ການກວດກາ-ກວດສອບແມ່ນພາລະກິດກູ້ຊາດ

- advert banner 728 90 728x90 - ການກວດກາ-ກວດສອບແມ່ນພາລະກິດກູ້ຊາດ

- Untitled 1 2 - ການກວດກາ-ກວດສອບແມ່ນພາລະກິດກູ້ຊາດໂດຍ: ກ້ອງສ່ອງ ອິດສະຫລະ

- new3 - ການກວດກາ-ກວດສອບແມ່ນພາລະກິດກູ້ຊາດ

ກ່ອນ​ອື່ນ​ເຮົາ​ເອງ​ຂໍ​ຊົມ​ເຊີຍຜູ້​ແທນ​​ສະພາ​ແຫ່ງ​ຊາດຊຸດ​ທີ 8 ທີ່​ໄດ້​ມີ​ມະຕິ​ເອກະສັນ​ຮັບຮອງ​ເອົາທ່ານນາງ ວຽງ​ທອງ ສີ​ພັນ​ດອນ ​ເປັນ​ປະທານອົງການ​ກວດ​ສອບແຫ່ງ​ລັດອີກສະໄໝ​ໝຶ່ງ. ຄື​ດັ່ງ​ເຮົາ​ໄດ້​ຕັ້ງບັນຫາຢູ່​ຂ້າງ​ເທິງ​ນັ້ນ​ແລ້ວ​ວ່າ, ການ​ເຮັດ​ໜ້າ​ທີ່​ກວດ​ກາ-ກວດສອບມັນ​ປຽບ​ເໝືອນ​ເຮັດ​ການ​ປະຕິວັດ​ເພື່ອ​ກູ້​ເອົາ​ປະ​ເທດ​ຊາດ​ບ້ານ​ເມືອງ ​ແລະ ກໍປຽບ​ເໝືອນ​ນັກຮົບ. ເປັນ​ຫຍັງ​ຈຶ່ງ​ວ່າ​ແນວ​ນັ້ນ ? ຍ້ອນ​ວ່າ​ຖ້າ​ພວກ​ເຮົາມາປຽບທຽບ​ໃສ່​ການ​ປະຕິວັດ​ຊາດ​ປະຊາທິປະ​ໄຕ​ໃນ​ສະ​​ໄໝ​ກ່ອນ​ເປົ້າ​ໝາຍ​ແມ່ນ​ເພື່ອ​ປົດ​ປ່ອຍປະ​ເທ​ດ​ຊາດ​ໃຫ້​ມີ​ເອກະລາດ, ປະຊາທິປະ​ໄຕ ​ແລະ​ ເອກະ​ພາບ. ພໍ​ຕົກມາສະ​​ໄໝ​ນີ້​ພວກ​ເຮົາ​ເຮັດ​ການ​ປະຕິວັດເປົ້າ​ໝາຍແມ່ນ​ເພື່ອ​ປົດປ່ອຍປະ​ເທດ​ຊາດອອກ​ຈາກ​ຄວາມທຸກ​ຍາກ ​ແລະ ​ດ້ອຍ​ພັດທະນາ.

 

ສະ​ນັ້ນ, ຈຶ່ງ​ເວົ້າ​ໄດ້​ວ່າ​ວຽກ​ງານ​ກວດກາ-ກວດ​ສອບ​ມັນ​ມີ​ຄວາມ​ໝາຍ​ສໍາຄັນ​ທີ່​ສຸດ​ໃນ​ພາລະກິດ​ການ​ປ່ຽນ​ແປງ​ໃໝ່​ຢ່າງ​ມີຫລັກການ​ຂອງ​ພັກ. ວຽກ​ງານ​ກວດກາ-ກວດ​ສອບ​ເປັນ​ວຽກ​ທີ່​ຈໍາ​ເປັນ​ຢ່າງ​ຍິ່ງ​ໃນ​​ເງື່ອນ​ໄຂ ແລະ ສະພາບ​ແວດ​ລ້ອມ​ທີ່​ປະ​ເທດ​ຊາດ​ຂອງ​ພວກ​ເຮົາ​ພວມ​ບຸກບືນ​ສ້າງສາ​ພັດທະນາ​ໃຫ້ທຽມ​ທັນ​ບັນດາ​ປະ​ເທດ​ທີ່​ເພິ່ນ​ມີ​ຄວາມ​ຈະ​ເລີ​ນ​ແລ້ວ. ວຽກງານ​ກວດກາ-ກວດ​ສອບ​ມັນ​ເປັນ​ວຽກຈໍາກັດ​ປັ​ດ​ເປົ່າ ແລະ​ ປົດ​ປ່ອຍ​ສິ່ງຫຍໍ້​ທໍ້​ໃນສັງຄົມ​ໃຫ້​ປອດ​ໃສ​ຂາວ​ສະອາດ, ​ເສີມຂະຫຍາຍ ​​ແລະ​ ຊຸກຍູ້​ທັງສົ່ງ​ເສີມສິ່ງ​ທີ່​ດີ​ ແລະ ​ຍອດ​ຍິ່ງ​​ແຫ່ງ​ການ​ຊີ້​ນໍາ-ນໍາພາ​ປະຕິບັດ​ລະບຽບ​ກົດໝາຍຂອງ​ບ້ານ​ເມືອງ​ຢ່າງ​ເຄັ່ງ​ຂັດ​ເຊັ່ນ: ຕໍ່​ຜູ້​ລະ​ເມີດ​ລະ​ເຫລີງ ​ແລະ ​ກະທໍາ​ຜິດ​ລະບຽບ​ວິ​ໄນກໍ​ຕ້ອງ​ໄດ້​ໃຊ້​ມາດ​ຕະການ​ຕ້ານ ​​ແລະ ສະກັ​ດກັ້ນ ຫລື​ດໍາເນີນມາດຕະການ​ທາງ​ກົດໝາຍຢ່າງ​ເໝາະ​ສົມ. ສ່ວນ​​ຜູ້​ທີ່​ເຮັດ​ໄດ້​ດີ​ກໍ​ຕ້ອງ​ໄດ້​ໃຫ້ການຍ້ອງຍໍ ​ແລະ ​ຊຸກຍູ້​ສົ່ງ​ເສີມ. ນອກຈາກ​ສິ່ງ​ທີ່​ເວົ້າ​ມາ​ນີ້​ແລ້ວ, ວຽກ​ງານ​ກວດກາ-ກວດ​ສອບ​ຍັງ​ເປັນ​ວຽກ​ທີ່​ກູ້​ເອົາ​ບຸກຄົນ​ຜູ້​ກະທໍາ​ຜິດ​ໃຫ້ມາ​ເປັນ​ຄົນ​ດີ​ຂອງ​ຊາດ​ບ້ານ​ເມືອງອີກ​ດ້ວຍ.

 

​ໃນ​ປີ 2016 ຜ່ານ​ມາ, ອົງການ​ກວດ​ສອບ​ແຫ່ງ​ລັດ​ໄດ້​ມີ​ຜົນງານ​ອັນ​ໂດດ​ເດັ່ນ​ຕໍ່​ຊາດ​ແລະ ​ປະຊາຊົນ​ເຊັ່ນ: ​ໄດ້​ກວດ​ພົບ​ເຫັນ​​ເງິນ​ຂອງ​ລັດຮົ່ວ​ໄຫລ​ຢູ່​ໃນກົມ​ກອງ​ລວມໝູ່​ ແລະ​ບຸກຄົນຫລາຍ​ພັນ​ຕື້, ​ໄດ້​ກວດ​ເຫັນ​ພະນັກງານ​ຂອງ​ລັດ​ກະທໍາ​ຜິດ​ວິ​ໄນ​ທາງ​ດ້ານ​ການ​ເງິນ​ຢ່າງຫລວງຫລາຍ, ​ໄດ້​ກວດ​ເຫັນ​ການ​ຕັດ​ໄມ້ທໍາລາຍ​ປ່າ,​ ກວດ​ເຫັນ​ບຸກຄົນ​ຍັກ​ຍອກ​ວັດຖຸ​ຊັບ​ສິນ, ດິນ​ດອນ​ຕອນ​ຫຍ້າ​ຢ່າງຫລວງຫລາຍ ​ແລະ ​ອື່ນໆ. ນີ້​ລະຄື​ພາລະກິດ​ກູ້​ຊາດ​ຂອງ​ອົງການ​ກວດກາ-ກວດ​ສອບ​ແຫ່ງ​ລັດ.​ ໃນຫລາຍ​ປີ​ຜ່ານ​ມາ,​ ເວົ້າ​ເຖິງ​ການກວດ​ສອບ​ມັນ​ສຸດທີ່​ລໍາບາກ​ຫຍຸ້ງຍາກ​ ຍ້ອນ​ປັດ​​ໄຈ ​ແລະ ​ເງື່ອນ​ໄຂຫລາຍ​ຢ່າງ ​​ເປັນ​ຕົ້ນ​ເມື່ອກວດ​ເຫັນ​ ແລະ ​ພົບ​ພໍ້​ແລ້ວ​ ຈະ​ເອົາ​ມາ​ເວົ້າ​ມາ​ວ່າກັນ​ກໍບໍ່​ໄດ້, ​ສາ​ເຫດຂອງ​ມັນ​ກໍ​ຍ້ອນ​ວ່າ​ບ່ອນ​ໃດ​ອ່ອນ​ຈຶ່ງ​ແທງ​ບ່ອນ​​ໃດ​ແຂງ​ພັດຫລີກ. ການປະຕິບັດ​ຕົວ​ບົດ​ກົດໝາຍ​ໃນ​ບາງ​ບ່ອນ, ບາງ​ກົມ​ກອງ​ທ້ອງ​ຖິ່ນ ​ແລະ ​ບາງ​ຄົນ​ມັນ​ເປັນ​ສີ​ຍານໆ​ອືດ​ປານ​ດຶງ​ຂາ​ເຕົ່າ ​ຍ້ອນ​ຫົວ​ຈັກ​ຫຼັກ​ແຫລ່ງບໍ່​ເປັນ​ຕົວ​ແບບ. ດ້ວຍ​ສາ​ເຫດ​ທີ່​​ໄດ້​ຍົກ​ມາ​ຂ້າງ​ເທິງ​ນີ້, ຈຶ່ງ​ເປັນ​ເງື່ອນ​ໄຂ​ໃຫ້​ພວກ​ສວຍ​ໂອກາດ​ໃຜ​ມື​ຍາວ​ສາວ​ໄດ້​ສາວ​ເອົາ​ທັນ​ໃຜ​ທັນ​ເຮັດ, ທັນ​ໃຜ​ທັນກິນ, ມີ​ການ​ສໍ້​ລາດ​ບັງ​ຫລວງ​ຢ່າງ​ເປັນ​ວົງ​ກວ້າງ ​ແລະ ​ແຜ່​ລາມ.

- lattana 1 - ການກວດກາ-ກວດສອບແມ່ນພາລະກິດກູ້ຊາດ

 

​ເຖິງ​ຢ່າງ​ໃດ​ກໍ​ດີ, ຕົກ​ມາ​ຮອດ​ໄລຍະ​ປັດຈຸບັນ​ນີ້​ພາຍ​ໃຕ້​ການ​ຊີ້​ນໍາ-ນໍາ​ພາຂອງ​ພັກ ​ແລະ​ລັດຖະບານ ​ໂດຍ​ສະ​ເພາະ​ລັດຖະບານ​ໃນ​ຊຸດ​ປັດຈຸບັນ​ໄດ້​ມີ​ທາງ​ອອກຫລາຍ​ຢ່າງ​ ເພື່ອກອບ​ກູ້​ເອົາ​ປະ​ເທດ​ຊາດ​ເດີນ​ໜ້າ, ກໍ​ຂໍ​ໃຫ້​ຄົນ​ລາວ​ໃນ​ຊາດ, ຜູ້​ປະກອບ​ການ​ທໍາ​ມາ​ຫາ​ກິນ​ທຸກ​ສາ

ຂາ​ອາຊີບ​ຈົ່ງ​ໄດ້​ຮ່ວມ​ແຮງ​ຮ່ວມ​ໃຈ​ກັນ​ປະຕິບັດ​ພັນທະ​ໜ້າທີ່ຂອງ​ຕົນ​ໃຫ້ສົມ​ກັບ​ວ່າ​ເຮົາ​ເປັນ​ຄົນ​ຮັກ​ຊາດ ​ແລະ​ ພັດທະນາ ​ໂດຍ​ສະ​ເພາະ​ອົງການ​ກວດກາ-ກວດສອບ ຈົ່ງ​ໄດ້​ເປັນເສນາ​ທິການໃນ​ການ​ສູ້​ຮົບ​ເພື່ອ​ກູ້​ເອົາປະ​ເທດ​ຊາດບ້ານ​ເມືອງ​ກ້າວ​ໄປ​ຢ່າງ​ບໍ່​ຢຸດ​ຢັ້ງ.

error: Content is protected !!