ປະທານ ຢູຟາ ພ້ອມລົງໂທດ ແມນຊິຕີ້ ຢ້ອນຫລັງຄະດີກົດການເງິນ

- news201812041117197 - ປະທານ ຢູຟາ ພ້ອມລົງໂທດ ແມນຊິຕີ້ ຢ້ອນຫລັງຄະດີກົດການເງິນ
- Untitled design - ປະທານ ຢູຟາ ພ້ອມລົງໂທດ ແມນຊິຕີ້ ຢ້ອນຫລັງຄະດີກົດການເງິນ

ອາ​ເລັກ​ຊານ​ເດີ ​ເຊ​ເຟຣິນ ປະທານ ຢູຟາ ລະບຸ​ວ່າ: ພ້ອມ​ດຳ​ເນີນ​ການ​ລົງ​ໂທດ​ຢ້ອນ​ຫລັງ​ທີ​ມທີ່​ເຄີຍ​ລະ​ເມີດ​ກົດ​ຄວບ​ຄຸມ​ການ​ເງິນ ​ເຊິ່ໜຶ່ງ​ໃນ​ນັ້ນຄື ​ແມນ​ເຊັສ​ເຕີ ຊິ​ຕີ້ ​ແລະ ການ​ລົງ​ໂທດ​ອາດ​ຮຸນ​ແຮງ​ເຖິງ​ຂັ້ນສັ່ງ​ຫ້າມ​ຈາກ​ການ​ລົງ​ຫລິ້ນລາຍການ​ລະດັບ​ທະວີບ​ເອີຣົບ.

ອາ​ເລັກ​ຊານ​ເດີ ​ເຊ​ເຟຣິນ ປະທານ​ສະຫະພັນ​ບານ​ເຕະ​ເອີຣົບ (ຢູຟາ) ຢືນຢັນ​ວ່າ: ພ້ອມ​ຈະ​ລົງ​ໂທດ​ຢ້ອນ​ຫລັງ​ທີ​ມທີ່​ລະ​ເມີດ​ກົດ​ຄວບ​ຄຸມ​ການ​ເງິນ​ເຊັ່ນ: ​ແມນ​ເຊັສ​ເຕີ ຊິ​ຕີ້ ສະ​ໂມ​ສອນ​ມະຫາ​ເສດຖີ​ແຫ່ງ ພຣີ​ເມຍ​ລີກ ອັງກິດ. ຖ້າ​ຫາກ​ກວດ​ສອບ​ແລ້ວ​ພົບ​ວ່າ​ທີ​ມ​ເຫລົ່າ​ນີ້​ເຮັດ​ຜິດ​ແທ້.

​ແມນ ຊິ​ຕີ້ ​ເຄີຍ​ຖືກຕັ້ງຂໍ້​ສົງ​ໄສ​ວ່າ​ລະ​ເມີດ​ກົດ​ຄວບ​ຄຸມ​ການ​ເງິນ ຫລັງ​ຈາກ​ພວກ​ເຂົາ​ໃຊ້​ເງິນ​ເສີມ​ທີ​ມ​ເປັນ​ຈຳນວນ​ຫລາຍ ​ໂດຍ​ຕອນ​ນັ້ນພວກ​ເຂົາ​ມີ​ສິດ​ຖືກ​ລົງ​ໂທດ​ແບບ​ຮຸນ​ແຮງ​ທີ່​ສຸດ​ເປັນ​ການ​ຖືກ​ຕັດ​ສິດ​ຈາກ​ການ​ຫລິ້ນ ຢູຟາ ​ແຊມ​ປ້ຽນລີກ ​ໃນ​ລະດູ​ການ 2014-15.

​ເຖິງ​ຢ່າງ​ໃດ​ກໍ​ຕາມ,  ​ເມື່ອ​ບໍ່​ດົນ​ມາ​ນີ້ ​ບານ​ເຕະ ລີກ ​ເວັບ​ໄຊ​ແນວ​ເປີດ​ເຜີຍ​ເລື່ອງ​ລັບ​ຂອງ​ວົງ​ການ​ບານ​ເຕະ​ອອກ​ມາລາ​ຍງານ​ວ່າ: ​ແມນ​ເຊັສ​ເຕີ ຊິ​ຕີ້ ລວມທັງ ປາຣີ ​ແຊງ​ແຊກ​ແມງ ຕັ້ງ​ໃຈ​ໃສ່​ຂໍ້​ມູນ​ເລື່ອງ​ລາຍ​ໄດ້​ຈາກ​ຜູ້​ສະໜັບສະໜູນ​ສູງ​ເກີນ​ຄວາມ​ເປັນ​ຈິງ ​ເພື່ອ​ພວກ​ເຂົາ​ຈະ​ໄດ້​ບໍ່​ຖືກ​ລົງ​ໂທດ​ຂັ້ນຮ້າຍ​ແຮງ.

- Wave100S AD to Website 2020 0 - ປະທານ ຢູຟາ ພ້ອມລົງໂທດ ແມນຊິຕີ້ ຢ້ອນຫລັງຄະດີກົດການເງິນ

ທັງ​ນີ້, ​ເມື່ອ​ບໍ່​ດົນ​ມາ​ນີ້ ຢູຟາ ປະກາດ​ວ່າ​ພວກ​ເຂົາ​ຈະ​ເອົາ​ຄະ​ດີ​ນີ້​ມາ​ສອບ​ສວນ​ໃໝ່, ຖ້າ​ພົບ​ວ່າ​ມີ​ການລະ​ເມີດ​ກົດ​ແທ້, ສະຫະພັນ​ບານ​ເຕະ​ເອີຣົບພ້ອມ​ຈະ​ລົງ​ໂທດ​ທີ່​ເໝາະ​ສົມ ​ເຊິ່ງບົດ​ລົງ​ໂທດ​ທີ່​ຮ້າຍ​ແຮງ​ທີ່​ສຸດ​ຄື​ການ​ຕັດ​ສິດ​ທີ​ມທີ່​ເຮັດ​ຜິດ​ກົດ​ຈາກ​ການ​ລົງ​ຫລິ້ນລາຍການ​ລະດັບ​ທະວີບ​ເອີຣົບ​ເຊັ່ນ: ຢູຟາ ​ແຊມ​ປ້ຽນລີກ.

- WhatsApp Image 2020 05 27 at 5 - ປະທານ ຢູຟາ ພ້ອມລົງໂທດ ແມນຊິຕີ້ ຢ້ອນຫລັງຄະດີກົດການເງິນ
- WhatsApp Image 2020 05 27 at 5 - ປະທານ ຢູຟາ ພ້ອມລົງໂທດ ແມນຊິຕີ້ ຢ້ອນຫລັງຄະດີກົດການເງິນ
error: Alert: ເນື້ອຫາຂ່າວມີລິຂະສິດ !!