ຢາກເກັ່ງພາສາອັງກິດເລີ່ມຕົ້ນໄດ້ໂດຍການຟັງເພງ

- 010412 2018 - ຢາກເກັ່ງພາສາອັງກິດເລີ່ມຕົ້ນໄດ້ໂດຍການຟັງເພງ
- Untitled design - ຢາກເກັ່ງພາສາອັງກິດເລີ່ມຕົ້ນໄດ້ໂດຍການຟັງເພງ

ການຝຶກພາສາອັງກິດດ້ວຍຕົນເອງເປັນອີກໜຶ່ງວິທີທີ່ມີປະສິດພາບຫລາຍ  ເພາະນອກຈາກຈະໄດ້ຝຶກຟັງປະໂຫຍກພາສາອັງກິດແລ້ວ ຍັງເປັນການຮຽນຮູ້ວິທີອອກສຽງນຳອີກ ແລະ ກໍບໍ່ໜ້າເບື່ອ ເຮັດໃຫ້ເຮົາມີການຮຽນຮູ້ໄດ້ດົນຍິ່ງຂຶ້ນ ຈະມີວິທີໃດແດ່ນັ້ນມາເບິ່ງກັນເລີຍ.

  1. ຫາແຫລ່ງເພງ :YouTube ແລະ Vimeo ພຽງແຕ່ 2  ເວັບໄຊນີ້ກໍມີເພງດີໆໃຫ້ເລືອກຟັງຢ່າງບໍ່ອຶດແລ້ວ ຫລື ຫາກຢາກຟັງເພງມ່ວນໆຕື່ມ ຂໍແນະນຳ  Spotify ໂປຣແກຣມຟັງເພງອອນລາຍ ຫລື FluentUເວັບໄຊທີ່ອອກແບບມາເພື່ອສ້າງຄວາມມ່ວນໃນການຮຽນພາສາຜ່ານວີດີໂອ ຫລື ເພງໂດຍສະເພາະ.
  2. ເລືອກເພງໃຫ້ເໝາະສົມ : ການເລືອກເພງທີ່ມັກຈະເຮັດໃຫ້ທ່ານຈົດຈໍ່ຢູ່ກັບການຝຶກໄດ້ດົນຂຶ້ນ. ນອກຈາກນີ້ ຄວນເລືອກເພງທີ່ໃຊ້ພາສາງ່າຍໆ ຫລື ຍາກຈົນເກີນໄປ ແນະນຳວ່າໃຫ້ເລີ່ມຝຶກຈາກເພງປັອບ ເພາະສ່ວນຫລາຍຈະເປັນເພງກ່ຽວກັບຄວາມຮັກ, ຄວາມໂຣແມນຕິກ ໃຊ້ຄຳສັບແບບງ່າຍໆ ຈາກນັ້ນເມື່ອຊຳນານຫລາຍຂຶ້ນ ຈຶ່ງຄ່ອຍແຕກສາຂາໄປຝຶກຈາກເພງປະເພດອື່ນໆທີ່ກ້ວາງຂຶ້ນ.
  3. ຝຶກຢ່າງເປັນຂັ້ນຕອນ : ການອ່ານເນື້ອເພງໄປນຳຈະເຮັດໃຫ້ເຂົ້າໃຈຄວາມໝາຍຂອງເພງ ແລະ ຈື່ຄຳສັບໄດ້ດີຍິ່ງຂຶ້ນ, ແຕ່ ການຟັງເທື່ອທຳອິດຄວນລອງຟັງແບບບໍ່ເບິ່ງເນື້ອເພງກ່ອນ ແລ້ວພະຍາຍາມຂຽນຄຳສັບ ຫລື ປະໂຫຍກເທົ່າທີ່ພໍຈັບໃຈຄວາມໄດ້ອອກມາໃຫ້ໄດ້ຫລາຍທີ່ສຸດ ຈາກນັ້ນຈຶ່ງຄ່ອຍຟັງຊຳ້ອີກ ໂດຍເປີດເນື້ອເພງຕາມໄປນຳ.
  4. ຮ້ອງເພງຕາມເນື້ອທີ່ໄດ້ຍິນ :ເວລາຮ້ອງນຳຂໍໃຫ້ຮ້ອງຢ່າງເຕັມສຽງ ແລະ ເໜັງປາກຢ່າງເຕັມທີ່ເພື່ອເປັນການຝຶກກ້າມຊີ້ນຮີມສົບ ເພາະພາສາອັງກິດມີການໃຊ້ກ້າມຊີ້ນຮີມສົບຫລາຍກ່ວາພາສາລາວ ຝຶກເລື້ອຍໆຈະເຮັດໃຫ້ສຳນຽງເຮົາໃກ້ຄຽງກັບເຈົ້າຂອງພາສາຫລາຍຍິ່ງຂຶ້ນ.
  5. ຮ້ອງເພງຈາກຄວາມຈື່ : ເໝາະສຳລັບຄົນທີ່ຝຶກພາສາອັງກິດດ້ວຍຕົນເອງມາໄດ້ໄລຍະໜຶ່ງຈົນຊຳນານໃນລະດັບໜຶ່ງ ເລີ່ມຈື່ຈຳເນື້ອຮ້ອງຂອງບາງເພງໄດ້ແດ່ແລ້ວ ຢູ່ວ່າງໆກໍລອງຝຶກຮ້ອງເພງເປັນພາສາອັງກິດແບບບໍ່ເບິ່ງເນື້ອຮ້ອງເບິ່ງ ຈະຊ່ວຍໃຫ້ເຮົາລຶ້ງເຄີຍກັບການໃຊ້ພາສາອັງກິດໃນຊີວິດປະຈຳວັນຫລາຍຂຶ້ນ.
  6. ຟັງເພງສະຫລັບໄປສະຫລັບມາ : ຈາກຂັ້ນຕອນທີ່ແນະນຳມາທັງໝົດ ບໍ່ຈຳເປັນຕ້ອງເລືອກເພງມາໜຶ່ງເພງແລ້ວເນັ້ນໃສ່ໃນການຝຶກເພງນັ້ນຊຳ້ໆຢູ່ພຽງດຽວ ໃນຮອບທຳອິດອາດຈະຟັງແບບຜ່ານໆ ແລ້ວເບິ່ງເນື້ອຕາມໄປຫລາຍໆເພງກ່ອນ ຈາກນັ້ນຈຶ່ງ ຄ່ອຍກັບມາຟັງເພງທຳອິດແລ້ວທົບທວນຄຳສັບກໍບໍ່ຜິດຫຍັງ.
  7. ຟັງເພງໃໝ່ຢູ່ລະດັບຍາກຂຶ້ນ : ເພື່ອການຝຶກຝົນທີ່ມີປະສິດທິພາບ ຄວນທ້າທາຍໂຕເອງໂດຍການເລືອກເພງຢູ່ລະດັບທີ່ຍາກ ຂຶ້ນ ເຊິ່ງຈະເຮັດໃຫ້ເຮົາໄດ້ສຳນວນ ແລະ ຄັງຄຳສັບໃໝ່ໆເພີ່ມຫລາຍຂຶ້ນໄປນຳ ຖ້າບໍ່ຮູ້ວ່າຈະເລືອກເພງຕາມລຳດັບຄວາມຍາກ ງ່າຍແນວໃດດີ ເວັບໄຊ FluentUສາມາດຊ່ວຍທ່ານໄດ້.

7 ວິທີທີ່ກ່າວມາຂ້າງເທິງນີ້ສາມາດຊ່ວຍໃຫ້ທ່ານເກັ່ງພາສາອັງກິດຂຶ້ນໄດ້, ແຕ່ແນວໃດກໍຕ້ອງໝັ່ນຕັ້ງໃຈຝຶກຝົນຢູ່ເລື້ອຍໆນຳ.

 

- Wave100S AD to Website 2020 0 - ຢາກເກັ່ງພາສາອັງກິດເລີ່ມຕົ້ນໄດ້ໂດຍການຟັງເພງ
- WhatsApp Image 2020 05 27 at 5 - ຢາກເກັ່ງພາສາອັງກິດເລີ່ມຕົ້ນໄດ້ໂດຍການຟັງເພງ
- WhatsApp Image 2020 05 27 at 5 - ຢາກເກັ່ງພາສາອັງກິດເລີ່ມຕົ້ນໄດ້ໂດຍການຟັງເພງ
error: Alert: ເນື້ອຫາຂ່າວມີລິຂະສິດ !!