ມອບ-ຮັບສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ

- advert banner 728 90 728x90 - ມອບ-ຮັບສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ

  ໃນວັນທີ 10 ທັນວານີ້, ທີ່ສະໜາມບິນສາກົນວັດໄຕ, ນະຄອນຫລວງວຽງຈັນ, ໄດ້ມີພິທີມອບ-ຮັບສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ, ຊຶ່ງແມ່ນໝາກຜົນທີ່ໄດ້ຮັບຈາກການປະຕິບັດງານຮ່ວມຢູ່ພາກສະໜາມຂອງຄະນະວິຊາການລາວ-ອາເມລິກາໃນການຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວຄັ້ງທີ 1 ປະຈໍາປີ 2018-2019 ຢູ່ກໍລະນີ 1791 ເຂດບ້ານສີບຸນເຮືອງ, ເມືອງຮຸນ, ແຂວງອຸດົມໄຊ ແລະ ກໍລະນີ 1452 ເຂດບ້ານຜາທາງ, ເມືອງຄໍາແຂວງຊຽງຂວາງ.

  ໂດຍສືບຕໍ່ປະຕິບັດນະໂຍບາຍມະນຸດສະທຳອັນສະເໝີຕົ້ນສະເໝີປາຍຂອງລັດຖະບານແຫ່ງສາທາລະນະລັດ ປະຊາທິປະໄຕ ປະຊາຊົນລາວ ທີ່ມີຕໍ່ຄອບຄົວກໍຄືຍາດພີ່ນ້ອງຂອງຜູ້ທີ່ຫາຍສາບສູນໃນປາງສົງຄາມຢູ່ລາວ ແລະ ອີງຕາມການຮ້ອງຂໍຂອງລັດຖະບານອາເມລິກາໃນການແກ້ໄຂບັນຫາດັ່ງກ່າວ, ສອງຝ່າຍລາວ-ອາເມລິກາ ລະຫວ່າງຜູ້ຕາງໜ້າລັດຖະບານລາວແມ່ນທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີກະຊວງການຕ່າງປະເທດ, ຜູ້ຊີ້ນຳວຽກງານສໍາຫຼວດ ແລະ ຂຸດຄົ້ນ ເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວເປັນຜູ້ກ່າວມອບ ແລະ ຜູ້ຕາງໜ້າລັດຖະບານສະຫະລັດອາເມລິກາແມ່ນທ່ານ Colin Crosby ອຸປະທູດຊົ່ວຄາວຂອງສະຫະລັດອາເມລິກາປະຈຳລາວເປັນຜູ້ກ່າວຮັບ.

 ຕະຫຼອດໄລຍະເວລາຫຼາຍກວ່າ 30 ປີແຫ່ງການຮ່ວມມືສອງຝ່າຍລາວ-ອາເມລິກາ ໃນການດໍາເນີນການສໍາຫຼວດ ແລະ ຂຸດຄົ້ນ ເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາ ທີ່ຫາຍສາບສູນໃນປາງສົງຄາມຢູ່ລາວ, ສະແດງໃຫ້ເຫັນວ່າ: ແມ່ນການຮ່ວມມືທີ່ສໍາຄັນ ແລະ ເອົາໃຈໃສ່ເປັນພິເສດຂອງລັດຖະບານລາວແຕ່ສູນກາງຈົນຮອດທ້ອງຖິ່ນ, ຕະຫຼອດຮອດການເສຍສະຫຼະເຫື່ອແຮງກໍ່ຄືການຮ່ວມມືຊ່ວຍເຫຼືອຂອງປະຊາຊົນລາວບັນດາເຜົ່າທີ່ດໍາລົງຊີວິດໃນບໍລິເວນທີ່ມີການສໍາຫຼວດ ແລະ ຂຸດຄົ້ນ ຕົວຈິງໃນເຂດແຂວງຕ່າງໆທົ່ວປະເທດ, ສິ່ງທີ່ສໍາຄັນແມ່ນຄວາມເຫັນອົກເຫັນໃຈ ໃນແຕ່ລະໄລຍະຂອງການປະຕິບັດງານຮ່ວມກັນ, ຊຶ່ງທັງໝົດນີ້ ໄດ້ປະກອບສ່ວນສໍາຄັນເຮັດໃຫ້ການຮ່ວມມືສອງຝ່າຍໃນດ້ານນີ້ໄດ້ຮັບຜົນສໍາເລັດເປັນກ້າວໆມາ.

- 1 1 - ມອບ-ຮັບສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ
- Tiger Head 728x90 - ມອບ-ຮັບສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ
- DSC 2786 - ມອບ-ຮັບສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ
????????????????????????????????????

 ຜົນການສໍາຫຼວດ ແລະ ຂຸດຄົ້ນ ເພື່ອຊອກຫາສິ່ງເສດເຫຼືອຂອງທະຫານອາເມລິກາ ທີ່ຫາຍສາບສູນໃນປາງສົງຄາມຢູ່ລາວມາຮອດປະຈຸບັນ, ບັນລຸໄດ້ແລ້ວ 283 ຄົນ, ເພື່ອສົ່ງຄືນໃຫ້ແກ່ຄອບຄົວຂອງພວກກ່ຽວນໍາໄປທໍາພິທີທາງສາດສະໜາຕາມການຮ້ອງຂໍຂອງປະຊາຊົນອາເມລິກາ ຫຼື ເກືອບເທົ່າ 50% ຂອງຈໍານວນທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວທັງໝົດຈໍານວນ 573 ຄົນ, ສ່ວນອີກ 290 ຄົນ ທີ່ຍັງເຫຼືອແມ່ນຝ່າຍອາເມລິກາຍັງຈະໄດ້ສືບຕໍ່ຂໍການຮ່ວມມືຈາກລັດຖະບານລາວ ເພື່ອດໍາເນີນການສໍາຫຼວດ ແລະ ຂຸດຄົ້ນຕໍ່ໄປໃຫ້ໄວຂຶ້ນ.

error: Content is protected !!