ຕຸ່ມຜື່ນແພ້ຜິວໜັງທີ່ມາກັບອາກາດໜາວ

- advert banner 728 90 728x90 - ຕຸ່ມຜື່ນແພ້ຜິວໜັງທີ່ມາກັບອາກາດໜາວ

     ພະຍາດຜື່ນແພ້ຜິວໜັງ (Atopic dermatitis) ເປັນພະຍາດທາງຜິວໜັງທີ່ມັກຈະມາກັບພະຍາດພູມແພ້ ພະຍາດນີ້ເກີດໄດ້ ຫລາຍສາເຫດ ເຊິ່ງສິ່ງໜຶ່ງທີ່ເຮັດໃຫ້ເກີດພະຍາດພູມແພ້ຜິວໜັງໄດ້ກໍແມ່ນລະດູການ ໂດຍສະເພາະແມ່ນຍາມໜາວ ເພາະອາກາດ ແຫ້ງຈະເຮັດໃຫ້ຜິວເຮົາແຫ້ງໄປນຳ ເຊິ່ງຈະກໍ່ໃຫ້ເກີດອາການຄັນ ແລະ ອັກເສບຕາມມາໄດ້, ແຕ່ນອກຈາກລະດູການແລ້ວກໍຍັງມີ ປັດໄຈອື່ນໆຕື່ມອີກບໍ່ວ່າຈະແມ່ນ:

     – ສະພາບແວດລ້ອມທີ່ບໍ່ເໝາະສົມ ເຊັ່ນ : ລະອອງເກສອນ, ແມງໄມ້, ຂົນສັດ, ຂີ້ຝຸ່ນ ທີ່ກໍ່ໃຫ້ເກີດຕຸ່ມຜື່ນຄັນ.

– ເຄື່ອງນຸ່ງປະເພດຂົນສັດ.

– ເຊື້ອພະຍາດຕ່າງໆທີ່ປະປົນມາໃນອາກາດ.

– ສະບູ, ສະບູຝຸ່ນທີ່ທ່ານໃຊ້ມີລິດເປັນດ່າງຈະມີຜົນຕໍ່ການລະລາຍໄຂມັນຢູ່່ຜິວໜັງ ສົ່ງຜົນເຮັດໃຫ້ຕຸ່ມຜື່ນຜິວໜັງອັກເສບ ແລະ ເປັນຫລາຍຍິ່ງຂຶ້ນໄດ້.

– ອາຫານ ເຊິ່ງມີສ່ວນທີ່ກະຕຸ້ນໃຫ້ເກີດອາການຮຸນແຮງໄດ້.

     ອາການພະຍາດພູມແພ້ຜິວໜັງຈະເລີ່ມຈາກມີຕຸ່ມຜື່ນແດງ, ຄັນ,ມີຕຸ່ມແດງ ແລະ ຕຸ່ມນຳ້ນ້ອຍໆຢູ່ໃນຜື່ນແດງນັ້ນ ຫາກຕຸ່ມນຳ້ແຕກ ຈະມີນຳ້ເຫລືອງອອກມາ ຫລື ຕົກສະເກັດ ແລະ ອາດຈະຄ່ອຍໆລາມໄປຫາບໍລິເວນອື່ນໆຂອງຮ່າງກາຍໄດ້ ເຊັ່ນ : ເລົາຄີງ, ຂໍ້ສອກ, ຫົວເຂົ່າ  ບາງຄົນອາດເປັນຫລາຍເຖິງຂັ້ນທົ່ວຮ່າງກາຍກໍມີ.  ນອກຈາກນີ້, ຜື່ນແດງຍັງມີລັກສະນະໃຄ່ແດງແຫ້ງໆ, ລອກເປັນເກັດເລັກໜ້ອຍ ແລະ ເຮັດໃຫ້ຄັນ, ແຕ່ລະວັງຢ່າເກົາຈົນເປັນບາດແຜລອກ ເພາະອາດເຮັດໃຫ້ເກີດການຕິດເຊື້ອໄດ້ ເຊິ່ງຜື່ນມັກຈະເກີດຢູ່ບໍລິເວນອ້ອມຮອບຄໍ, ຂໍ້ພັບທາງໃນຂອງແຂນ ແລະ ຂາ ທັງມີໂອກາດເກີດຜິວໜັງອັກເສບບໍລິເວນມືໄດ້ງ່າຍ.

- 1 1 - ຕຸ່ມຜື່ນແພ້ຜິວໜັງທີ່ມາກັບອາກາດໜາວ
- Tiger Head 728x90 - ຕຸ່ມຜື່ນແພ້ຜິວໜັງທີ່ມາກັບອາກາດໜາວ

     – ວິທີປ້ອງກັນ ແລະ ປິ່ນປົວ :

    1. ຫລີກເວັ້ນປັດໄຈທີ່ເຮັດໃຫ້ເກີດຄວາມຮຸນແຮງຫລາຍຂຶ້ນໄດ້ ເຊັ່ນ :  ຫລີກເວັ້ນການສຳຜັດກັບສານລະຄາຍເຄືອງ ນອກຈາກນີ້ ຄວນເລືອກໃຊ້ສະບູອ່ອນໆ, ນຸ່ງເຄື່ອງທີ່ມີເນື້ອຜ້າໂລ່ງສະບາຍ ດັ່ງ  ຜ້າຝ້າຍ ເປັນຕົ້ນ.

     2. ຢ່າເກົາຜື່ນຄັນ ເພາະການເກົາຈະເຮັດໃຫ້ຜື່ນຜິວໜັງທີ່ອັກເສບມີອາການຮຸນແຮງຫລາຍຂຶ້ນ  ຖ້າຄັນຫລາຍອາດຈະປິ່ນປົວໄດ້ ໂດຍການກິນຢາຕ້ານຮີສຕາມີນເພື່ອຊ່ວຍຫລຸດອາການຄັນ.

     3. ທາມອຍເຈີໄຣເຊີ ຫລື ໂລຊັ່ນເພື່ອປ້ອງກັນ ແລະ ປິ່ນປົວຜິວແຫ້ງ ເຊິ່ງການທາໂລຊັ່ນຄວນທາຫລັງອາບນຳ້ທັນທີ.

     4. ຢາທາໃນກຸ່ມສະເຕຍຣອຍທີ່ມີລິດຫລຸດການອັກເສບຂອງຜື່ນຜິວໜັງ, ແຕ່ການໃຊ້ຢານັ້ນຈະຕ້ອງຢູ່ພາຍໃຕ້ການເບິ່ງແຍງຂອງແພດ.

   5. ຖ້າເກີດມີຕຸ່ມ ຫລື ຜື່ນແດງຂຶ້ນ ສະແດງວ່າມີການຕິດເຊື້ອແບັກທີເຣຍແຊກຊ້ອນ ຄວນປຶກສາແພດ ເພາະຄົນປ່ວຍອາດຈຳ ເປັນຕ້ອງໄດ້ຮັບຢາປິ່ນປົວເພື່ອຂ້າເຊື້ອແບັກທີເຣຍ.

error: Content is protected !!