ລັດຖະບານປະດັບຫຼຽນໄຊແຮງງານໃຫ້ກົມກອງ ແລະບຸກຄົນຂອງບໍລິສັດເບຍລາວ

- advert banner 728 90 728x90 - ລັດຖະບານປະດັບຫຼຽນໄຊແຮງງານໃຫ້ກົມກອງ ແລະບຸກຄົນຂອງບໍລິສັດເບຍລາວ


    ໃນທ້າຍອາທິດຜ່ານມານີ້,ບໍລິສັດເບຍລາວ ຈໍາກັດ, ໄດ້ຈັດສະເຫຼີມສະຫຼອງວັນສ້າງຕັ້ງບໍລິສັດຄົບຮອບ 45 ປີດ້ວຍບັນຍາກາດຟົດຟື້ນ ທີ່ພັດຕະຄານແກ້ວມີໄຊ, ໂດຍມີການນໍາພັກ-ລັດ ພ້ອມດ້ວຍແຂກ , ຄະນະບໍລິຫານ ແລະ ພະນັກງານບໍລິສັດ ເຂົ້າຮ່ວມເປັນຈໍານວນຫຼາຍ,

- new3 - ລັດຖະບານປະດັບຫຼຽນໄຊແຮງງານໃຫ້ກົມກອງ ແລະບຸກຄົນຂອງບໍລິສັດເບຍລາວ

  ໃນໂອກາດນີ້, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ສົມດີ ດວງດີ ໄດ້ຕາງໜ້າລັດຖະບານໃຫ້ກຽດປະດັບຫຼຽນໄຊແຮງງານຊັ້ນ I, ຊັ້ນ II, ຊັ້ນ III ໃຫ້ກົມກອງ ແລະ ຄະນະບໍລິຫານບໍລິສັດ. ຈາກນັ້ນທ່ານລັດຖະມົນຕີກະຊວງອຸດສາຫະກໍາ ແລະ ການຄ້າ ທ່ານນາງ ເຂັມມະນີ ພົນເສນາ ໄດ້ໃຫ້ກຽດຂຶ້ນມອບຫຼຽນການແຮງງານ, ໃບຍ້ອງຍໍລັດຖະບານ ແລະ ໃບຍ້ອງຍໍຂອງກະຊວງອຸດສາຫະກໍາ ແລະ ການຄ້າ ໃຫ້ພະນັກງານທີ່ມີຜົນງານດີເດັ່ນປະກອບສ່ວນເຂົ້າໃນການເຄື່ອນໄຫວວຽກງານຈົນນໍາພາບໍລິສັດມີການເຕີບໃຫຍ່ຂະຫຍາຍຕົວຂຶ້ນຢ່າງບໍ່ຢຸດຢັ້ງ.

    ທ່ານ ສູນທອນ ພົມມະຈັກ ຮອງອໍານວຍການບໍລິສັດ ເບຍລາວ ໄດ້ຕາງໜ້າຄະນະບໍລິຫານ ແລະ ພະນັກງານຂຶ້ນມີຄໍາເຫັນວ່າ: ຕະຫລອດ 45 ປີຜ່ານມາ, ບໍລິສັດ ເບຍລາວ ໄດ້ມີຜົນງານອັນໂດດເດັ່ນທີ່ໜ້າເອກອ້າງທະນົງໃຈ ແລະ ໃນຕໍ່ໜ້າພວກເຮົາຈະກ້າວເດີນຮ່ວມກັບບໍລິສັດຮ່ວມທຶນເພື່ອພັດທະນາຜະລິດຕະພັນໃຫ້ມີຄຸນນະພາບຫຼາກຫຼາຍກວ່າເກົ່າ ເພື່ອປະກອບສ່ວນເຂົ້າໃນການພັດທະນາປະເທດຊາດສູ່ຄວາມຮັ່ງມີເຂັ້ມແຂງ ແລະ ໄປຄຽງຄູ່ກັບການດໍາເນີນທຸລະກິດ, ຍັງໄດ້ປະກອບສ່ວນສົ່ງເສີມການອະນຸລັກຮີດຄອງປະເພນີອັນດີງາມຂອງຊາດໃນດ້ານຕ່າງໆ ເປັນຕົ້ນ ຊຸກຍູ້ສົ່ງເສີມບຸນປະເພນີຕ່າງໆທີ່ຕິດພັນກັບວິຖີຊີວິດຂອງປະຊາຊົນບັນດາເຜົ່າ. ພ້ອມທັງຂໍສະແດງຄວາມຂອບໃຈພັກ-ລັດຖະບານ ທີ່ມີແນວທາງອັນຖືກຕ້ອງສອດຄ່ອງ, ໂດຍໃຫ້ເປີດເປັນບໍລິສັດຮ່ວມທຶນກັບຫຼາຍພາກສ່ວນເສດຖະກິດ ແລະ ເລືອກໄດ້ຂາຮຸ້ນຍຸດທະສາດຄື ບໍລິສັດ ຄາສເບີກ ແລະ ອັນສໍາຄັນແມ່ນຂອບໃຈລູກຄ້າທັງພາຍໃນ ແລະ ຕ່າງປະເທດທີ່ໄດ້ໃຫ້ການອຸປະຖໍາ ແລະ ຊົມໃຊ້ຜະລິດຕະພັນຂອງບໍລິສັດ ເບຍລາວ ຕະຫຼອດມາ.

error: Content is protected !!