ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ

ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ - Law - ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ
ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ - Untitled design - ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ

ຕາມການລາຍງານຂອງປະທານ ສານປະຊາຊົນສູງສຸດ ຕໍ່ກອງປະຊຸມສະໄໝສາມັນ ຂອງສະພາແຫ່ງຊາດ ຊຶ່ງພວມດໍາເນີນຢູ່ນີ້ ໃຫ້ຮູ້ວ່າ: ປີ 2018 ນີ້ ຢູ່ທົ່ວປະເທດເຮົາມີຄະດີຮ້ອງຟ້ອງຂຶ້ນສານເຖິງ 8.619 ເລື່ອງ, ໃນນັ້ນ, ມີຄະດີຄ້າງມາ 1.744 ເລື່ອງ, ຖ້າທຽບໃສ່ປີຜ່ານມາເພີ່ມຂຶ້ນ 699 ເລື່ອງ ແລະ ສາມາດແກ້ໄຂແລ້ວ 5.096 ເລື່ອງ ກວມ 71,80% ຂອງແຜນການກໍານົດໄວ້, ພາຍຫຼັງຕັດສິນແລ້ວແມ່ນ 85,51%ຄູ່ຄວາມບໍ່ຂໍອຸທອນຄືນ ແລະ ມີປະມານ 14,48% ຄູ່ຄວາມບໍ່ພໍໃຈຂໍອຸທອນຄືນ. ສ່ວນປະເພດຄະດີທີ່ເກີດຂຶ້ນ ແລະ ເຂົ້າມາສານຫຼາຍກວ່າໝູ່ຄື: ຄະດີອາຍາ ບັນຫາຢາເສບຕິດ ມີ 1.657 ເລື່ອງ ກວມ 48,07% ຂອງຄະດີອາຍາທັງໝົດ. ຄະດີແພ່ງ ກວມ 28,81% ແລະ ບັນຫາຜົວ-ເມຍຂໍຢ່າຫ້າງມີ 299 ເລື່ອງ, ສ່ວນຄະດີການຄ້າ ແມ່ນສັນຍາກູ້ຢືມເງິນຈາກທະນາຄານມີ 196 ເລື່ອງ ກວມ 42,85% ຂອງຄະດີການຄ້າທັງໝົດ. ຄະດີເດັກ ແມ່ນບັນຫາຢາເສບຕິດ ມີ 77 ເລື່ອງ.

ຄະດີຢູ່ສານຂັ້ນລົບລ້າງ (ພາກ ແລະ ສານປະຊາຊົນສູງສຸດ) ມີ 147 ເລື່ອງ, ຂໍລົບລ້າງໃໝ່ 311 ເລື່ອງ ລວມມີ 458 ເລື່ອງ ໄດ້ພິພາກສາແລ້ວ 333 ເລື່ອງ ກວມ 72,70%. ສະເພາະຄະດີຂັ້ນຮື້ຟື້ນທີ່ຫົວໜ້າອົງການໄອຍະການປະຊາຊົນສູງສຸດ ສະເໜີຮື້ຟື້ນຫາສານປະຊາຊົນສູງສຸດພິຈາລະນາໃນປີ 2018 ມີ 31 ເລື່ອງ, ໄດ້ຄົ້ນຄວ້າພິຈາລະນາແລ້ວ 16 ເລື່ອງ, ຍັງຄ້າງ 15 ເລື່ອງ ຜົນຂອງການພິຈາລະນາແກ້ໄຂແມ່ນ ຕົກລົງຮື້ຟື້ນຄະດີຕາມຄໍາສະເນຂອງຫົວໜ້າອົງການໄອຍະການປະຊາຊົນສູູງສຸດ 12 ເລື່ອງ ເທົ່າກັບ 75%, ພ້ອມນີ້, ສານປະຊາຊົນສູງສຸດຍັງໄດ້ຄົ້ນຄວ້າອອກຄໍາຊີ້ຂາດກ່ຽວກັບໂທດປະຫານຊີວິດໄດ້ 9 ເລື່ອງ. ໃນກອງປະຊຸມບັນດາສະມາຊິກສະພາແຫ່ງຊາດ ໄດ້ປະກອບຄໍາຄິດເຫັນ ແລະ ສະເໜີໃຫ້ເອົາໃຈໃສ່ປັບປຸງກົນໄກ, ແບບແຜນວິທີການດໍາເນີນຄະດີຢູ່ສານໃຫ້ມີຄວາມວ່ອງໄວ, ໂປ່ງໃສ, ຖືກຕ້ອງ ແລະ ຮັບປະກັນຄວາມຍຸຕິທໍາໃນສັງຄົມ.

ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ - Wave100S AD to Website 2020 0 - ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ
ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ - WhatsApp Image 2020 05 27 at 5 - ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ
ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ - WhatsApp Image 2020 05 27 at 5 - ປີ 2018 ມີຄະດີຮ້ອງຟ້ອງຂຶ້ນສານຫຼາຍເຖິງ 8 ພັນກວ່າເລື່ອງ
error: Alert: ເນື້ອຫາຂ່າວມີລິຂະສິດ !!