ລາວ​ເດີນ​ອາກາດ ຈະເລັ່ງປັບປຸງ​ການ​ບໍລິການ​ໃຫ້​ໄດ້​ມາດຕະຖານ​ສາກົນ

- Lao sky way - ລາວ​ເດີນ​ອາກາດ ຈະເລັ່ງປັບປຸງ​ການ​ບໍລິການ​ໃຫ້​ໄດ້​ມາດຕະຖານ​ສາກົນ
- Untitled design - ລາວ​ເດີນ​ອາກາດ ຈະເລັ່ງປັບປຸງ​ການ​ບໍລິການ​ໃຫ້​ໄດ້​ມາດຕະຖານ​ສາກົນ

   ພິທີ ມອບ-ຮັບ ຄະນະ​ບໍລິຫານ ​ບໍລິສັດ​ລັດ​ວິ​ສາ​ຫະກິດ ລາວ​ເດີນ​ອາກາດ ຊຸດໃໝ່​ໄດ້​ມີ​ຂຶ້ນ​ໃນ​ວັນ​ທີ 13 ທັນວາ ນີ້, ຢູ່ ນະຄອນຫລວງ​ວຽງຈັນ ລະຫວ່າງ​ທ່ານ ບຸນ​ມາ ຈັນ​ທະ​ວົງສາ ຜູ້ອຳນວຍການ​ຄົນ​ເກົ່າ ທີ່​ໄປ​ຮັບ​ຕຳ​ແຫນ່ງ​ໃໝ່ ​ເປັນ​ຜູ້ອຳນວຍການ ບໍລິສັດ ການບິນ​ລາວ ​ແລະ ທ່ານ ສີວຽງທອງ ກອນ​ນິວົງ ຜູ້ອຳນວຍການລັດວິສາຫະກິດ ລາວເດີນອາກາດ ຄົນໃໝ່, ​ໂດຍ​ການ​ເຂົ້າ​ຮ່ວມ​ຂອງ ທ່ານ ພົນຕີ ອ່ອນສີ ແສນສຸກ ຮອງລັດຖະມົນຕີ ກະຊວງ ປ້ອງກັນປະເທດ.

    ທ່ານ ສີວຽງທອງ ກອນ​ນິວົງ ​ໃຫ້​ຮູ້​ວ່າ: ຕະຫລອດ​ໄລຍະ 17 ປີຜ່ານມາ ບໍລິສັດ ລາວ​ເດີນ​ອາກາດ​ມີ​ການຂະ​ຫຍາຍ​ຕົວຢ່າງ​ຕໍ່​ເນື່ອງ, ການ​ດຳ​ເນີນ​ທຸລະ​ກິດ ມີ​ປະສິດທິພາບ, ​ເປັນ​ການ​ປະກອບສ່ວນ​ສຳຄັນ​ເຂົ້າ​ໃນ​ການ​ພັດທະນາ​ເສດຖະກິດ​ຂອງ​ຊາດ​ໃຫ້​ເຂັ້ມ​ແຂງ, ມາ​ຮອດ​ປີ 2018 ລາວ​ເດີນ​ອາກາດ ​ໄດ້​ກາຍ​ເປັນ ກຸ່ມ​ບໍລິສັດ ລັດ​ວິ​ສາ​ຫະກິດ ລາວ​ເດີນ​ອາກາດ ປະກອບ​ມີ 5 ຫົວໜ່ວຍທຸ​ລະ​ກິດ​ຄື: ບໍລິສັດ ລາວ​ເດີນ​ອາກາດ ( ບໍລິການ​ຖ້ຽວບິນ​ເຫມົາ ​ແລະ ສາຍ​ການບິນ ​ເປັນ ບໍລິສັດ ​ແມ່ ), ອຸດສາຫະກຳ​ການ​ບິນ ລາວ​ສະກາ​ຍ​ເວ ( ບໍລິການ​ສ້ອມ​ແປງ​ເຮືອບິນ ), ​ໂຮງ​ແຮມ ລາວ​ສະກາຍ​ເວ, ບໍລິສັດ ທ່ອງ​ທ່ຽວ ລາວ​ສະກາ​ຍ​ເວ ​ແລະ ບໍລິສັດ ລາວ​ສະກາ​ຍ​ເວ ບໍລິການ ອາຄານ ​ແລະ ບໍລິການ ພາກພຶ້ນດິນ, ນັບ​ແຕ່​ມື້ສ້າງ​ຕັ້ງ ບໍລິສັດ ​ໃນ​ປີ 2002, ມາ​ຮອດ​ປັດຈຸບັນ ມີ​ເຮືອບິນ 19 ລຳ, ທຸລະ​ກິດ​ມີ​ການ​ເຕີບ​ໃຫຍ່ ສະ​ເລ່ຍ 15% ຕໍ່ປີ, ມີ 7 ​ເສັ້ນທາງ​ບິນ ຈາກ​ນະຄອນຫລວງ​ວຽງຈັນ ​ໄປ​ບັນດາ​ແຂວງ ພາກ​ເຫນືອ ​ແລະ 1 ​ເສັ້ນ ​ບິນ​ໄປ​ແຂວງພາກ​ໃຕ້ ຊຶ່ງ​ໄດ້​ຮັບ​ການ​ຕອບ​ຮັບ​ທີ່​ດີ ຈາກ​ຜູ້​ໂດຍສານພາຍ​ໃນ ​ແລະ ຕ່າງປະ​ເທດ.

    ໃນໂອກາດນີ້, ທ່ານຜູ້ອຳນວຍການ ລັດວິສາຫະກິດ ລາວເດີນອາກາດ ໃຫ້ຮູ້ວ່າ: ໃນຕໍ່ໜ້າຈະປັບປຸງແບບ​ແຜນວິທີເຮັດວຽກ ຫັນໄປສູ່ລະບົບ ທັນສະໄໝ, ແນໃສ່ຫລຸດຜ່ອນຄ່າໃຊ້ຈ່າຍ, ຫລຸດຜ່ອນເວລາ ແລະ ເພີ່ມປະສິດທິ ພາບໃນວຽກງານສູງຂຶ້ນ, ສ້າງຫ້ອງການຖາວອນ ແລະ ອູ່ສ້ອມແປງເຮືອບິນ ໃຫ້ມີມາດຖານເທົ່າກັບສາກົນ.

- Wave100S AD to Website 2020 0 - ລາວ​ເດີນ​ອາກາດ ຈະເລັ່ງປັບປຸງ​ການ​ບໍລິການ​ໃຫ້​ໄດ້​ມາດຕະຖານ​ສາກົນ
- WhatsApp Image 2020 05 27 at 5 - ລາວ​ເດີນ​ອາກາດ ຈະເລັ່ງປັບປຸງ​ການ​ບໍລິການ​ໃຫ້​ໄດ້​ມາດຕະຖານ​ສາກົນ
- WhatsApp Image 2020 05 27 at 5 - ລາວ​ເດີນ​ອາກາດ ຈະເລັ່ງປັບປຸງ​ການ​ບໍລິການ​ໃຫ້​ໄດ້​ມາດຕະຖານ​ສາກົນ
error: Alert: ເນື້ອຫາຂ່າວມີລິຂະສິດ !!