3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ

3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ - 043011 2018 - 3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ
3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ - Untitled design - 3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ

Angela Duckworth  ກ່າວວ່າ : ຄວາມພາກພຽນພະຍາຍາມແມ່ນຄວາມຫລົງໄຫລບວກກັບຄວາມຕັ້ງໃຈຂອງແຕ່ລະຄົນເພື່ອໃຫ້ບັນລຸເປົ້າໝາຍໃນໄລຍະຍາວ  ຄວາມດຸໝັ່ນຂະຫຍັນພຽງເຮັດໃຫ້ຄົນແລ່ນໄລ່ຕາມຄວາມຝັນ ເຖິງວ່າຈະຜິດພາກຊຳ້ແລ້ວຊຳ້ອີກ ດັ່ງທີ່ນັກທຸລະກິດຫລາຍໆຄົນເຄີຍປະສົບໃນໄລຍະເລີ່ມຕົ້ນ Duckworth ພົບວ່າ : ຄວາມພາກພຽນເປັນສິ່ງທີ່ເຮັດໃຫ້ຜູ້ຄົນມີວິທີການໃຊ້ຊີວິດທີ່ດີຂຶ້ນກ່ວາເກົ່າ ໂຕຢ່າງເຊັ່ນ : ການແຂ່ງຂັນສະກົດຄຳເວົ້າໃນໂຮງຮຽນມັດທະຍົມຊິກາໂກ້ ນາງພົບວ່າ ນັກຮຽນທີ່ມີຄວາມພຽນພະຍາຍາມຫລາຍກ່ວາຈະສາມາດເຮັດກິດຈະກຳນັ້ນອອກມາໄດ້ດີກ່ວາ.

ໂດຍເຮົາສາມາດເພີ່ມຄວາມ ພາກພຽນໃຫ້ກິດຈະການທີ່ເຮົາເຮັດໄດ້ ໂດຍການຝຶກປະຕິບັດທັງໃນຖານະຜູ້ນຳ ແລະ ຜູ້ຕາມ ໂດຍການເນັ້ນໃສ່ແນວຄິດຕົ້ນຕໍ 3 ປະການດັ່ງຕໍ່ໄປນີ້ :

3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ - 013011 2018 - 3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ

  1. ຄົ້ນຫາສິ່ງທີ່ທ່ານຫລົງໄຫລ ໃຫ້ພົບ : ການຂະຫຍາຍຄວາມສົນໃຈອອກໄປ, ການຄົ້ນຫາເປົ້າໝາຍ ແລະ ຄວາມທ້າທາຍໃນຊີວິດ ລ້ວນແຕ່ຊ່ວຍໃຫ້ຜູ້ຄົນຍັງຄົງມຸ້ງໄປໃສ່ເປົ້າໝາຍໄປໃນໄລຍະຍາວໄດ້ ໂດຍສຳລັບຜູ້ປະກອບທຸລະກິດແລ້ວ ນີ້ອາດໝາຍເຖິງການສ້າງການມີສ່ວນຮ່ວມພາຍໃນ ໂດຍຄວາມຫລົງໄຫລນັ້ນຈຳເປັນຕ້ອງມີຄວາມສອດຄ່ອງກັບເປົ້າໝາຍ ຫລື ກິດຈະການທີ່ທ່ານກຳລັງເຮັດຢູ່ນຳ ເນື່ອງຈາກຖ້າຫາກຄວາມຫລົງໄຫລກັບສິ່ງທີ່ຕ້ອງເຮັດສວນທາງກັນ ຄົງເປັນເລື່ອງຍາກທີ່ຈະພົບກັບຄວາມສຳເລັດໃນໄລຍະຍາວໄດ້.

“ຄວາມຫລົງໄຫລຈຳເປັນຕ້ອງສອດຄ່ອງກັບເປົ້າໝາຍ”.

  1. ສ້າງເຄືອຂ່າຍສັງຄົມ : ການວິໄຈກ່ຽວກັບຄວາມເຄັ່ງຄຽດໄດ້ສະແດງໃຫ້ເຫັນວ່າ ການມີສັງຄົມ ຫລື ເຄືອຂ່າຍທີ່ກ້ວາງ ຂວາງຈະຊ່ວຍສະໜັບສະໜູນການປັບໂຕ ແລະ ສາມາດຊ່ວຍຫລຸດຄວາມເຄັ່ງຄຽດໄດ້ ເນື່ອງຈາກເຄືອຂ່າຍທີ່ແຂງແກ່ນມັກເຕັມໄປດ້ວຍຜູ້ຄົນທີ່ແຕກຕ່າງກັນ ເຊິ່ງສາມາດໃຫ້ຂໍ້ມູນໃນແຕ່ລະດ້ານໄດ້ ບໍ່ວ່າຈະແມ່ນຂໍ້ມູນທາງເຕັກນິກ, ຂໍ້ມູນທາງການປະຕິບັດ ຫລື ແມ່ນແຕ່ທາງດ້ານອາລົມ ເຊິ່ງຖືເປັນເລື່ອງຍາກໃນການຈະຫາຄົນທີ່ມີຄວາມສາມາດຄົບທັງ 3 ປະເພດ. ດັ່ງນັ້ນ ທ່ານຈຶ່ງຈຳ ເປັນຕ້ອງຂະຫຍາຍເຄືອຂ່າຍສັງຄົມຂອງທ່ານໃຫ້ກ້ວາງຂວາງທີ່ສຸດເທົ່າທີ່ຈະເປັນໄປໄດ້ ເພື່ອຊ່ວຍໃຫ້ທ່ານສາມາດຂໍຄວາມຊ່ວຍ ເຫລືອໄດ້ໃນເວລາທີ່ເກີດວິກິດບັນຫາ ທັງຍັງເປັນດັ່ງທີ່ປຶກສາສ່ວນໂຕໃນຫລາກຫລາຍດ້ານນຳອີກ.

“ຂະຫຍາຍເຄືອຂ່າຍສັງຄົມຂອງທ່ານໃຫ້ກ້ວາງຂວາງທີ່ສຸດເທົ່າທີ່ຈະເປັນໄປໄດ້”.

3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ - Wave100S AD to Website 2020 0 - 3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ
  1. ເນັ້ນໄປໃສ່ເປົ້າໝາຍ ບໍ່ແມ່ນວິທີການ : ຜົນການສຶກສາເທື່ອໃໝ່ຫລ້າສຸດທີ່ເຝົ້າສັງເກດການບໍລິສັດຫລາຍກ່ວາ 112 ແຫ່ງ ພົບວ່າ ຄວາມຄ່ອງແຄ້ວໃນການເຮັດວຽກຂອງບໍລິສັດນັ້ນມີທ່າອ່ຽງທີ່ເພີ່ມຫລາຍຂຶ້ນໃນໄລຍະເວລາທີ່ມີວຽກລົ້ນມື. ການຄິດໄວ ເຮັດໄວ ເຮັດໃຫ້ບໍລິສັດເຫລົ່ານີ້ເຮັດວຽກໄດ້ດີຂຶ້ນຢ່າງສະໝໍ່າສະເໝີ ແລະ ເກີດນະວັດຕະກຳໃໝ່ໆຕາມໄປນຳ.

ຖ້າຄວາມພາກພຽນພະຍາຍາມເປັນຄວາມສາມາດໃນການເນັ້ນໃສ່ເປົ້າໝາຍໃນໄລຍະຍາວ ຄວາມຄ່ອງແຄ້ວກໍເປັນກຸນແຈສຳຄັນອັນໜຶ່ງໃນການໄປໃຫ້ເຖິງຈຸດໝາຍໄວຍິ່ງຂຶ້ນ ແລະ ແນ່ນອນວ່າເຮົາບໍ່ຕ້ອງການວິທີການທີ່ມັນບໍ່ໄດ້ຜົນ. ດັ່ງນັ້ນ, ຈົ່ງຫລີກເວັ້ນການແນໃສ່ເປົ້າໝາຍທີ່ຜິດພາດໃນໄລຍະຍາວ ໂດຍວິທີການທີ່ຖືກຕ້ອງ ພ້ອມປັບແຕ່ງວິທີເຫລົ່ານີ້ໃຫ້ເໝາະສົມກັບກິດຈະການ ຫລື ທຸລະກິດຂອງທ່ານ.

“ຖ້າຄວາມພາກພຽນພະຍາຍາມເປັນຄວາມສາມາດໃນການແນໃສ່ເປົ້າໝາຍໃນໄລຍະຍາວ ຄວາມຄ່ອງແຄ້ວກໍເປັນກຸນແຈສຳຄັນໃນການໄປໃຫ້ເຖິງຈຸດໝາຍໄວຍິ່ງຂຶ້ນ”.

3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ - WhatsApp Image 2020 05 27 at 5 - 3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ
3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ - WhatsApp Image 2020 05 27 at 5 - 3 ແນວຄິດໃນການສ້າງຄວາມພຽນພະຍາຍາມເພື່ອພິຊິດເປົ້າໝາຍໃນໄລຍະຍາວ
error: Alert: ເນື້ອຫາຂ່າວມີລິຂະສິດ !!