IATA ຄາດອຸດສາຫະກຳການບິນ ມີກຳໄລຕໍ່ເນື່ອງຮອດປີໜ້າ

- 750x422 821103 1544659306 - IATA ຄາດອຸດສາຫະກຳການບິນ ມີກຳໄລຕໍ່ເນື່ອງຮອດປີໜ້າ
- Untitled design - IATA ຄາດອຸດສາຫະກຳການບິນ ມີກຳໄລຕໍ່ເນື່ອງຮອດປີໜ້າ

     ສະມາຄົມ​ການ​ຂົນ​ສົ່ງ​ທາງ​ອາກາດ​ສາກົນ (IATA) ຄາດ​ຄະ​ເນ​ວ່າ: ອຸດສາຫະກຳ​ການບິນ​ທົ່ວ​ໂລກ​ຈະ​ມີ​ກຳ​ໄລ​ສຸດທິ​ເພີ່ມ​ຂຶ້ນ 3,55 ໝື່ນ​ລ້ານ​ໂດ​ລາ​ສະຫະລັດ ​ໃນ​ປີໜ້າ ​ໂດຍ​ເພີ່ມ​ຂຶ້ນຈາກ​ລະດັບ 3,23 ໝື່ນ​ລ້ານ​ໂດ​ລາ​ສະຫະລັດ ທີ່​ຄາດ​ຄະ​ເນ​ໄວ້​ສຳລັບ​ປີ​ນີ້.

      IATA ລະບຸ​ວ່າ: ປີໜ້າ​ຈະ​ເປັນ​ປີ​ທີ 10 ຕິດ​ຕໍ່​ກັນ​ທີ່​ອຸດສາຫະກຳ​ການບິນ​ຈະ​ມີ​ກຳ​ໄລ ​ແລະ ​ເປັນ​ປີ​ທີ 5 ຕິດ​ຕໍ່​ກັນ​ທີ່​ຜົນ​ຕອບ​ແທນ​ຕໍ່​ທຶນ​ຂອງ​ອຸດສາຫະກຳ​ການບິນ​ຢູ່​ໃນ​ລະດັບ​ສູງ​ກວ່າ​ຄ່າ​ໃຊ້​ຈ່າຍ​ຕໍ່​ທຶນ.

      ທ່ານ ອາ​ເລັກ​ຊານ​ເດີ ​ເດິ ຈູ​ນິ​ແອດ ຜູ້ອຳນວຍການ​ທົ່ວ​ໄປ​ຂອງ IATA ກ່າວ​ວ່າ: ຕົ້ນທຶນ​ທີ່​ເພີ່ມ​ຂຶ້ນຈະ​ຫລຸດ​ຄວາມ​ສາມາດ​ໃນ​ການ​ສ້າງ​ກຳ​ໄລ​ໃນ​ປີໜ້າ, ​ແຕ່​ການ​ຫລຸດ​ລົງ​ຂອງ​ລາຄາ​ນ້ຳມັນ ​ແລະ ການ​ຄາດ​ຄະ​ເນ​ການ​ຂະຫຍາຍຕົວ​ທາງ​ເສດຖະກິດ​ທີ່​ແຂງ​ແກ່ນ​ຈະ​ຊ່ວຍ​ໜຸນ​ຜົນປະກອບ​ການ ​ແລະ ມີ​ຄວາມ​ເຊື່ອ​ໝັ້ນວ່າ​ອຸດສາຫະກຳ​ການບິນ​ຈະ​ມີ​ອະນາຄົດ​ທີ່​ສົດ​ໃສ​ຕໍ່​ໄປ​ຢ່າງ​ໜ້ອຍ​ອີກ 1 ປີ.

- Wave100S AD to Website 2020 0 - IATA ຄາດອຸດສາຫະກຳການບິນ ມີກຳໄລຕໍ່ເນື່ອງຮອດປີໜ້າ

      IATA ຄາດ​ຄະ​ເນ​ວ່າ: ທຸກ​ພາກພື້ນ ຍົກ​ເວັ້ນອາ​ຟຣິກາ ຈະ​ມີ​ກຳ​ໄລ​ໃນ​ປີ​ນີ້ ​ແລະ ປີໜ້າ ນຳ​ໂດຍ​ພາກພື້ນອາ​ເມ​ລິ​ກາ​ເໜືອ ​ເຊິ່ງຈະ​ມີ​ອັດຕາ​ສ່ວນ​ກຳ​ໄລ​ປະມານ​ເຄິ່ງໜຶ່ງ​ຂອງ​ອຸດສາຫະກຳ​ການບິນ​ທົ່ວ​ໂລກ ​ໂດຍ​ຄາດ​ວ່າ​ຈະ​ມີ​ກຳ​ໄລ​ສຸດທິ​ປະມານ 1,66 ໝື່ນ​ລ້ານ​ໂດ​ລາ​ສະຫະລັດ ​ໃນ​ປີໜ້າ ​ເພີ່ມ​ຂຶ້ນຈາກ 1,47 ໝື່ນ​ລ້ານ​ໂດ​ລາ​ສະຫະລັດ ​ໃນ​ປີ​ນີ້, ສ່ວນ​ພາກພື້ນອາຊີ-ປາຊີ​ຟິກຄາດ​ວ່າ​ຈະ​ມີ​ກຳ​ໄລ​ສຸດທິ​ປະມານ 1,04 ໝື່ນ​ລ້ານ​ໂດ​ລາ​ສະຫະລັດ ​ໃນ​ປີໜ້າ ​ເພີ່ມ​ຂຶ້ນຈາກ 9,6 ພັນ​ລ້ານ​ໂດ​ລາ​ສະຫະລັດ ​ໃນ​ປີ​ນີ້.

- WhatsApp Image 2020 05 27 at 5 - IATA ຄາດອຸດສາຫະກຳການບິນ ມີກຳໄລຕໍ່ເນື່ອງຮອດປີໜ້າ
- WhatsApp Image 2020 05 27 at 5 - IATA ຄາດອຸດສາຫະກຳການບິນ ມີກຳໄລຕໍ່ເນື່ອງຮອດປີໜ້າ
error: Alert: ເນື້ອຫາຂ່າວມີລິຂະສິດ !!