ສະພາຟີລິບປິນອະນຸມັດຕໍ່ອາຍຸກົດ ໄອຍະການເສິກທາງໃຕ້ໄປເຖິງທ້າຍປີໜ້າ

- advert banner 728 90 728x90 - ສະພາຟີລິບປິນອະນຸມັດຕໍ່ອາຍຸກົດ ໄອຍະການເສິກທາງໃຕ້ໄປເຖິງທ້າຍປີໜ້າ

     ລັດຖະສະພາຟີ​ລິບ​ປິ​ນອະນຸມັດ​ໃຫ້​ຕໍ່​ອາຍຸ​ກົດ​ໄອ​ຍະ​ການ​ເສິກ​ຢູ່​ເກາະ​ມິນ​ດາ​ເນົາ ທາງ​ໃຕ້​ຂອງ​ປະ​ເທດ​ໄປ​ຈົນ​ຮອດ​ທ້າຍ​ປີ 2019 ຕາມ​ທີ່​ປະທານາທິບໍດີ​ອ້າງ​ວ່າ​ຕ້ອງ​ຮັກສາ​ມາດ​ຕະການ​ຮັກສາ​ຄວາມ​ປອດ​ໄພ​ເຂັ້ມງວດ ​ເພື່ອ​ສະກັດ​ກຸ່ມ​ປໍ​ລະ​ປັກ​ບໍ່​ໃຫ້​ລວມຕົວ​ກັນ​ໄດ້​ອີກ.

      ສະມາຊິກ​ສະພາ​ລົງມະຕິ 235 ຕໍ່ 28 ສຽງ ​ເຫັນ​ພ້ອມ​ໃຫ້​ຕໍ່​ອາຍຸ​ປະກາດ​ກົດ​ໄອ​ຍະ​ການ​ເສິກ​ຢູ່​ເກາະ​ມິນ​ດາ​ເນົາ​ໄປ​ຈົນ​ຮອດ​ທ້າຍ​ປີໜ້າ ​ເຊິ່ງຈະ​ຄົບ​ກຳນົດ​ໃນ​ທ້າຍ​ປີ​ນີ້ ​ເປັນ​ການ​ຕໍ່​ອາຍຸ​ຄັ້ງທີ 3 ນັບ​ຈາກ​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ປະກາດ​ໃຊ້​ຄັ້ງທຳ​ອິດ​ໃນ​ເດືອນ​ພຶດສະພາ 2017 ​ເມື່ອ​ກຸ່ມ​ຕິດ​ອາວຸດ​ບຸກຢຶດ​ເມືອງ​ມາຣາວີ ສູ້​ຮົບ​ກັບ​ກອງ​ກຳລັງ​ລັດຖະບານ​ທີ່​ໃຊ້​ປະຕິບັດ​ການ​ຖະຫລົ່ມ​ທັງ​ທາງບົກ ​ແລະ ທາງ​ອາກາດ​ເປັນ​ເວລາ 5 ​ເດືອນ​ຈຶ່ງ​ຢຸດຕິ.

       ປະທານາທິບໍດີ​ມີ​ໜັງສື​ເຖິງ​ສະພາ​ໃນ​ວັນ​ທີ 6 ທັນວາ ຂໍ​ໃຫ້​ຕໍ່​ອາຍຸ​ກົດ​ໄອ​ຍະ​ການ​ເສິກ ​ໂດຍ​ໃຫ້​ເຫດຜົນ​ວ່າ: ​ເພື່ອ​ໃຫ້​ສາມາດ​ກວາດ​ລ້າງ​ກຸ່ມ​ກໍ່​ການ​ຮ້າຍ​ທີ່​ຍັງ​ດຳ​ເນີນ​ກິດຈະການ​ອັນ​ເປັນ​ປໍ​ລະ​ປັກ​ທ້າ​ທາຍ​ລັດຖະບານ ​ເພາະ​ເຖິງ​ວ່າ​ກົດ​ໄອ​ຍະ​ການ​ເສິກ​ເຮັດ​ໃຫ້​ມິນ​ດາ​ເນົາ​ມີ​ຄວາມ​ສະຫງົບ ​ແລະ ຄວາມ​ຮຽບຮ້ອຍ​ຂຶ້ນ, ​ແຕ່​ຜົນ​ການ​ຕີ​ລາຄາ​ຄວາມ​ປອດ​ໄພ​ຫລ້າ​ສຸດ​ຊີ້​ວ່າ: ຍັງ​ຈຳ​ເປັນ​ຕ້ອງ​ມີ​ກົດ​ໄອ​ຍະ​ການ​ເສິກ​ຢູ່. ພ້ອມ​ກັບ​ອ້າງ​ວ່າ: ຍັງ​​ເກີດ​ລະ​ເບີດ​ຮ້າຍ​ແຮງ​ຫລາຍ​ຄັ້ງຢູ່​ມິ​ນດາ​ເນົາ​ໃນ​​ໄລຍະ​ຫລາຍ​ເດືອນ​ຜ່ານ​ມາ.

- 1 1 - ສະພາຟີລິບປິນອະນຸມັດຕໍ່ອາຍຸກົດ ໄອຍະການເສິກທາງໃຕ້ໄປເຖິງທ້າຍປີໜ້າ
- lattana 1 - ສະພາຟີລິບປິນອະນຸມັດຕໍ່ອາຍຸກົດ ໄອຍະການເສິກທາງໃຕ້ໄປເຖິງທ້າຍປີໜ້າ

        ດ້ານ ສສ ຝ່າຍ​ຄ້ານ ຂັດ​ແຍ່ງ​ວ່າ: ຄຳ​ຂໍ​ໃຫ້​ຕໍ່​ອາຍຸ​ກົດ​ໄອ​ຍະ​ການ​ເສິກ​ຟັງ​ບໍ່​ຂຶ້ນ, ຖ້າ​ຕໍ່​ອາຍຸ​ອີກ​ສະ​ແດງ​ວ່າ​ທະຫານ-ຕຳຫລວດ​ບໍ່​ສາມາດ​ບັນລຸ​ຕາມ​ຈຸດປະສົງ​ຂອງ​ການ​ໃຊ້​ກົດ​ໄອ​ຍະ​ການ​ເສິກ ​ແລະ ການ​ຕໍ່​ອາຍຸ​ແບບ​ບໍ່​ເໝາະ​ສົມ​ຈະ​ກາຍ​ເປັນ​ການ​ໃຊ້​ກົດ​ໄອ​ຍະ​ການ​ເສິກ​ຢ່າງ​ຖາວອນ. ນອກຈາກ​ນີ້ ຍັງ​ມີ​ຜູ້​ຍື່ນ​ຄຳ​ຮ້ອງ​ຕໍ່​ຄະນະ​ກຳມະການ​ສິດທິ​ມະນຸດ​ວ່າ​ມີ​ການລະ​ເມີດ​ສິດທິ​ມະນຸດ​ລະຫວ່າງ​ທີ່​ມີ​ການ​ໃຊ້​ກົດ​ໄອ​ຍະ​ການ​ເສິກ​ບໍ່​ຕໍ່າ​ກວ່າ 155 ຄົນ.

error: Content is protected !!