ເຫດຜົນຫຍັງທີ່ເຮັດໃຫ້ ຣອນນີ້ ໂອຊຸລລິເວນ ຢາກຫລິ້ນສະນຸກເກີໄປຈົນອາຍຸ 55 ປີ

- advert banner 728 90 728x90 - ເຫດຜົນຫຍັງທີ່ເຮັດໃຫ້ ຣອນນີ້ ໂອຊຸລລິເວນ ຢາກຫລິ້ນສະນຸກເກີໄປຈົນອາຍຸ 55 ປີ

      ຣອນນີ້ ​ໂອ​ຊຸລລິ​ເວນ ນັກ​ສະນຸກ​ເກີ​ມື 3 ຂອງ​ໂລກ​ຊາວ​ອັງກິດ ທີ່​ຫາ​ກໍ​ສ້າງ​ສະຖິຕິ​ຄວ້າ​ແຊ້ມລາຍການຢູ​ເຄ ​ແຊມ​ປ້ຽນຊິ​ບຫລາຍ​ທີ່​ສຸດ 7 ສະ​ໄໝ ​ແລະ ກາຍ​ເປັນ​ນັກ​ສະນຸກ​ເກີ​ທີ່​ຄວ້າ​ແຊ້ມລາຍການ​ທຣິບ​ເປິ​ລຄຣາວ ຫລື 3 ລາຍການ​ໃຫຍ່ (ຊີງ​ແຊ້ມ​ໂລກ, ຢູ​ເຄ ​ແຊມ​ປ້ຽນຊິ​ບ ​ແລະ ​ເດິ​ມາສ​ເຕີ) ​ໄດ້​ຫລາຍ​ທີ່​ສຸດ 19 ສະ​ໄໝ ​ໃນ​ວັນ​ທີ 9 ທັນວາ​ຜ່ານ​ມາ.

- new3 - ເຫດຜົນຫຍັງທີ່ເຮັດໃຫ້ ຣອນນີ້ ໂອຊຸລລິເວນ ຢາກຫລິ້ນສະນຸກເກີໄປຈົນອາຍຸ 55 ປີ

      ພາຍຫລັງ​ຄວ້າ​ແຊ້ມລາຍການ​ຢູ​ເຄ ​ແຊມ​ປ້ຽນຊິ​ບ ຄັ້ງຫລ້າ​ສຸດ ຣອນນີ້ ຫາ​ກໍ​ອາຍຸ​ຄົບ 43 ປີ ​ໃນ​ວັນ​ທີ 5 ທັນວາ​ຜ່ານ​ມາ ​​ໄດ້​ໃຫ້​ສຳພາດ​ວ່າ: ຕົນ​ເອງ​ຍັງ​ມີ​ຄວາມສຸກ​ກັບ​ການ​ຫລິ້ນສະນຸກ​ເກີ ອີກ​ທັງ​ຍັງ​ຮູ້ສຶກ​ປະ​ທັບ​ໃຈ​ທີ່​ແຟນສະນຸກ​ເກີ​ທົ່ວ​ໂລກ​ຍັງ​ເຊຍ​ຕົນ​ເອງ ​ແລະ ຮ່ວມ​ສະ​ແດງ​ຄວາມ​ຍິນ​ດີ​ໃນ​ຜົນສຳ​ເລັດ​ຂອງ​ຕົນ​ມາ​ໂດຍ​ຕະຫລອດ, ​ເຖິງ​ວ່າ​ປັດຈຸບັນ ຣອນນີ້ ຈະ​ຢູ່​ໃນ​ຊ່ວງ​ບັ້ນທ້າຍ​ຂອງ​ການ​ແຂ່ງຂັນ​ສະນຸກ​ເກີ​ອາຊີບ​ໂລກ​ແລ້ວ​ກໍ​ຕາມ.

     ຈາກ​ຄວາມ​ປະ​ທັບ​ໃຈ​ທີ່​ເຫັນ​ແຟນສະນຸກ​ເກີ​ຮ່ວມ​ສະ​ແດງ​ຄວາມ​ຍິນ​ດີ​ຢ່າງ​ຫລວງຫລາຍຜ່ານ​​ໂລກ​ອອນ​ລາຍ ​ເຮັດ​ໃຫ້ ຣອນນີ້ ​ໂອ​ຊຸລລິ​ເວນ ກ່າວ​ໃນ​ພາຍຫລັງ​ວ່າ: ສິ່ງ​ເຫລົ່າ​ນີ້ ຄື​ແຮງ​ຊຸກຍູ້​ໃຫ້​ຕົນ​ເອງ​ຍັງ​ຢາກ​ຈະ​ຫລິ້ນສະນຸກ​ເກີ​ຕໍ່​ໄປ ​ແລະ ຈະ​ບໍ່​ອີ່ມ​ຕົວ​ຕໍ່​ຜົນສຳ​ເລັດ​ຢ່າງ​​ແນ່ນອນ ​ເຖິງ​ວ່າ​ຈະ​ເຄີຍ​ຄວ້າ​ແຊ້ມລາຍການ​ສຳຄັນ​ມາ​ຈົນ​ຄົບ​ແລ້ວ​ກໍ​ຕາມ.

      ນອກ​ຈາກນີ້ ນັກ​ສະນຸກ​ເກີ​ຊາວ​ອັງກິດ ຍັງ​ກ່າວ​ອີກ​ວ່າ: ອີກ​ປັດ​ໄຈ​ສຳຄັນ​ທີ່​ເຮັດ​ໃຫ້​ຕົນ​ເອງ​ຍັງ​ມີ​ຄວາມ​ຮູ້ສຶກ​ຢາກ​ຫລິ້ນສະນຸກ​ເກີ​ຕໍ່​ໄປ ​ໂດຍ​ບໍ່​ຄິດ​ຈະລາ​ອາຊີບ​ໃນ​ຕອນ​ນີ້ ຄື ສະຕີ​ເຟ່ນ ຟີ​ນີ່ ​ຄູ​ຝຶກ​ຄົນ​ປັດຈຸບັນ​ຂອງ​ລາວ.

- lattana 1 - ເຫດຜົນຫຍັງທີ່ເຮັດໃຫ້ ຣອນນີ້ ໂອຊຸລລິເວນ ຢາກຫລິ້ນສະນຸກເກີໄປຈົນອາຍຸ 55 ປີ

      ສຳລັບ ສະ​ເຕີ​ເຟ່ນ ຟີ​ນີ່  ຍອດ​ຄູ​ຝຶກ​ຈາກ​ສະ​ຖາ​ບັນ​ Singt Right ມີ​ສ່ວນ​ສຳຄັນ​ໃນ​ການ​ພາ ສະ​ຈວດ ບິງ​ແຮມ ນັກ​ສະນຸກ​ເກີ​ຊາວ​ອັງກິດ ຄວ້າ​ແຊ້ມ​ໂລກ​ໃນ​ປີ 2015 ​ແລະ ຍັງ​ຊ່ວຍ​ໃຫ້ ມາຣ໌ກ ​ເຈ ວິລລຽມ ນັກ​ສະນຸກ​ເກີ​ຊາວ​ເວລ ສ້າງ​ຜົນງານ​ບໍ່​ດີ ຈົນ​ຄິດ​ຈະ​ເລ​ີກຫລິ້ນ ກັບ​ມາ​ຄວ້າ​ແຊ້ມ​ໂລກ 2018 ​ແບບ​ເຫລືອ​ເຊື່ອ ​ໃນ​ເດືອນ​ພຶດສະພາ​ຜ່ານ​ມາ ທີ່​ປະ​ເທດ​ອັງກິດ. ດ້ວຍ​ເຫດ​ນີ້ ​ເຮັດ​ໃຫ້ ຣອນນີ້ ​ໂອ​ຊຸ​ລລິ​ເວນ ຕັດສິນ​ໃຈ​ທາ​ບທາມ​ໃຫ້ ສະ​ເຕີ​ເຟ່ນ ຟີ​ນີ່ ມາ​ເປັນ​ຄູ​ຝຶກ​ໃຫ້​ຕົນ​ເອງ ​ໃນ​ຊ່ວງ​ກ່ອນ​ເລີ່​ມລະດູ​ການ 2018-19.

      ຈາກ​ຄວາມ​ຮູ້ສຶກ​ທີ່​ຍັງ​ມ່ວນ​ຊື່ນ​ໃນ​ການ​ຫລິ້ນສະນຸກ​ເກີ ​ເຈົ້າຂອງ​ແຊ້ມທຣິບ​ເປິ​ລຄຣາວຫລາຍ​ທີ່​ສຸດ 19 ສະ​ໄໝ ​ໄດ້​ອອກ​ມາ​ຢືນຢັນ​ແລ້ວ​ວ່າ: ຈະ​ຍັງ​ຫລິ້ນສະນຸກ​ເກີ​ໄປ​ອີກ​ຈົນ​ຮອດ​ອາຍຸ 55 ປີ.

error: Content is protected !!