ເມືອງວຽງໄຊ ສົມເປັນຖານທີ່ໝັ້ນອັນແໜ້ນແກ່ນ

- 36985554 - ເມືອງວຽງໄຊ ສົມເປັນຖານທີ່ໝັ້ນອັນແໜ້ນແກ່ນ
- Untitled design - ເມືອງວຽງໄຊ ສົມເປັນຖານທີ່ໝັ້ນອັນແໜ້ນແກ່ນ

ການສະເຫລີມສະຫລອງ ເມືອງວຽງໄຊຖານທີ່ໝັ້ນ ຂອງການປະຕິວັດ ຄົບຮອບ 50 ປີ ໄດ້ສຳເລັດລົງຢ່າງ     ຍິ່ງໃຫຍ່ອາລັງການໃນວັນ       ທີ 30 ພະຈິກນີ້ເອງເຖິງວ່າ  ງານ ດັ່ງກ່າວໄດ້ຜ່ານພົ້ນ ໄປໄດ້ຫລາຍວັນແລ້ວກໍ   ຕາມ, ແຕ່ອາຍອຸ່ນ ແລະ ພາບ ແຫ່ງ ຄວາມຊົງຈຳຍັງສະ    ຖິດຢູ່ນຳຊາວເມືອງວຽງ     ໄຊ, ປະຊາຊົນບັນດາເຜົ່າ ແຂວງຫົວພັນ ກໍຄືຊາວລາວ ໃນທົ່ວປະເທດ.

ເມື່ອຕັ້ງໂຈດກັນວ່າ ເປັນ ຫຍັງ? ພັກ ແລະ ລັດຖະບານ ເຮົາ ຈຶ່ງຈັດໃຫ້ມີການສະ       ເຫລີມສະຫລອງຢ່າງຍິ່ງ ໃຫຍ່ອາລັງການໃນຄັ້ງນີ້? ສາເຫດກໍຍ້ອນວ່າຕະຫລອດ ໄລຍະ ຂອງການປະຕິວັດປົດ ປ່ອຍຊາດເມືອງວຽງໄຊ ໄດ້ ເປັນທີ່ໝັ້ນອັນແໜ້ນແກ່ນ ໃຫ້ແກ່ການປະຕິວັດ, ເປັນ ບ່ອນຕັ້ງຖານທັບຂອງຂະ ບວນການແນວລາວອິດສະ ຫລະ ແລະ ແນວລາວຮັກຊາດ ໃນເມື່ອກ່ອນ. ບັນດານັກປະ ຕິວັດຈາກຮຸ້ນສູ່ຮຸ້ນແຕ່ນ້ອຍ ຫາໃຫຍ່ ໃນອາດີດເຖິງ         ປັດຈຸບັນກໍລ້ວນແລ້ວແຕ່        ໄດ້ຜ່ານການຝຶກຝົນຫລໍ່      ຫລອມຢູ່ທີ່ ເມືອງວຽງໄຊ    ເປັນສ່ວນຫລາຍ.

ເພາະສະນັ້ນ, ຈຶ່ງເວົ້າ ໄດ້ວ່າຖານທີ່ໝັ້ນເມືອງວຽງ ໄຊໄດ້ມີບຸນຄຸນຢ່າງຍິ່ງໃຫຍ່ ລົ້ນເຫລືອຕໍ່ການປະຕິວັດລາວ ແລະ ຕໍ່ການກຳເນີດເກີດ ຂຶ້ນຂອງ ສາທາລະນະລັດ ປະຊາທິປະໄຕ ປະຊາຊົນ  ລາວ ໃນໄລຍະສົງຄາມຕ້ານ ຈັກກະພັດຜູ້ຮຸກຮານ, ສັດຕູ ໄດ້ເຮັດທຸກວິທີ, ເຮັດທຸກສິ່ງ ທຸກຢ່າງເພື່ອຫວັງທຳລາຍ ມ້າງເພ ແລະ ດັບສູນກຳລັງ ປະຕິວັດ ຢູ່ທີ່ເມືອງວຽງໄຊ ແຕ່ພວກເຂົາກໍບໍ່ສາມາດ ທຳລາຍໄດ້.

ກໍຍ້ອນວ່າທີ່ຕັ້ງຂອງ ເມືອງວຽງໄຊເປັນເຂດພູ   ຜາ, ມີຖ້ຳນ້ອຍໃຫຍ່, ມີຫ້ວຍ   ຮ່ອງຄອງບຶງ ແລະ ມີໜອງ ນ້ຳອັນ ອຸດົມສົມບູນ, ມີພູມ ສັນຖານທີ່ເໝາະສົມແກ່ ການລີ້ຊ້ອນປ່ອນຕົວຂອງ ກຳລັງປະຕິວັດ, ສາມາດລົບ ຫລີກຮ່າກະສູນ, ລູກລະເບີດ ນ້ອຍໃຫຍ່ຕະຫລອດຍົນ ທຸກຊະນິດ ຂອງຝ່າຍຂ້າເສີກ ທີ່ຈະເຂົ້າໄປບຸກລຸກທຳລາຍ ໄດ້ເປັນຢ່າງດີ.

ໃນແຕ່ລະຖ້ຳກໍສາມາດ ບັນຈຸຄົນໄດ້ຢ່າງຫລວງ ຫລາຍ, ກາຍເປັນທີ່ພັກພາ  ອາໄສ, ເປັນຫ້ອງການ, ສຳ ນັກງານອົງການທີ່ຮັບປະ   ກັນຕໍ່ຄວາມລັບ ແລະ ຄວາມ ປອດໄພ.

ໃນຊຸມປີ 1960 ເປັນ ຊ່ວງໄລຍະທີ່ມີສົງຄາມດຸ ເດືອດໜັກໜ່ວງຂ້ຽວຂາດ, ຝ່າຍສັດຕູ ໄດ້ອາໄສຍົນທຸກ ຊະນິດ ໂດຍສະເພາະແມ່ນ   ເຕ 28 ເບ 52 ໄປຖິ້ມລະເບີດ ໃສ່ໃນແຕ່ລະມື້ປານຮ່າຝົນ ແຕ່ສ່ວນຫລາຍກໍໄປບໍ່ມົ້ມ ຍ້ອນ ປຕອ ທີ່ຕັ້ງຢັງຢາຍ ຢູ່ພື້ນດິນ, ຕາມຫົວພູ, ຫົວຜາ ເປັນພັນເປັນໝື່ນ.

ເວລາຍົນຂອງສັດຕູ ເຈີ້ຍຂຶ້ນລົງຫວັງຈະຖະຫລົ່ມ ເປົ້າໝາຍແຕ່ກໍພໍດີຕຳເປະ ກັບລູກປືນ ປຕອ ທີ່ຂຶ້ນຈາກ ໜ້າດິນ, ຈາກປາຍພູ, ປາຍ ຜາປານຫ່າຝົນເໝືອນກັນ ສ່ວນເບ 52 ທີ່ບໍ່ ກ້າບິນລົງ ຕ່ຳກໍມີລູກສອນໄຟມະຫາ ປາໄລ ຍິ່ງຂຶ້ນໄລ່ລ່າຕາມກົ້ນ ຍົນເບ 52 ມັນບິນປົບເຈີ້ຍ ເຈີດໄປທາງໃດລູກສອນ ໄຟ ກໍໄລ່ລ່າປານວ່າມີເຫລັກ ກ້າດຶງດູດມັນເຂົ້າໄປທຳ ລາຍຍົນຢ່າງແມ່ນຢຳ.

- Wave100S AD to Website 2020 0 - ເມືອງວຽງໄຊ ສົມເປັນຖານທີ່ໝັ້ນອັນແໜ້ນແກ່ນ

ເບິ່ງບັນຍາກາດການ ສູ້ຮົບກັນບົນເວຫາອາກາດ ມັນຄ້າຍຄືປາງບຸນໃຫຍ່ຈົນ ເຮັດໃຫ້ນັກຮົບປະຕິວັດລາວ ທຸກຄົນກາຍເປັນຄົນລືມຕາຍ.

ການສູ້ຮົບກັນຢູ່ບົນ      ໜ້າດິນໜ່ວຍກອມມັງໂດ (Command) ກອງຕີ ພິເສດ ຂອງຝ່າຍສັດຕູກໍບໍ່ ສາມາດເຂົ້າໄປທຳລາຍ ຮອດເຂດເມືອງວຽງໄຊ  ແລະ ແຂວງຫົວພັນໄດ້ ຍ້ອນ ເຂົ້າໄປເທື່ອໃດກໍບໍ່ສາມາດ ຜ່ານດ່ານຈັນເຈົາກັບຫວັງ ເສົາມາຮັ້ນ.

ກົງກັນຂ້າມຍິ່ງສູ່ຮົບ ກັນເທົ່າໃດເຂດປົດປ່ອຍກໍ ຍິ່ງແຜ່ຂະຫຍາຍໄປເປັນບໍ ລິເວນກວ້າງຈາກແຂວງ ຫົວພັນແລ້ວກໍໄປເຖິງຜົ້ງ ສາລີລາມລົງໄປພາກກາງ ພາກໃຕ້.

ຍິ່ງຕີກໍຍິ່ງຊະນະຂະຫຍາຍເຂດປົດປ່ອຍອອກ ຈົນໄດ້ 3 ສ່ວນ 4 ຂອງ ປະ ເທດ, ສຸດທ້າຍກໍສາມາດປົດປ່ອຍໄດ້ທົ່ວປະເທດໃນ      ປີ 1975. ສາມາດປະກາດ ລົບລ້າງລະບອບລາຊາທິ ປະໄຕສ້າງຕັ້ງປະເທດລາວ ຍຸກໃໝ່ຄື ສາທາລະນະລັດ ປະຊາທິປະໄຕ ປະຊາຊົນ ລາວນີ້ລະຄືທີ່ມາຂອງ       ປະຫວັດສາດມັນສົມແລ້ວ ວ່າເມືອງວຽງໄຊເປັນຖານ ທີ່ໝັ້ນອັນແໜ້ນແກ່ນ        ຂອງການປະຕິວັດລາວ         ອີ່ຫລີອີ່ຫລໍ./.

- 96553224771 1 - ເມືອງວຽງໄຊ ສົມເປັນຖານທີ່ໝັ້ນອັນແໜ້ນແກ່ນ
- WhatsApp Image 2020 05 27 at 5 - ເມືອງວຽງໄຊ ສົມເປັນຖານທີ່ໝັ້ນອັນແໜ້ນແກ່ນ
- WhatsApp Image 2020 05 27 at 5 - ເມືອງວຽງໄຊ ສົມເປັນຖານທີ່ໝັ້ນອັນແໜ້ນແກ່ນ
error: Alert: ເນື້ອຫາຂ່າວມີລິຂະສິດ !!