ສະມາຄົມເຜົ່າມົ້ງ ແຂວງຫລວງພະບາງ ເປີດງານບຸນ ນໍເປເຈົາ ປະຈຳປີ ຢ່າງມ່ວນຊື່ນ

- 4454114 - ສະມາຄົມເຜົ່າມົ້ງ ແຂວງຫລວງພະບາງ ເປີດງານບຸນ ນໍເປເຈົາ ປະຈຳປີ ຢ່າງມ່ວນຊື່ນ
- Untitled design - ສະມາຄົມເຜົ່າມົ້ງ ແຂວງຫລວງພະບາງ ເປີດງານບຸນ ນໍເປເຈົາ ປະຈຳປີ ຢ່າງມ່ວນຊື່ນ

ໃນວັນທີ 10 ທັນວານີ້, ຫຼວງພະບາງ,ສະມາຄົມ ຊ່ວຍເຫຼືອເຊິ່ງກັນ ແລະ ກັນຂອງເຜົ່າມົ້ງ ແຂວງຫຼວງ ພະບາງ ໄດ້ຈັດງານສົ່ງ   ທ້າຍປີເກົ່າຕ້ອນຮັບປີໃໝ່        ຫຼືບຸນນໍເປເຈົາ ຂຶ້ນທີ່ບ້ານ ວັງເງິນ ນະຄອນຫລວງພະ ບາງໂດຍການເຂົ້າຮ່ວມ ຂອງທ່ານ ຄໍາຂັນຈັນທະ ວີສຸກ ເລຂາພັກແຂວງ, ເຈົ້າແຂວງຫຼວງພະບາງ ແລະ ທ່ານ ເຈົ້ານະຄອນຫຼວງ ພະບາງ, ປະທານແນວລາວ ສ້າງຊາດແຂວງ, ອະດີດ ການນຳແຂວງ, ເມືອງ ແລະຜູ້ຕາງໜ້າເຜົ່າລາວ ແລະ ເຜົ່າກຶມມຸ ພ້ອມດ້ວຍປະຊາ ຊົນຊາວເຜົ່າມົ້ງເຂົ້າຮ່ວມເປັນຈຳນວນຫລາຍ.

- 745 - ສະມາຄົມເຜົ່າມົ້ງ ແຂວງຫລວງພະບາງ ເປີດງານບຸນ ນໍເປເຈົາ ປະຈຳປີ ຢ່າງມ່ວນຊື່ນ

ບຸນປະຈຳປີຂອງເຜົ່າ ມົ້ງ ແມ່ນງານສົ່ງທ້າຍປີ    ເກົ່າຕ້ອນຮັບປີໃໝ່, ເປັນສັນ ຍາລັກແຫ່ງຄວາມສາມັກ     ຄີ, ຄວາມຜູກໝັ້ນໃນວົງ      ສາຄະນາຍາດຂອງປະຊາ ຊົນເຜົ່າມົ້ງທີ່ຢູ່ເຂດຫ່າງ ໄກສອກຫລີກໄດ້ມາພົບ ປະສ້າງສັນ ແລະ ເພື່ອເຮັດ ພິທີກຳລະນຶກເຖິງບັນພະ ບູລຸດຂອງວົງສາຄະນະຍາດຂອງຕົນ, ເຊິ່ງເຈົ້າກົກເຈົ້າ   ເລົ່າ ໄດ້ນຳພາຊາວເຜົ່າມົ້ງ ຈັດງານບຸນນໍເປເຈົາທີ່ຍິ່ງ  ໃຫຍ່ ຂຶ້ນມາແຕ່ດົນນານ  ແລະ ມີຄວາມໝາຍຄວາມສຳຄັນ    ທີ່ສ່ອງແສງເຖິງຮີດຄອງ ປະເພນີ, ວັດທະນະທຳອັນດີ ງາມຂອງແຕ່ລະຊົນເຜົ່າ ໃນລາວ, ໂດຍສະເພາະແມ່ນ ເຜົ່າມົ້ງ ເຊິ່ງມີເອກະລັກສະ ເພາະເຊັ່ນ: ການໂຍນໝາກ ຄອນ, ເປົ່າແຄນ, ການຂັບ ລຳ, ຍິງໜ້າເກັກ, ຕີໝາກ ຂ່າງ, ເປົ່າຂຸ່ຍ ແລະ ເປົ່າໃບໄມ້ ຢ່າງເບີກບານມ່ວນຊື່ນ.

ທ່ານ ໄຊສຸລືເຮີ ປະທານ ສະມາຄົມຊ່ວຍເຫຼືອເຊິ່ງກັນ ແລະ ກັນເຜົ່າມົ້ງແຂວງຫຼວງ ພະບາງ ກ່າວວ່າ: ການຈັດ ງານນີ້ແມ່ນເພື່ອສະຫຼຸບ ຜົນສຳເລັດການ ຈັດຕັ້ງປະ ຕິບັດວຽກງານຮອບດ້ານ ໃນໄລຍະ 1 ປີຜ່ານມາຂອງ ຊາວເຜົ່າມົ້ງ ພ້ອມທັງວາງທິດ ທາງແຜນການໃສ່ຊຸມປີຕໍ່       ໄປ ເພື່ອເປັນບ່ອນອີງໃຫ້ ແກ່ແຜນພັດ ທະນາເສດຖະ ກິດ ແລະ ສັງຄົມໃຫ້ມີການ ຂະຫຍາຍຕົວຢ່າງຕໍ່ເນື່ອງ ເຮັດໃຫ້ຊີ ວິດການເປັນຢູ່ຂອງ ປະຊາຊົນທຸກຊັ້ນຄົນ, ມີວຽກ ເຮັດງານທຳອັນແນ່ນອນ, ສ້າງລາຍຮັບເຂົ້າສູ່ຄອບຄົວ ໃຫ້ນັບມື້ຫຼາຍຂຶ້ນ ເພື່ອຫຼຸດ ພົ້ນອອກຈາກຄອບຄົວທຸກ ຍາກກາຍເປັນຄອບຄົວຮັ່ງ ມີເທື່ອລະກ້າວ ແລະ ສ້າງ ຄວາມສາມັກຄີຮັກແພງ ຊ່ວຍເຫຼືອເຊິ່ງກັນ ແລະ ກັນໃຫ້ແໜ້ນແຟ້ນ, ພ້ອມ     ກັນປົກປັກຮັກສາຮີດຄອງ ປະເພນີ ແລະ ວັດທະນະທຳ ອັນດີງາມຂອງເຜົ່າ, ຂອງ ຊາດໃຫ້ຍືນຍົງຄູ່ກັບເຜົ່າ ມົ້ງຕະຫຼອດໄປ, ທັງເປັນການ ສົ່ງເສີມ, ດຶງດູດການທ່ອງ ທ່ຽວ ແຂວງຫຼວງພະບາງ ໃຫ້ນັບມື້ດີຂຶ້ນໂດຍສະເພາະ ເຜົ່າມົ້ງທີ່ອາໄສຢູ່ຂອບເຂດ ເທສະບານແມ່ນໄດ້ປະກອບອາຊີບຕາມຄວາມເໝາະ      ສົມ ເປັນຕົ້ນແມ່ນການບໍລິ ການຄ້າຂາຍ, ປູກຝັງ-ລ້ຽງ ສັດ ແລະ ເຮັດຫັດຖະກຳ ຖັກແສ່ວ ໂດຍອີງໃສ່ທ່າແຮງ ແລະ ຄວາມຕ້ອງການຂອງ ປະຊາຊົນ. ປັດຈຸບັນໄດ້ສ້າງ ກອງທຶນຊ່ວຍເຫຼືອເຊິ່ງກັນ ແລະ ກັນມາແຕ່ປີ 1996, ມີສະມາຊິກ 1.375 ຄອບຄົວ, ຢູ່ໃນ 1 ນະຄອນ ແລະ 3 ຕົວເມືອງຄື: ນະຄອນຫຼວງ ພະບາງ, ເມືອງຊຽງເງິນ, ເມືອງປາກອູ ແລະ ເມືອງ ໂພນໄຊ.

 ໂອກາດນີ້ທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງ ພະບາງ ໄດ້ຂຶ້ນກ່າວອວຍ ພອນວ່າ: ໃນນາມຕາງໜ້າ ໃຫ້ຄະນະພັກ, ສະພາປະ ຊາຊົນ, ອົງການປົກຄອງ ແຂວງ ແລະ ສ່ວນຕົວຂໍອວຍ ພອນໄຊອັນປະເສີດໃຫ້ແກ່ ພີ່ນ້ອງ ເຜົ່າມົ້ງ ແລະ ບັນດາ ເຜົ່າທົ່ວແຂວງຫຼວງພະບາງຈົ່ງມີສຸຂະພາບແຂງແຮງ, ອາຍຸໝັ້ນຍືນ, ເປັນຫຼັກແຫຼ່ງ  ໃນການເຕົ້າໂຮມຄວາມສາ ມັກຄີ ໃຫ້ເປັນປຶກແຜ່ນແໜ້ນ ໜາ ເພື່ອພ້ອມກັນເປັນເຈົ້າ ການປະຕິບັດ 2 ໜ້າທີ່ຍຸດ     ທະສາດຄື: ປົກປັກຮັກສາ, ສ້າງສາພັດທະນາປະເທດ ຊາດ ແລະ ພັດທະນາແຂວງ ຫຼວງພະບາງໃຫ້ກ້າວຂຶ້ນ ຢ່າງບໍ່ຢຸດຢັ້ງ,ຂໍອວຍພອນ ໄຊໃຫ້ບຸນກິນຈຽງຂອງພີ່ ນ້ອງເຜົ່າມົ້ງຈົ່ງເປັນບຸນແຫ່ງຄວາມເບີກບານມ່ວນຊື່ນ, ເປັນບຸນແຫ່ງຄວາມສຸກສົມ ຫວັງ, ຄວາມຄິດຮອດຄິດ ເຖິງ,ຄວາມຮັກໄຄໄມຕີຂອງປະຊາຊົນບັນດາເຜົ່າໃນທົ່ວ ແຂວງ. ເປັນບຸນປະເພນີແຫ່ງ ປີສ້າງທ່ວງທ່າ ແລະ ບາດ ກ້າວໃໝ່ເພື່ອຍົກລະດັບຊີວິດການເປັນຢູ່ຂອງຕົນເອງ, ຄອບຄົວໃຫ້ຫຼຸດພົ້ນອອກຈາກຄວາມທຸກຍາກກ້າວໄປເຖິງຄອບຄົວທີ່ຮັ່ງມີກາຍເປັນຕົວແບບທີ່ດີເດັ່ນຂອງບ້ານ, ເມືອງ, ຂອງແຂວງ ແລະ ພ້ອມກັນຈັດຕັ້ງປະຕິບັດ  ແນວທາງນະໂຍບາຍຂອງ ພັກໃຫ້ປາກົດຜົນເປັນ           ຈິງ, ເຊີດຊູນໍ້າໃຈຮັກຊາດ, ຮັກລະບອບໃໝ່, ຮັກບ້ານ ເກີດເມືອງນອນ,ຮັກວັດທະ ນະທໍາພ້ອມກັນເຄົາລົບ ແລະ ປະຕິບັດລະບຽບກົດໝາຍ ຢ່າງເຂັ້ມງວດ.

- Wave100S AD to Website 2020 0 - ສະມາຄົມເຜົ່າມົ້ງ ແຂວງຫລວງພະບາງ ເປີດງານບຸນ ນໍເປເຈົາ ປະຈຳປີ ຢ່າງມ່ວນຊື່ນ

ໃນພິທີກໍໄດ້ຮັບຊົມການສະແດງສິລະປະວັນນະຄະດີຈາກໜ່ວຍສິລະປະມົ້ງແຕ່ ລະບ້ານ ເປັນຕົ້ນແມ່ນການ ຟ້ອນ, ການເຕັ້ນ, ການເປົ່າປີ່-ເປົ່າແຄນ ທີ່ເປັນເອກະລັກ ສະເພາະຊົນເຜົ່າມົ້ງໃຫ້ຜູ້     ເຂົ້າຮ່ວມໄດ້ຮັບຊົມ. ພ້ອມນີ້ບັນດາການນໍາກໍໄດ້ຮ່ວມ  ພິທີການຕໍາເຂົ້າປາປາ ແລະ ໂຍນໝາກຄອນ ທ່າມກາງ ສຽງແຄນ ແລະ ສຽງປີ່ຮ່ວມ ກັນຢ່າງເບີກບານມ່ວນຊື່ນ./.

- WhatsApp Image 2020 05 27 at 5 - ສະມາຄົມເຜົ່າມົ້ງ ແຂວງຫລວງພະບາງ ເປີດງານບຸນ ນໍເປເຈົາ ປະຈຳປີ ຢ່າງມ່ວນຊື່ນ
- WhatsApp Image 2020 05 27 at 5 - ສະມາຄົມເຜົ່າມົ້ງ ແຂວງຫລວງພະບາງ ເປີດງານບຸນ ນໍເປເຈົາ ປະຈຳປີ ຢ່າງມ່ວນຊື່ນ
error: Alert: ເນື້ອຫາຂ່າວມີລິຂະສິດ !!