5 ສັນຍານບອກວ່າຮ່າງກາຍຂາດວິຕາມິນອາ

- 040412 2018 - 5 ສັນຍານບອກວ່າຮ່າງກາຍຂາດວິຕາມິນອາ
- Untitled design - 5 ສັນຍານບອກວ່າຮ່າງກາຍຂາດວິຕາມິນອາ

     ວິຕາມິນອາ ເປັນວິຕາມິນທີ່ມີສ່ວນສຳຄັນຕໍ່ລະບົບຂອງຮ່າງກາຍ ຫາກກິນບໍ່ພຽງພໍຕໍ່ຄວາມຕ້ອງການຈະເຮັດໃຫ້ເກີດບັນຫາສຸຂະພາບຕ່າງໆຕາມມາໄດ້ ລອງມາກວດເບິ່ງວ່າທ່ານມີສັນຍານເຕືອນວ່າຮ່າງກາຍຂາດວິຕາມິນອາ ຫລື ໄດ້ຮັບວິຕາມິນອາບໍ່ໍພຽງພໍຢູ່ຫລືບໍ່ ? ພ້ອມແນະນຳແຫລ່ງອາຫານທີ່ມີວິຕາມິນຊະນິດນີ້ໃຫ້ນຳ.

  1. ຜິວຫຍາບ, ແຫ້ງແຕກ, ລອກ : ວິຕາມິນອາມີສ່ວນສຳຄັນໃນການຮັກສາສະພາບເນື້ອເຍື່ອຜິວໜັງ ຫາກຮ່າງກາຍໄດ້ຮັບບໍ່ ພຽງພໍຈະສົ່ງຜົນໃຫ້ຜິວໜັງຂາດຄວາມຊຸ່ມຊື່ນ, ແຫ້ງ, ຫຍາບ, ລອກ ໂດຍສະເພາະບໍລິເວນຂໍ້ສອກ ແລະ ຂໍໍ້ຕ່າງໆອາດເຮັດໃຫ້ມີສິວຂຶ້ນຕາມມານຳ.
  2. ຜົມແຫ້ງແຕກ, ເລັບຫັກງ່າຍ : ນອກຈາກນີ້ການຂາດວິຕາມິນອາຍັງເຮັດໃຫ້ຜົມຫລົ່ນ, ແຫ້ງແຕກ, ອາດມີອາການຮີມສົບແຕກ ແລະ ເລັບຈີກ – ຫັກງ່າຍນຳ.
  3. ຕາຟາງ, ຕາບອດຕອນກາງຄືນ : ວິຕາມິນອາມີສ່ວນສຳຄັນໃນການເບິ່ງເຫັນ ຫາກໄດ້ຮັບບໍ່ພຽງພໍຈະສົ່ງຜົນໃຫ້ຂາດໂປຣ ຕິນທີ່ເອີ້ນວ່າ Rhodopsin ເຊິ່ງມີຄວາມສຳຄັນໃນການເບິ່ງເຫັນຢູ່ບ່ອນມົວໆ ຫລື ຕອນກາງຄືນ ຈຶ່ງສົ່ງຜົນໃຫ້ມີການເບິ່ງເຫັນໃນຕອນກາງຄືນຜິດປົກກະຕິ ເບິ່ງບໍ່ເຫັນແຈ້ງ, ຕາຟາງ.
  4. ເນື້ອເຍື່ອຕາແຫ້ງ :ດວງຕາຂາດນຳ້ ແລະ ເມືອກ ເນື່ອງມາຈາກຕ່ອມໃນເນື້ອເຍື່ອເມືອກທີ່ຢູ່ທາງໃນຂອງເປືອກຕາ ແລະ ປົກຄຸມຢູ່ທາງໜ້າຂອງດວງຕາເຮັດວຽກໄດ້ອ່ອນແອລົງ ເຮັດໃຫ້ດວງຕາບໍ່ຊຸ່ມຊື່ນ, ແຫ້ງ ສົ່ງຜົນໃຫ້ເກີດຄວາມລະຄາຍເຄືອງໄດ້ງ່າຍ ຖ້າຮຸນແຮງອາດເຮັດໃຫ້ແກ້ວຕາເປັນບາດແຜ ແລະ ບອດໄດ້ເລີຍ.
  5. ລະບົບພູມຕ້ານທານອ່ອນແອ : ວິຕາມິນອາເປັນໂຕຊ່ວຍສຳຄັນທີ່ເຮັດໃຫ້ລະບົບພູມຕ້ານທານໃນຮ່າງກາຍຂອງເຮົາເຮັດວຽກໄດ້ຕາມປົກກະຕິ ຫາກຂາດວິຕາມິນອາຈະສົ່ງຜົນໃຫ້ລະບົບພູມຕ້ານທານເຮັດວຽກອ່ອນແອ ຮ່າງກາຍຈະເປັນພະຍາດຕິດເຊື້ອຕ່າງໆໄດ້ງ່າຍ ເຊັ່ນ : ຕິດເຊື້ອໃນລະບົບທາງເດີນຫາຍໃຈ, ອັກເສບໃນຜົ້ງດັງ, ຜົ້ງປາກ, ຄໍ, ຕ່ອມນຳ້ລາຍ, ພົກຍ່ຽວ, ທາງເດີນອາຫານ, ຊ່ອງຄອດ, ກະເພາະອາຫານ ແລະ ອື່ນໆ.

     ແຫລ່ງອາຫານທີ່ມີວິຕາມິນອາທີ່ແນະນຳມີຄື :

ຜັກຕຳນິນ ນຳ້ໜັກ 100 ກຣາມ ໃຫ້ວິຕາມິນອາ 18.608 IU, ຍອດຜັກຂະ ນຳ້ໜັກ 100 ກຣາມ ໃຫ້ວິຕາມິນອາ 10.066 IU, ຜັກກາດນາ ນຳ້ໜັກ 100 ກຣາມ ໃຫ້ວິຕາມິນອາ 9.300 IU, ຫົວກະຫລົດ 100 ກຣາມ ໃຫ້ວິຕາມິນອາ 9.000 IU, ຍອດຜັກກະຖິນ100 ກຣາມ ໃຫ້ວິຕາມິນອາ 7.883 IU, ຜັກຫົມ 100  ກຣາມ ໃຫ້ວິຕາມິນອາ 7.200 IU, ໝາກອຶ 100 ກຣາມ ໃຫ້ວິຕາມິນອາ 6.300 IU, ໝາກມ່ວງສຸກ 1 ໜ່ວຍ (ໂດຍສະເລ່ຍ) 4.000 IU, ຜັກກະລໍ່າດອກ 1 ຫົວ (ໂດຍສະເລ່ຍ) 3.150 IU, ໝາກແຕງແຄນຕາລູບ 100 ກຣາມ ໃຫ້ວິຕາມິນອາ 3.060 IU, ໝາກແຕງ 1 ກິໂລກຣາມ ໃຫ້ວິຕາມິນອາ 1.750 IU, ຜັກກາດຂາວ 100 ກຣາມ ໃຫ້ວິຕາມິນອາ 1.700 IU, ໝາກຫຸ່ງສຸກ 1 ປ່ຽງຍາວ (ໂດຍສະເລ່ຍ) 1.500 IU, ໜໍ່ໄມ້ຝຣັ່ງ 100 ກຣາມ ໃຫ້ວິຕາມິນອາ 810 IU, ໝາກເລັ່ນໃຫຍ່ 100 ກຣາມ ໃຫ້ວິຕາມິນອາ 800 IU, ໝາກເຜັດໃຫຍ່ 1 ໜ່ວຍ (ໂດຍສະເລ່ຍ) 500 – 700 IU, ໝາກໂມ 1 ປ່ຽງໃຫຍ່ ໃຫ້ວິຕາມິນອາ 700 – 1.000 IU, ໝາກສົ້ມພໍດີ 100 ກຣາມ ໃຫ້ວິຕາມິນອາ 470 IU.

- Wave100S AD to Website 2020 0 - 5 ສັນຍານບອກວ່າຮ່າງກາຍຂາດວິຕາມິນອາ

ທັງນີ້ ຮ່າງກາຍຄົນເຮົາຕ້ອງການວິຕາມິນອາໃນແຕ່ລະມື້ແມ່ນ 4.000 – 5.000 IU ຢ່າກິນຫລາຍເກີນໄປ ເພາະຈະສົ່ງຜົນ ຮ້າຍຕໍ່ຮ່າງກາຍໄດ້ ເຊັ່ນ : ຫລຸລູກ ຫລື ພິການ, ອ່ອນເພຍ, ເຈັບກະດູກ ແລະຂໍ້ຕໍ່, ເບື່ອອາຫານ, ເຊື່ອງຊຶງ, ນອນບໍ່ໍຫລັບ ເປັນຕົ້ນ.

- WhatsApp Image 2020 05 27 at 5 - 5 ສັນຍານບອກວ່າຮ່າງກາຍຂາດວິຕາມິນອາ
- WhatsApp Image 2020 05 27 at 5 - 5 ສັນຍານບອກວ່າຮ່າງກາຍຂາດວິຕາມິນອາ
error: Alert: ເນື້ອຫາຂ່າວມີລິຂະສິດ !!