ໂຣນັລໂດ ທ້າດວນ ເມສຊີ ໃນອີຕາລີ

- advert banner 728 90 728x90 - ໂຣນັລໂດ ທ້າດວນ ເມສຊີ ໃນອີຕາລີ

     ຄຣິສ​ເຕຍ​ໂນ ​ໂຣນັລ​ໂດ ທ້າ​ດວນ ລິ​ໂອ​ເນລ ​ເມສຊີ ​ໃຫ້ມາ​ວັດ​ຝີ​ຕີນ​ອີກ​ຄັ້ງ​ໃນ​ເສິກ​ກັລ​ໂຊ ​ເຊ​ເຣຍ ອາ ອີ​ຕາ​ລີ, ສ່ວນ ອາຣ໌​ເຢນ ຣ໊ອບ​ເບ​ນ ອາດ​ຢຸດ​ອາຊີບ​ຫລັງ​ຈົບ​ລະດູ​ການ​ນີ້.

     ຄຣິສ​ເຕຍ​ໂນ ​ໂຣນັລ​ໂດ ກອງ​ໜ້າ​ທີ​ມຊາດ​ໂປຣຕຸ​​ເກສ ຂອງ ຢູ​ເວນ​ຕຸ​ສ ​ໃນ​ເສິກ​ກັລ​ໂຊ ​ເຊ​ເຣຍ ອາ ອີ​ຕາ​ລີ ​ເຊີນຊວນ​ທ້າ​ທາຍ​ໃຫ້ ລີ​ໂອ​ເນລ ​ເມສຊີ ດາວ​ຍິງ​ອາ​ເຈນ​ຕິ​ນາ ຂອງ ບາ​ເຊ​ໂລ​ນາ ​ໃນ​ເສິກ​ລີ​ກາ ສະ​ເປ​ນ ​ໃຫ້​ຍ້າຍ​ມາ​ດວນ​ຝີ​ຕີນ​ກັນ​ອີກ​ຄັ້ງ​ໃນ​ອີ​ຕາ​ລີ ຫລັງ​ຈາກ​ທັງ​ສອງ​ພົບ​ກັນ​ມາ​ແລ້ວ​ໃນ ລາ​ລີ​ກາ ສະ​ເປ​ນ ​ໄດ້​ເປີດ​ເຜີຍ​ວ່າ: ຕົນ​ຢາກ​ໃຫ້ ​ເມສຊີ ມາ​ຫລິ້ນຢູ່​ອີ​ຕາ​ລີ​ໃນ​ວັນ​ໜຶ່ງ​ຂ້າງ​ໜ້າ ​ແລະ ຫວັງ​ວ່າ​ ​ເມສຊີ ຈະ​ຍອມຮັບ​ຄຳ​ທ້າ​ຈາກ​ຕົນ ​ແຕ່​ຖ້າ ລາວ ມີ​ຄວາມສຸກ​ຢູ່​ບ່ອນ​ນັ້ນ ຕົນ​ກໍ​ເຄົາລົບ​ໃນ​ການ​ຕັດສິນ​ໃຈ.

       ນອກຈາກ​ນີ້ ​ໂຣນັລ​ໂດ ຍັງ​ເປີດ​ເຜີຍ​ອີກ​ວ່າ: ຕົນ​ບໍ່​ຕ້ອງການ​ອະດີດ​ເພື່ອນ​ຮ່ວມ​ທີ​ມ ຣີລ ມາດຣິດ ​ໃຫ້​ຍ້າຍ​ມາ​ຢູ່​ກັບ ຢູ​ເວນ​ຕຸ​ສ ພຽງ​ແຕ່​ຄົນ​ດຽວ ຍົກ​ເວັ້ນ ມາຣ໌​ເຊ​ໂລ ​ແບັກ​ຊ້າຍ​ທີ​ມຊາດ​ບຣາຊິ​ລ.

- lattana 1 - ໂຣນັລໂດ ທ້າດວນ ເມສຊີ ໃນອີຕາລີ
- 1 1 - ໂຣນັລໂດ ທ້າດວນ ເມສຊີ ໃນອີຕາລີ

      ລະດູ​ການ​ນີ້ ​ໂຣນັລ​ໂດ ລົງ​ຫລິ້ນ 15 ນັດ ຍິງ​ໄປ​ແລ້ວ 10 ປະຕູ ຊ່ວຍ​ໃຫ້ ທີ​ມຢູ​ເວນ​ຕຸ​ສ ຂຶ້ນນຳ​ຕາຕະລາງ ​ແລະ ຍັງ​ບໍ່​ເສຍ​ໃຫ້​ທີ​ມ​ໃດ.       ທາງ​ດ້ານ ​ອາຣ໌​ເຢນ ຣ໊ອບ​ເບ​ນ ທີ່​ຈະ​ອາຍຸ​ຄົບ 35 ປີ​ໃນ​ປີໜ້າ ອະດີດ​ປີກ​ທີ​ມຊາດ​ເນ​ເທີ​ແລນ ອອກ​ມາ​ເປີດ​ເຜີຍ​ວ່າ: ຫລັງ​ຈາກ​ໄດ້​ພິຈາລະນາ​ຢ່າງຮອບ​ຄອບ​ແລ້ວ​ວ່າ: ຕົນ​ອາດ​ຕັດສິນ​ໃຈ​ຢຸດ​ອາຊີບ​ຫລັງ​ຈົບ​ລະດູ​ການ 2018-19 ​ໂດຍ ຣ໊ອບ​ເບ​ນ ຢືນຢັນ​ວ່າ​ລາວ​ຈະ​ອຳ​ລາ ບາ​ເຢິນ ມິ​ວນິກ ຫລັງ​ສັນຍາ​ໝົດ​ລົງ​ໃນ​ເດືອນ​ມິຖຸນ​າປີໜ້າ ລວມທັງ​ຕັ້ງ​ໃຈ​ຈະ​ບອກ​ລາ​ສະໜາມ​ຫລັງ​ຈົບ​ລະດູ​ການ​ນີ້. ​ເຖິງ​ຢ່າງ​ໃດ​ກໍ​ຕາມ ຖ້າ​ມີ​ຂໍ້​ສະ​ເໜີ​ທີ່​ໜ້າ​ສົນ​ໃຈ​ຈາກ​ຈີນ ຫລື ຕາ​ເວັນ​ອອກ​ກາງ​ເຂົ້າມາ ອາດ​ເຮັດ​ໃຫ້​ຕົນ​ປ່ຽນ​ໃຈ​ຍອມ​ຫລິ້ນຕໍ່​ໄປ.

error: Content is protected !!