5 ພຶດຕິກຳທີ່ເຮັດໃຫ້ສິວຂຶ້ນຢູ່ບໍລິເວນຄິ້ວ

- 051212 2018 - 5 ພຶດຕິກຳທີ່ເຮັດໃຫ້ສິວຂຶ້ນຢູ່ບໍລິເວນຄິ້ວ
- Untitled design - 5 ພຶດຕິກຳທີ່ເຮັດໃຫ້ສິວຂຶ້ນຢູ່ບໍລິເວນຄິ້ວ


     – ການລ້າງໜ້າບໍ່ສະອາດ ເປັນສາເຫດຕົ້ນຕໍທີ່ເຮັດໃຫ້ເກີດການອັດຕັນຂອງເຄື່ອງສຳອາງຢູ່ຮູຂຸມຂົນ ເຮັດໃຫ້ຜິວເກີດການລະຄາຍເຄືອງ ເຊິ່ງເປັນຕົ້ນເຫດຂອງການເກີດສິວ ແລະ ສິວອາດຈະເກີດຂຶ້ນໄດ້ຫລາຍໆບໍລິເວນ ບໍ່ຈຳເປັນຈະຕ້ອງເປັນສະເພາະຢູ່ຄິ້ວ ເຮົາຄວນລ້າງໜ້າໃຫ້ສະອາດກ້ຽງດີທຸກເທື່ອ.

     – ການແພ້ຢາສະຜົມ : ຢາສະຜົມເປັນໂຕການເຮັດໃຫ້ເກີດສິວທີ່ຫລາຍໆຄົນກໍສາມາດທີ່ຈະມີອາການແພ້ໄດ້ ເພາະສ່ວນປະສົມທີ່ມີໃນຢາສະຜົມອາດຈະມີສານທີ່ເຮັດໃຫ້ເຮົາລະຄາຍເຄືອງໄດ້ງ່າຍ ຖ້າເຮົາເປັນຄົນແພ້ງ່າຍຄວນເລືອກຢາສະຜົມທີ່ມີສານສະກັດຈາກນຳ້ມັນທຳມະຊາດເພື່ອຫລຸດການແພ້ ແລະ ການລະຄາຍເຄືອງລົງໄດ້.

     – ຄວາມເຄັ່ງຄຽດສູງ : ບໍ່ວ່າເຮົາຈະເຄັ່ງຄຽດເລື່ອງວຽກ, ເລື່ອງຮຽນ ຫລື ເລື່ອງອື່ນໆ ເຮັດໃຫ້ເຮົາມີການພັກຜ່ອນບໍ່ພຽງພໍ ຄວນອອກໄປຫາຫຍັງເຮັດເພື່ອຜ່ອນຄາຍຄວາມເຄັ່ງຄຽດ ຫລື ອາດເລືອກເຮັດກິດຈະກຳທີ່ມັກ ເຊັ່ນ : ຫລິ້ນເກມ, ອ່ານໜັງສື ແຕ່ສິ່ງສຳຄັນແມ່ນຄວນນອນຫລັບພັກຜ່ອນຢ່າງໜ້ອຍມື້ລະ 8 ຊົ່ວໂມງ.

     – ການແພ້ສໍແຕ້ມຄິ້ວ : ສໍແຕ້ມຄິ້ວ ຫລື ຝຸ່ນແຕ້ມຄິ້ວເປັນໂຕການສຳຄັນ ເພາະເປັນສິ່ງທີ່ໄປສຳຜັດກັບບໍລິເວນຄິ້ວຫລາຍທີ່ສຸດ ແລະ ເຮັດໃຫ້ເກີດການສຽດສີກັບບໍລິເວນຄິ້ວ ເຮັດໃຫ້ເກີດສິວໄດ້. ສະນັ້ນຄວນເລືອກສໍແຕ້ມຄິ້ວທີ່ໄດ້ຮັບມາດຕະຖານ, ເບິ່ງວັນທີຜະລິດ ແລະ ວັນໝົດອາຍຸຢ່າງລະອຽດ.

- Wave100S AD to Website 2020 0 - 5 ພຶດຕິກຳທີ່ເຮັດໃຫ້ສິວຂຶ້ນຢູ່ບໍລິເວນຄິ້ວ

     – ເຊັດເຄື່ອງສຳອາງກ່ອນລ້າງໜ້າ : ກ່ອນຈະລ້າງໜ້າທຸກເທື່ອ ບໍ່ວ່າເຮົາຈະແຕ່ງໜ້າ ຫລື ບໍ່ແຕ່ງ ເຮົາຄວນຈະເຊັດເຄື່ອງສຳ ອາງ ແລະ ສິ່ງເປິເປື້ອນອອກກ່ອນຄ່ອຍໆໂດຍເຈວສຳລັບລ້າງເຄື່ອງສຳອາງໂດຍສະເພາະ ເຊັດໃຫ້ທົ່ວບໍລິເວນໃບໜ້າ ແລະ ເຊັດຕາມຄິ້ວຈົນສະອາດ ຈາກນັ້ນໃຊ້ເຈວລ້າງໜ້າ ຫລື ໂຟມລ້າງໜ້າໃຫ້ສະອາດອີກເທື່ອໜຶ່ງ.

     – ວິທີປິ່ນປົວເມື່ອເປັນສິວຢູ່ຄິ້ວ : ໃຊ້ຜະລິດຕະພັນປິ່ນປົວສິວໂດຍກົງ ເຊັ່ນ : ໃຊ້ຢາແຕ້ມສິວ ເຊິ່ງຈະເຮັດໃຫ້ສິວຍຸບລົງ ແລະ ການທາຢາຄວນລະມັດລະວັງ ເພາະຄິ້ວຢູ່ລະຫ່ວາງດວງຕາ ສິ່ງສຳຄັນຄວນທາຢ່າງຕໍ່ເນື່ອງຈົນສິວເຊົາ ເພື່ອບໍ່ໃຫ້ເກີດອາການດື້ ຢາ. ກໍລະນີທີ່ສິວອັກເສບຫລາຍໆໃຫ້ຢຸດການແຕ້ມຄິ້ວກ່ອນ ເພື່ອຫລຸດການອັດຕັນແລ້ວປິ່ນປົວສິວ.

- WhatsApp Image 2020 05 27 at 5 - 5 ພຶດຕິກຳທີ່ເຮັດໃຫ້ສິວຂຶ້ນຢູ່ບໍລິເວນຄິ້ວ
- WhatsApp Image 2020 05 27 at 5 - 5 ພຶດຕິກຳທີ່ເຮັດໃຫ້ສິວຂຶ້ນຢູ່ບໍລິເວນຄິ້ວ
error: Alert: ເນື້ອຫາຂ່າວມີລິຂະສິດ !!