UN ເຜີຍຜູ້ຍິງ ແລະ ເດັກຍິງ 150 ກວ່າຄົນ ຖືກຂົ່ມຂືນໃນຊູດັງໃຕ້

- 1543893560167 960x0 - UN ເຜີຍຜູ້ຍິງ ແລະ ເດັກຍິງ 150 ກວ່າຄົນ ຖືກຂົ່ມຂືນໃນຊູດັງໃຕ້
- 174233 - UN ເຜີຍຜູ້ຍິງ ແລະ ເດັກຍິງ 150 ກວ່າຄົນ ຖືກຂົ່ມຂືນໃນຊູດັງໃຕ້

ຜູ້ອຳນວຍການ​ໜ່ວຍ​ງານ​ໃນ​ສັງກັດ​ສະຫະ​ປະຊາ​ຊາດ ​ເປີດ​ເຜີຍ​ວ່າ: ​ໃນ​ໄລຍະ 12 ວັນ​ຜ່ານ​ມາ ມີ​ຜູ້ຍິງ ​ແລະ ​ເດັກ​ຍິງ 150 ກວ່າ​ຄົນ​ມາ​ຂໍ​ການ​ຊ່ວຍ​ເຫລືອ​ໃນ​ຊູ​ດັງ​ໃຕ້ ​ໂດຍ​ບອກ​ວ່າ​ຖືກ​ຂົ່ມຂືນ ​ແລະ ກະທຳ​ຮຸນ​ແຮງ​ທາງ​ເພດ​ຕ່າງໆ.

ຖະ​ແຫລ​ງການ​ຮ່ວມ​ຂອງ​ຜູ້ອຳນວຍການ​ຢູນິ​ເຊັບ, ​ໂຄງການ​ບັນ​ເທົາ​ທຸກ UN ​ແລະ ​ໂຄງການປະຊາກອນ UN ສາມ​ໜ່ວຍ​ງານ​ໃນ​ສັງກັດ​ສະຫະ​ປະຊາ​ຊາດ ລະບຸ​ວ່າ: ກຸ່ມ​ຊາຍ​ຕິດ​ອາວຸດ ສ່ວນ​ຫລາຍ​​ໃສ່​ຊຸດ​ເຄື່ອງ​ແບບ​ກໍ່​ເຫດ​ທຳຮ້າຍ​ໂຈມ​ຕີ​ໃກ້​ເມືອງ​ເບ​ນຕິວ ​ໂດຍ​ຂໍ​ປະນາມ​ການ​ກະທຳ​ດັ່ງກ່າວ ​ແລະ ຮຽກຮ້ອງ​ໃຫ້​ທາງ​ການ​ຊູ​ດັງ​ໃຕ້​ນຳ​ເອົາ​ຜູ້​ກະທຳ​ຜິດ​ມາ​ດຳ​ເນີນ​ຄະດີ​ຕາມ​ກົດໝາຍ. ກຸ່ມ​ແພດ​ໄຮ້ພົມ​ແດນ ລາຍ​ງານ​ໃນອາທິດ​ຜ່ານ​ມາ​ວ່າ: ຜູ້ຍິງ ​ແລະ ​ເດັກ​ຍິງ​ຖືກ​ຂົ່ມຂືນ​ລະຫວ່າງ​ເດີນທາງ​ມາ​ສູນ​ແຈກ​ຢາຍ​ອາຫານ​ສຸກ​ເສີນທີ່​ໜ່ວຍ​ງານ​ບັນ​ເທົາ​ທຸກ​ສາກົນ​ຈັດ​ຂຶ້ນ. ນັບ​ແຕ່​ສົງຄາມ​ປີ 2013 ມີ​ລາຍ​ງານ​ຄວາມ​ຮຸນ​ແຮງ​ທາງ​ເພດ​ຮ້າຍ​ແຮງ​ຢູ່​ຊູ​ດັງ​ໃຕ້. ຖະ​ແຫລ​ງການ UN ລະບຸ​ວ່າ: ​ໄລຍະ​ເຄິ່ງທຳ​ອິດ​ຂອງ​ປີ 2018 ມີ​ລາຍ​ງານ​ຄວາມ​ຮຸນ​ແຮງ 2.300 ກໍລະນີ ສ່ວນ​ຫລາຍ​ຜູ້ຍິງ ​ແລະ ​ເດັກ​ຍິງ​ຕົກ​ເປັນ​ເຫຍື່ອ ​ແລະ ​ເຫຍື່ອ​ຫລາຍ​ກວ່າ 20% ​ເປັນ​ເດັກ. ນອກຈາກ​ນີ້ UN ຄາດ​ວ່າ​ຕົວ​ເລກ​ຄະດີ​ຂົ່ມຂືນ​ທີ່​ແທ້​ຈິງ​ມີ​ຈຳນວນ​ສູງ​ກວ່າ​ນີ້ ​ເນື່ອງ​ຈາກ​ບໍ່​ມີ​ລາຍ​ງານ​ຫລາຍ​ຄົນ.

- Wave100S AD to Website 2020 0 - UN ເຜີຍຜູ້ຍິງ ແລະ ເດັກຍິງ 150 ກວ່າຄົນ ຖືກຂົ່ມຂືນໃນຊູດັງໃຕ້
- WhatsApp Image 2020 05 27 at 5 - UN ເຜີຍຜູ້ຍິງ ແລະ ເດັກຍິງ 150 ກວ່າຄົນ ຖືກຂົ່ມຂືນໃນຊູດັງໃຕ້
error: Alert: ເນື້ອຫາຂ່າວມີລິຂະສິດ !!