ລາວ-ຈີນຮ່ວມສ້າງຕັ້ງບໍລິສັດ ກວດກາຕູ້ສິນຄ້າ-ພາຫະນະດ້ວຍ Scanner ຢູ່ດ່ານສາກົນຢູ່ລາວ

- Laos china container checking - ລາວ-ຈີນຮ່ວມສ້າງຕັ້ງບໍລິສັດ ກວດກາຕູ້ສິນຄ້າ-ພາຫະນະດ້ວຍ Scanner ຢູ່ດ່ານສາກົນຢູ່ລາວ
- Untitled design - ລາວ-ຈີນຮ່ວມສ້າງຕັ້ງບໍລິສັດ ກວດກາຕູ້ສິນຄ້າ-ພາຫະນະດ້ວຍ Scanner ຢູ່ດ່ານສາກົນຢູ່ລາວ


ໃນທ້າຍອາທິດຜ່ານມາ,  ກົມຄຸ້ມຄອງ, ພັດທະນາລັດວິສາຫະກິດ ແລະ ການປະກັນໄພ (ຄລປ) ກະຊວງການເງິນ ໂດຍຕາງໜ້າລັດຖະບານລາວ ຮ່ວມລົງສັນຍາຮ່ວມທຶນກັບບໍລິສັດນຸກເທັກ (Nuctech Managememt (HKL) Company Limited) ຈາກ ສປ ຈີນ ສ້າງຕັ້ງບໍລິສັດນຸກເທັກລາວ ຈຳກັດ, ເພື່ອພັດທະນາລະບົບກວດກາຕູ້ສິນຄ້າ, ພາຫະນະດ້ວຍລະບົບສາຍແສງ (Scanner) ຢູ່ດ່ານສາກົນສປປ ລາວ.

ຕາງໜ້າລັດຖະບານລາວໂດຍແມ່ນທ່ານ ອັກຄະວອນ ຫຼວງສຸວັນນະວົງ  ຮັກສາການຫົວໜ້າກົມຄຸ້ມຄອງ, ພັດທະນາລັດວິສາຫະກິດ ແລະ ການປະກັນໄພ (ຄລປ)  ກັບທ່ານ ສຶໜິງຮ້າວ ປະທານບໍລິສັດ ນຸກເທັກ-ລາວ ຈຳກັດ, ໂດຍການເຂົ້າຮ່ວມຂອງທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ, ມີທ່ານ ຈ່ຽງຈ້າຍຕົ່ງ ເອກອັກຄະລັດຖະທູດສປ ຈີນ ປະຈຳ ສປປ ລາວ, ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານຮັກສາການຫົວໜ້າກົມ ຄລປ ກ່າວວ່າ: ການຮ່ວມທຶນສ້າງຕັ້ງດັ່ງກ່າວແມ່ນປະຕິບັດຕາມແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ແລະ ອີງຕາມກອງປະຊຸມນາຍົກ-ຮອງນາຍົກລັດຖະມົນຕີທີ່ເຫັນດີອະນຸມັດໃຫ້ກະຊວງການເງິນຮ່ວມກັບບໍລິສັດ ນຸເທັກ ສປ ຈີນ ຈໍາກັດ ເພື່ອຮ່ວມທຶນສ້າງຕັ້ງບໍລິສັດພັດທະນາລະບົບກວດກາຕູ້ສິນຄ້າ, ຍານພາຫານະດ້ວຍລະບົບສາຍແສງ (Scanner) ຢູ່ບັນດາດ່ານສາກົນ ສປປ ລາວ ແລະ ທັງເປັນການຍົກລະດັບຄວາມສາມາດໃນການບໍລິຫານ, ການຄຸ້ມຄອງນໍາໃຊ້ເຄື່ອງກວດກາຕູ້ສິນຄ້າດ້ວຍລະບົບສານແສງໃຫ້ມີປະສິດຕິພາບສູງ, ພ້ອມທັງເປັນການອໍານວຍຄວາມສະດວກໃນວຽກການກວດກາຕ້ານ ແລະ ສະກັດກັ້ນການລັກລອບໜີພາສີ ແລະ ເປັນການປ້ອງກັນຄວາມປອດໄພຂອງຊາດໃນການຂົນສົ່ງສິນຄ້າເຂົ້າ-ອອກປະເທດ.

ຊຶ່ງຝ່າຍລາວໄດ້ນໍາເອົາເຄື່ອງສະແກນເນີຈໍານວນ 8 ເຄື່ອງທີ່ມີຢູ່ໃນປັດຈຸບັນເປັນການປະກອບທຶນມູນຄ່າ 2 ລ້ານໂດລາສະຫະລັດ ແລະ ບໍລິສັດນຸເທັກ ສປ ຈີນ ຖືຮຸ້ນ  80% ເທົ່າກັບ 8 ລ້ານໂດລາສາຫະລັດ, ໂດຍຈະນໍາເອົາເຄື່ອງສະແກນເນີອີກຈໍານວນ 2 ເຄື່ອງ ແລະ ເງິນສົດເປັນການປະກອບທຶນ, ໂຄງການດັ່ງກ່າວມີອາຍຸການຮ່ວມທຶນ 10 ປີ ເພື່ອຫັນການບໍລິການໃຫ້ເປັນທັນສະໄໝ, ມີຄວາມໂປ່ງໃສ, ສາມາດກວດສອບໄດ້.

- Wave100S AD to Website 2020 0 - ລາວ-ຈີນຮ່ວມສ້າງຕັ້ງບໍລິສັດ ກວດກາຕູ້ສິນຄ້າ-ພາຫະນະດ້ວຍ Scanner ຢູ່ດ່ານສາກົນຢູ່ລາວ

ທ່ານ ລີ້ຈື້ຫວິ່ນ ຮອງປະທານບໍລິສັດ ນຸເທັກ ຈໍາກັດ ສປ ຈີນ ກ່າວວ່າ: ບໍລິສັດ ນຸເທັກ ຈໍາກັດມີຕົ້ນກຳເນີດຈາກມະຫາວິທະຍາໄລຊິງຫົວ ສປ ຈີນ ເປັນບໍລິສັດທີ່ໄດ້ຈົດສິທິບັດຊັບສິນທາງປັນຍາ, ໂດຍມີຜະລິດຕະພັນຫຼັກໆກໍ່ຄືອຸປະກອນ ແລະ ລະບົບການກວດກາຕູ້ຄອນເທນເນີທີ່ສ້າງອອກມາຮັບໃຊ້ໜ່ວຍງານພາກລັດເຊັ່ນ: ພາສີ, ອາກອນ, ຕໍາຫຼວດ, ປ້ອງກັນຊາຍແດນ ແລະ ອື່ນໆຫຼາຍກວ່າ 1.000 ຊຸດໃນ 156 ປະເທດ.

                                                                                             ແຫຼ່ງຂ່າວ: ກະຊວງການເງິນ

- WhatsApp Image 2020 05 27 at 5 - ລາວ-ຈີນຮ່ວມສ້າງຕັ້ງບໍລິສັດ ກວດກາຕູ້ສິນຄ້າ-ພາຫະນະດ້ວຍ Scanner ຢູ່ດ່ານສາກົນຢູ່ລາວ
- WhatsApp Image 2020 05 27 at 5 - ລາວ-ຈີນຮ່ວມສ້າງຕັ້ງບໍລິສັດ ກວດກາຕູ້ສິນຄ້າ-ພາຫະນະດ້ວຍ Scanner ຢູ່ດ່ານສາກົນຢູ່ລາວ
error: Alert: ເນື້ອຫາຂ່າວມີລິຂະສິດ !!