ຜູ້ສືບທອດຂາຍເຂົ້າຈີ່ທີ່ແທ້ຈິງ

- 222222554 - ຜູ້ສືບທອດຂາຍເຂົ້າຈີ່ທີ່ແທ້ຈິງ
- Untitled design - ຜູ້ສືບທອດຂາຍເຂົ້າຈີ່ທີ່ແທ້ຈິງ

ໂດຍ: ຊາຍພະເນຈອນ.  

ຂາຍເຂົ້າຈີ່ກໍແມ່ນອີກ ທາງເລືອກໜຶ່ງເພື່ອຫາ ລ້ຽງຊີບຂອງຕົນເອງ ແລະ ຄອບຄົວໂດຍສະເພາະຜູ້ຢູ່ ນະຄອນຫຼວງວຽງຈັນ ແລະ ກໍມີຫຼາຍຄອບຄົວໄດ້ ຢຶດຖືເປັນອາຊີບຫຼັກໂດຍ ຖາວອນ, ດັ່ງຄອບຄົວ ນ. ແຂກ ຢູ່ບ້ານສີໄຄ, ເມືອງ ສີໂຄດຕະບອງນີ້ເອງ, ເຊິ່ງ ໄດ້ມີອາຊີບຂາຍເຂົ້າຈີ່ຢູ່ ຕໍ່ໜ້າຕະຫຼາດກົກໂພສືບ ທອດຈາກແມ່ ມາຫຼາຍສິບ ປີແລ້ວ.

- 225844744114 - ຜູ້ສືບທອດຂາຍເຂົ້າຈີ່ທີ່ແທ້ຈິງ
(ນາງ ແຂກ ບ້ານ ສີໄຄ ເມືອງສີໂຄດຕະບອງ)

 

ສຽງຄ້ຳຄວນຈາກຊາວຄ້າຂາຍ2018/

ປູກເຫັດອາຊີບທີ່ເຮັດໄດ້ງ່າຍ2018/

ນ. ແຂກ ໃຫ້ຮູ້ວ່າ: ຕົນ ເອງເລີ່ມຂາຍເຂົ້າຈີ່ຊ່ວຍ ແມ່ມາແຕ່ອາຍຸ 14-15ປີ, ເຊິ່ງມາຮອດປັດຈຸບັນ ແມ່ ເພິ່ນກໍເຖົ້າແກ່ຫຼາຍແລ້ວ ຕົນເອງຈຶ່ງເປັນຜູ້ສືບທອດ ແລະ ຂາຍແທນເພິ່ນ ດ້ວຍ ສູດການປຸງແຕ່ງແຊບໆແບບ ເກົ່າໆເດີມໆມານໍາໃຊ້, ໂດຍ ໄດ້ເນັ້ນການຂາຍເຂົ້າຈີ່ໃສ່ ປາເຕ້ເປັນຫຼັກຕາມຄວາມ ນິຍົມຂອງລູກຄ້າ, ຍ້ອນວ່າ ເປັນປະເພດອາຫານທີ່ ຫຼາຍໆຄົນກິນງ່າຍບໍ່ວ່າ ຈະເດີນທາງໄປໃສມາໃສ, ຈະ ຂີ່ລົດຫຼືລົງເຮືອຂຶ້ນເໜືອ ລົງໃຕ້ລູກຄ້າກໍຕ້ອງໄດ້ມາ ແວ່ຊື້ໄປກິນນໍາທາງ ຫຼືຊື້ໄປ ເປັນຂອງຕ້ອນຂອງຝາກ ໃຫ້ພີ່ໃຫ້ນ້ອງ, ໝູ່ເພື່ອນ ແລະ ລູກຫຼານຢູ່ທ້ອງຖິ່ນ ຕ່າງໆ, ເຊິ່ງແຕ່ລະມື້ຈະ ມີລູກຄ້າຈາກລົດເມ-ໂດຍ ສານສາຍໃຕ້-ສາຍເໜືອ ມາແວ່ຊື້ທຸກໆເຊົ້າ ແຕ່ລະ ມື້ປະມານ 80-90 ກ້ອນທັງ ກ້ອນນ້ອຍ ແລະ ໃຫຍ່, ແຕ່ ເຖິງຢ່າງໃດຖ້າສົມທຽບ ໃສ່ 10 ປີຄືນຫຼັງແລ້ວ ແມ່ນ ໄດ້ຂາຍດີກວ່າປັດຈຸບັນໂດຍສາມາດຂາຍມື້ລະປະມານ 150-180 ກ້ອນ, ຍ້ອນວ່າ ໃນເມື່ອກ່ອນ ຍັງບໍ່ທັນມີ ຜູ້ຄົນ ປະກອບອາຊີບນີ້ ຫຼາຍ. ແຕ່ປັດຈຸບັນນີ້, ເຫັນ ວ່າໄດ້ມີຮ້ານຂາຍເຂົ້າຈີ່ ເກີດຂຶ້ນຫຼາຍ ມີການແຂ່ງ ຂັນກັນ, ເຊິ່ງນອກຈາກຄົນ ລາວແລ້ວ ຍັງມີຊາວຕ່າງ ດ້າວຈໍານວນໜຶ່ງກໍໄດ້ເຮັດ ອາຊີບດັ່ງກ່າວນີ້ເຊັ່ນກັນ.

- Wave100S AD to Website 2020 0 - ຜູ້ສືບທອດຂາຍເຂົ້າຈີ່ທີ່ແທ້ຈິງ

ນ. ແຂກ ໃຫ້ຮູ້ອີກວ່າ: ເຖິງແມ່ນມີຜູ້ປະກອບອາ ຊີບຂາຍເຂົ້າຈີ່ຫຼາຍຂຶ້ນ, ແຕ່ຕົນເອງໄດ້ມີລູກຄ້າຫຼາຍຄົນແລ້ວ, ເຊິ່ງນອກຈາກ ຢູ່ພາຍໃນນະຄອນຫຼວງ ກໍ ຍັງມີຢູ່ຕ່າງແຂວງ ແລະ ຄົນ ລາວທີ່ມາຈາກຕ່າງປະເທດມາທ່ຽວເມືອງລາວຍັງໄດ້ ມາແວ່ຊື້ເຊັ່ນກັນ ຈຶ່ງເຮັດ ໃຫ້ທຸລະກິດຂາຍເຂົ້າຈີ່ ຂອງຕົນໝັ້ນຄົງດີເໝືອນ ເດີມ.

ນອກຈາກຂາຍ ເຂົ້າຈີ ແລ້ວ, ຍັງໄດ້ຂາຍ ໂອວັນ ຕິນ, ກາເຟ ແລະ ເຄື່ອງດື່ມ ປະເພດຕ່າງໆນໍາອີກ ຈຶ່ງ ເຮັດ ໃຫ້ຜູ້ຄົນທີ່ທ່ອງທ່ຽວ ໄປມາເຫັນແລ້ວຕ້ອງໄດ້ ມາແວ່ຊື້ເປັນປະຈໍາ, ໂດຍບໍ່ ໄດ້ເດືອດຮ້ອນກັບຄູ່ແຂ່ງ ແຕ່ ຢ່າງໃດເລີຍ.

ນີ້ຄືຜູ້ສືບທອດຂາຍ ເຂົ້າຈີ່ທີ່ແທ້ຈິງ, ເຖິງແມ່ນ ຈະມີຄູ່ແຂ່ງຫຼືຊາວຄ້າຂາຍ ລາຍໃໝ່ເກີດຂຶ້ນທຸກມື້, ແຕ່ ກໍບໍ່ສາມາດເອົາຊະນະໄດ້ ຍ້ອນວ່າເຄີຍມີປະສົບການ ດ້ານນີ້ມາ 30 ກວ່າ ປີແລ້ວ ແລະ ເຮັດໃຫ້ມີລູກຄ້າ ແລະ ຂາປະຈໍາຫຼາຍພໍ ສົມຄວນ.

ອີກຢ່າງໜຶ່ງລົດຊາດ ແຊບໆຂອງເຂົ້າຈີ່ແບບດັ້ງ ເດີມຂອງລາວຍັງຄົງອະນຸ ລັກຮັກສາໄວ້ໄດ້ໂດຍຕະ ຫຼອດມາບວກກັບຄວາມ ອົດທົນພາກພຽນ ແລະ ຄວາມກະຕືລືລົ້ນຂອງລາວ ຈຶ່ງເຮັດໃຫ້ທຸລະກິດນີ້ ດໍາ ເນີນໄປດ້ວຍດີ ແລະ ສາມາດ ເອົາຊະນະຄູ່ແຂ່ງໄດ້ຈົນ ຮອດປັດຈຸບັນ.

- 222222554 - ຜູ້ສືບທອດຂາຍເຂົ້າຈີ່ທີ່ແທ້ຈິງ

- WhatsApp Image 2020 05 27 at 5 - ຜູ້ສືບທອດຂາຍເຂົ້າຈີ່ທີ່ແທ້ຈິງ
- WhatsApp Image 2020 05 27 at 5 - ຜູ້ສືບທອດຂາຍເຂົ້າຈີ່ທີ່ແທ້ຈິງ
error: Alert: ເນື້ອຫາຂ່າວມີລິຂະສິດ !!