4 ຢ່າງນີ້ທີ່ເຮັດໃຫ້ທ່ານສິ້ິນເປືອງເວລາໃນການເຮັດວຽກ

- advert banner 728 90 728x90 - 4 ຢ່າງນີ້ທີ່ເຮັດໃຫ້ທ່ານສິ້ິນເປືອງເວລາໃນການເຮັດວຽກ


     ເຮົາທຸກຄົນລ້ວນແຕ່ຮູ້ດີວ່າ ວຽກທີ່ຖືກມອບໝາຍມາຈຳເປັນຕ້ອງເຮັດໃຫ້ສຳເລັດຕາມເວລາທີ່ຫົວໜ້າ ຫລື ລູກຄ້າກຳໜົດໄວ້, ແຕ່ມີຢູ່ບາງເທື່ອ (ຫລາຍເທື່ອ) ເມື່ອໃກ້ຈະຮອດມື້ທີ່ຕ້ອງສົ່ງວຽກ ທ່ານຊຳ້ພັດພົບວ່າຍັງບໍ່ມີວຽກໃດແລ້ວເປັນຊິ້ນເປັນອັນເລີຍ ບາງເທື່ອສາເຫດອາດຈະບໍ່ແມ່ນເວລາທີ່ໜ້ອຍເກີນໄປດອກ, ແຕ່ອາດເກີດຈາກການບໍລິຫານເວລາຂອງເຮົາທີ່ບໍ່ມີປະສິດທິພາບພຽງພໍ ດັ່ງນັ້ນ, ຄວນໃຊ້ເວລາໃນແຕ່ລະມື້ໃຫ້ເກີດປະໂຫຍດສູງສຸດ ແລະ ຈົ່ງຫລີກເວັ້ນສິ່ງທີ່ເຮັດໃຫ້ເສຍເວລາທັງ 4 ເຫລົ່ານີ້ໄວ້ :

     1. ໂລກອອນລາຍ : ສາມາດລົບກວນການເຮັດວຽກຂອງທ່ານໄດ້ ເຖິງວ່າທ່ານຈະໃຊ້ແອັກເຄົ້າຂອງບ່ອນເຮັດວຽກຢູ່ກໍຕາມ ບາງເທື່ອມັນກໍມີປະໂຫຍດຢ່າງຍິ່ງໃນການໃຊ້ຕິດຕໍ່ສື່ສານ ແລະ ຕິດຕາມຄວາມທັນສະໄໝຕ່າງໆ, ແຕ່ຫາກໃຊ້ມັນເພື່ອການຕິສິນນິນທາແລ້ວ ຖືວ່າເປັນສິ່ງທີ່ເຮັດໃຫ້ທ່ານເສຍເວລາໃນການເຮັດວຽກໄປຫລາຍ ຖ້າທ່ານຈຳເປັນຕ້ອງໃຊ້ມັນແທ້ໆ ຄວນໃຊ້ໂລກອອນລາຍນອກເວລາເຮັດວຽກຈະດີກ່ວາ.

     2. ການປະຊຸມ : ການປະຊຸມແບບຈັບປະເດັນໃນນາທີສຸດທ້າຍ ຫລື ການປະຊຸມທີ່ບໍ່ມີການກຽມຫົວຂໍ້ປະຊຸມລ່ວງໜ້າ ເປັນສິ່ງທີ່ເສຍເວລາຫລາຍແທ້ໆ. ການກະກຽມ ແລະ ຈັດລຳດັບຄວາມສຳຄັນຂອງຫົວຂໍ້ການປະຊຸມທີ່ຈະແຈ້ງຈະເຮັດໃຫ້ທ່ານຮູ້ວ່າວຽກ ໃດຈຳເປັນຕ້ອງເຮັດກ່ອນ ຫລື ບັນຫາໃດທີ່ຕ້ອງຟ້າວແກ້ໄຂກ່ອນ ແລະ ບໍ່ເຮັດໃຫ້ການປະຊຸມຍືດເຍື້ອນຳອີກ.

- Tiger Head 728x90 - 4 ຢ່າງນີ້ທີ່ເຮັດໃຫ້ທ່ານສິ້ິນເປືອງເວລາໃນການເຮັດວຽກ
- 1 1 - 4 ຢ່າງນີ້ທີ່ເຮັດໃຫ້ທ່ານສິ້ິນເປືອງເວລາໃນການເຮັດວຽກ

     3. ອີເມວ : ການຕັ້ງຄ່າການແຈ້ງເຕືອນອີເມວໃຫ້ເດັ້ງຂຶ້ນມາເທິງໜ້າຈໍຄອມພິວເຕີຂອງທ່ານ ມີຜົນດີທີ່ຈະຊ່ວຍໃຫ້ທ່ານບໍ່ຕ້ອງເສຍເວລາເຂົ້າໄປກວດເຊັກອີເມວໃນກ່ອງຂໍ້ຄວາມເລື້ອຍໆ ເຖິງວ່າທ່ານຈະກຳລັງລໍຖ້າອີເມວສະບັບທີ່ສຳຄັນໆຢູ່ກໍຕາມ, ແຕ່ທ່ານບໍ່ຄວນທີ່ຈະເຂົ້າໄປກວດເຊັກກ່ອງຂໍ້ຄວາມຫລາຍເທື່ອເກີນໄປ ທ່ານຄວນຈະກວດເຊັກໃຫ້ເປັນເວລາ ເຊັ່ນ : ຕອນເຊົ້າ, ຕອນພັກທ່ຽງ ຫລື ຕອນບ່າຍ ທັງນີ້ກໍຍັງລວມໄປເຖິງຂໍ້ຄວາມຕ່າງໆທາງສະມາດໂຟນຂອງທ່ານນຳອີກ.

   4. ການເຮັດວຽກຫລາຍໆຢ່າງໃນເວລາດຽວກັນ : ເຖິງວ່າຈະເບິ່ງເປັນສິ່ງທີ່ໜ້າສົນໃຈບໍ່ໜ້ອຍ, ແຕ່ການເຮັດວຽກຫລາຍໆ ຢ່າງໃນເວລາດຽວກັນຊຳ້ພັດເປັນສິ່ງທີ່ບໍ່ຄວນເຮັດ ເຊັ່ນ : ເມື່ອທ່ານຕ້ອງຕອບອີເມວຂະນະທີ່ທ່ານກຳລັງເຮັດວຽກອື່ນຢູ່ ທ່ານຈະພົບວ່າມັນໃຊ້ເວລາທີ່ຫລາຍກ່ວາທີ່ທ່ານຈະເຮັດໃຫ້ມັນແລ້ວໄປເທື່ອລະຢ່າງ ເຮັດໃຫ້ທ່ານເສຍເວລາກັບວຽກຫລາຍຂຶ້ນ ເພາະການເຮັດວຽກຫລາຍໆຢ່າງໃນເວລາດຽວກັນ ສົ່ງຜົນໃຫ້ຄວາມສາມາດໃນການເຮັດວຽກດຽວນັ້ນຫລຸດລົງ ທັງຕ້ອງໃຊ້ເວລາຫລາຍຂຶ້ນໃນການເຮັດວຽກນັ້ນໆນຳອີກ ດັ່ງນັ້ນ ທ່ານຄວນເຮັດວຽກໃດວຽກໜຶ່ງໃຫ້ແລ້ວສາກ່ອນ ກ່ອນທີ່ຈະເລີ່ມເຮັດວຽກອັນໃໝ່ຈະດີກ່ວາ.

error: Content is protected !!