໜຶ່ງຄວາມເຊື່ອກ່ຽວກັບການລ້ຽງລູກດ້ວຍນົມແມ່ ວ່າຈະຊ່ວຍໃຫ້ແມ່ມີຮູບຮ່າງງາມສົມສ່ວນກັບຄືນມາຫລັງຈາກເກີດລູກແລ້ວ, ມາມື້ນີ້ນັກວິທະຍາສາດກໍອອກມາຮ່ວມຢັ້ງຢືນແລ້ວວ່າ : ການລ້ຽງລູກດ້ວຍນົມແມ່ນັ້ນບໍ່ພຽງແຕ່ຈະມີປະໂຫຍດຕໍ່ລູກເທົ່ານັ້ນ ແຕ່ຍັງມີປະໂຫຍດຕໍ່ແມ່ທຸກທ່ານໃນໄລຍະຍາວນຳອີກ ໂດຍນັກວິທະຍາສາດພົບວ່າແມ່ທີ່ລ້ຽງລູກດ້ວຍນົມຕົນເອງ ເຖິງຈະພຽງແຕ່ 2 – 3 ເດືອນຫລັງເກີດ ກໍຫລຸດໂອກາດທີ່ຈະເປັນພະຍາດມະເຮັງບາງຊະນິດ, ການປ່ວຍທີ່ກ່ຽວກັບອະໄວຍະວະສຳຄັນ ເຊັ່ນ: ຫົວໃຈ ແລະ ຄວາມເຈັບປ່ວຍທີ່ກ່ຽວຂ້ອງກັບບັນຫານຳ້ໜັກເກີນໄດ້.

ເປັນທີ່ຮູ້ກັນດີວ່າໃນໄລຍະຫລາຍສິບປີທີ່ຜ່ານມາ ພະຍາດຕຸ້ຍໄດ້ກາຍເປັນບັນຫາໃຫຍ່ທີ່ຫລາຍປະເທດຕ້ອງເສຍຄ່າໃຊ້ຈ່າຍໃນ ການປິ່ນປົວຫລາຍ ແລະ ສຳລັບໃນແມ່ຍິງຖືພາແລ້ວ ກໍຍິ່ງເປັນເລື່ອງທີ່ໜ້າກັງວົນ ເພາະມີການສຳຫລວດພົບວ່າໃນໄລຍະຖືພາມີ ແມ່ຫລາຍຄົນມີຄວາມສຸກໃນການກິນຫລາຍຈົນນຳ້ໜັກເພີ່ມຂຶ້ນໄວ ແລະ ເປັນທີ່ໜ້າເສຍດາຍວ່າຫລັງຈາກເກີດລູກແລ້ວ ແມ່ກໍຈະບໍ່ສາມາດກັບມາມີຮູບຮ່າງງາມສົມສ່ວນຄືເກົ່າໄດ້ອີກ ເຊິ່ງບັນຫາໄຂມັນສະສົມນີ້ຈະຍິ່ງທະວີຄວາມຮຸນແຮງຂຶ້ນ ຫາກແມ່ມີການຖືພາອີກຫລາຍເທື່ອ, ແຕ່ໃນວຽກງານວິໄຈນີ້ ເຊິ່ງໄດ້ວິເຄາະຂໍ້ມູນຂອງແມ່ຍິງຖືພາປະມານ 740.000 ຄົນ ພົບຫລັກຖານຢັ້ງຢືນວ່າການລ້ຽງລູກດ້ວຍນົມແມ່ນັ້ນຊ່ວຍໃຫ້ນຳ້ໜັກຂອງແມ່ກັບມາສູ່ສະພາບປົກກະຕິໄວຫລາຍຂຶ້ນ ແລະ ຊ່ວຍຮັກສານຳ້ໜັກໃນໄລຍະຍາວໃຫ້ກັບຜູ້ເປັນແມ່ໄດ້ເປັນຢ່າງດີ ໂດຍຜູ້ຊ່ຽວຊານລະບຸວ່າ : ການລ້ຽງລູກດ້ວຍນົມແມ່ນັ້ນ ຮ່າງກາຍຈະຕ້ອງໃຊ້ກາລໍຣີປະມານ 500 ກາລໍຣີຕໍ່ມື້ ຫລື ທຽບເທົ່າກັບການເຂົ້າສູນອອກກຳລັງກາຍ 1 ຫລັກສູດ. ນອກຈາກນີ້, ທີມນັກວິໄຈຍັງໄດ້ວັດແທກຄ່າດັດຊະນີມວນກາຍIBM ຂອງແມ່ ແລະ ພົບວ່າ : ແມ່ທີ່ລ້ຽງລູກດ້ວຍນົມຕົນເອງຕິດຕໍ່ກັນ 6 ເດືອນເປັນຢ່າງໜ້ອຍຈະມີຄ່າດັດຊະນີມ່ວນກາຍຫລຸດລົງ 1% ເຊິ່ງໃນໂລກປະຈຸບັນ ຢ່າເບິ່ງວ່າໂຕເລກດັ່ງກ່າວໜ້ອຍ ເພາະຢ່າງໜ້ອຍມັນຈະຊ່ວຍຫລຸດ ຄວາມສ່ຽງທີ່ແມ່ຈະປ່ວຍດ້ວຍພະຍາດທີ່ມາພ້ອມກັບຄວາມຕຸ້ຍດັ່ງເບົາຫວານ, ພະຍາດຫົວໃຈ ແລະ ມະເຮັງບາງຊະນິດລົງໄດ້.

ການລ້ຽງລູກດ້ວຍນົມແມ່ຊ່ວຍຫລຸດຄວາມຕຸ້ຍໄປໃນໂຕ - lattana 1 - ການລ້ຽງລູກດ້ວຍນົມແມ່ຊ່ວຍຫລຸດຄວາມຕຸ້ຍໄປໃນໂຕ
ການລ້ຽງລູກດ້ວຍນົມແມ່ຊ່ວຍຫລຸດຄວາມຕຸ້ຍໄປໃນໂຕ - 1 1 - ການລ້ຽງລູກດ້ວຍນົມແມ່ຊ່ວຍຫລຸດຄວາມຕຸ້ຍໄປໃນໂຕ

ດຣ.  Kirsty Bobrowຫົວໜ້າຄະນະວິໄຈ ເປີດເຜີຍວ່າ: ເຮົາຮູ້ກັນດີຢູ່ແລ້ວວ່າການລ້ຽງລູກດ້ວຍນົມແມ່ນັ້ນດີທີ່ສຸດສຳລັບລູກ ແຕ່ວຽກງານວິໄຈນີ້ກໍພົບຫລັກຖານທີ່ລະບຸວ່າ : ການລ້ຽງລູກດ້ວຍນົມແມ່ກໍດີຕໍ່ສຸຂະພາບຂອງແມ່ຄືກັນ ແລະ ປະໂຫຍດນັ້ນຍັງຕົກຢູ່ກັບແມ່ ເຖິງວ່າເວລາຈະຜ່ານໄປກ່ວາ 30 ປີກໍຕາມ.

error: Content is protected !!