ຜູ້ນຳ G20 ປະກາດປະຕິຮູບ ອົງການການຄ້າໂລກ

- 1543803949545 960x0 - ຜູ້ນຳ G20 ປະກາດປະຕິຮູບ ອົງການການຄ້າໂລກ
- Untitled design - ຜູ້ນຳ G20 ປະກາດປະຕິຮູບ ອົງການການຄ້າໂລກ

ຜູ້ນຳ​ກຸ່ມ​ປະ​ເທດ​ເສດຖະກິດ​ຂະໜາດ​ໃຫຍ່ (G20) ປະກາດ​ປະຕິ​ຮູບ​ອົງການ​ການ​ຄ້າ​ໂລກ​ທີ່​ມີໜ້າ​ທີ່​ເບິ່ງ​ແຍງ​ຂໍ້​ຂັດ​ແຍ່ງ​ການ​ຄ້າ​ໂລກ ​ແຕ່​ບໍ່​ໄດ້​ເວົ້າ​ເຖິງ​ເລື່ອງ​ການ​ປົກ​ປ້ອງ​ທາງ​ການ​ຄ້າ.

ຜູ້ນຳ G20 ອອກ​ຖະ​ແຫລ​ງການ​ເທື່ອ​ທຳ​ອິດ​ນັບ​ແຕ່​ກອງ​ປະຊຸມ​ສຸດ​ຍອດ​ຄັ້ງທຳ​ອິດ ຢູ່​ນະຄອນຫລວງ​ວໍ​ຊິງ​ຕັນ​ເມື່ອ 10 ປີ​ກ່ອນ ລະບຸ​ວ່າ: ຈຳ​ເປັນ​ຕ້ອງ​ປະຕິ​ຮູບ​ອົງການ​ການ​ຄ້າ​ໂລກ ​ເພື່ອ​ໃຫ້​ເຮັດ​ໜ້າ​ທີ່​ໄດ້​ດີ​ຂຶ້ນ, ​ແຕ່​ບໍ່​ມີ​ລາຍ​ລະອຽດ​ຂອງ​ມາດ​ຕະການ​ປະຕິ​ຮູບ. ​ແຫ​ລ່ງຂ່າວ​ໃນ​ການ​ຮ່າງ​ຖະ​ແຫລ​ງ​ເບິ່ງ​ວ່າ: ກອງ​ປະຊຸມ​ປະສົບ​ຜົນສຳ​ເລັດ​ໃນ​ການ​ເຮັດ​ໃຫ້​ອາ​ເມ​ລິ​ກາຍ​ອມຮັບ​ການ​ຫາ​ທາງ​ອອກ​ລະດັບ​ໂລກ ​ເພາະ​ເປັນ​ເທື່ອ​ທຳ​ອິດ​ທີ່​ຈີນ ​ແລະ ອາ​ເມ​ລິ​ກາ ຕົກລົງ​ຈະ​ກ່ຽວຂ້ອງ​ກັບ​ອົງການ​ການ​ຄ້າ​ໂລກ. ​ເຊັ່ນ​ດຽວ​ກັບ​ເຈົ້າໜ້າ​ທີ່​ເອີຣົບ​ເບິ່ງ​ວ່າ: ການຈະ​ບັນລຸ​ຂໍ້​ຕົກລົງ​ໄດ້​ຈະ​ຕ້ອງ​​ໃຫ້​ຈີນ​ເຂົ້າຮ່ວມ​ການ​ຫາລື​ໂດຍ​ທັນທີ ຢ່າ​ເຮັດ​ໃຫ້​ຈີນ​ຮູ້ສຶກ​ວ່າ​ຖືກ​ລຸ​ມຄື​ໃນ​ການ​ປະຊຸມ​ສຸດ​ຍອດ​ກຸ່ມ​ການ​ຮ່ວມ​ມື​ທາງ​ເສດຖະກິດ​ໃນ​ອາຊີ-ປາຊີ​ຟິກ (​ເອ​ເປ​ັກ) ​ໃນ​ກາງ​ເດືອນ​ພະຈິກ​ທີ່​ບໍ່​ສາມາດ​ອອກ​ຖະ​ແຫລ​ງການ​ຮ່ວມ​ໄດ້​ເປັນ​ເທື່ອ​ທຳ​ອິດ​ນັບ​ແຕ່​ສ້າງຕັ້ງຂຶ້ນ​ເມື່ອ 30 ປີ​ກ່ອນ.

​ເຖິງ​ຢ່າງ​ໃດ​ກໍ​ດີ, ​ເຈົ້າໜ້າ​ທີ່​ເອີຣົບ​ເປີດ​ເຜີຍ​ວ່າ: ຄຳ​ຫລາຍ​ຄຳ​ທີ່​ມັກ​ໃຊ້​ໃນ​ຖະ​ແຫລ​ງການ​ກຸ່ມ​ປະ​ເທດ​ອຸດສາຫະກຳ​ຊັ້ນນຳ (G7) ​ແລະ G20 ​ໄດ້​ກາຍ​ເປັນ​ຄຳ​ຕ້ອງ​ຫ້າມ​ໃນ​ກອງ​ປະຊຸມ​ຄັ້ງນີ້​ເຊັ່ນ: ຄຳ​ວ່າ: “ປົກ​ປ້ອງ​ທາງ​ການ​ຄ້າ” ທີ​່ລັດຖະບານ​ຖືກ​ວິຈານ​ວ່າ​ໃຊ້​ພາສີ​ເປັນ​ເຄື່ອງມື, ຄຳ​ວ່າ: “ການ​ຄ້າ​ທີ່​ເປັນ​ທຳ” ທີ່​ລັດຖະບານ​ຈີນ​ຖືກ​ອາ​ເມ​ລິ​ກາ, ​ເອີຣົບ ​ແລະ ຍີ່ປຸ່ນ​ວິຈານ​ເລື່ອງ​ທຸ່ມ​ຕະຫລາດ, ອຸດ​ໜູນ​ອຸດສາຫະກຳ, ລະ​ເມີດ​ຊັບ​ສິນ​ທາງ​ປັນຍາ ​ແລະ ບັງຄັບ​ຖ່າຍ​ທອດ​ເຕັກ​ໂນ​ໂລ​ຊີ ຫລື ຄຳ​ວ່າ: “ພະຫຸ​ພາຄີ” ກໍ​ບໍ່​ມີ ​ເພື່ອ​ໃຫ້​ເກີດ​ບັນຍາກາດ​ແຫ່ງ​ການ​ຮ່ວມ​ມື​ກັນ.

- Wave100S AD to Website 2020 0 - ຜູ້ນຳ G20 ປະກາດປະຕິຮູບ ອົງການການຄ້າໂລກ
- WhatsApp Image 2020 05 27 at 5 - ຜູ້ນຳ G20 ປະກາດປະຕິຮູບ ອົງການການຄ້າໂລກ
- WhatsApp Image 2020 05 27 at 5 - ຜູ້ນຳ G20 ປະກາດປະຕິຮູບ ອົງການການຄ້າໂລກ
error: Alert: ເນື້ອຫາຂ່າວມີລິຂະສິດ !!